KAINGKUALAN 14:28 - Tanou Moonsoi Timugon

²⁸ Saguli' timug no am napalinjob ra ngaangai' kurita' kuda am mapaugar no, am niayuk ngaangai' saujor ru Misir ondo' nangilou ra ulun ru Israil ra tanga' ru raat; kolondo' sangulun pana naayag.

KAINGKUALAN 14:28 ပူးပေါင်းရင်းမြစ်များ

KASAUKAN 50:9

Sampulalai nangkurita' kuda am nangkuda niayuk minaya' saboi ilo ti masuang kaga'.

KASAUKAN 7:18

Timug no timinuu' poyo am lalantau kapal rasawat ru timug.

2 TUNUNG RU BANSA' ISRAIL 20:24

Paat ra saujor ru Jiuda nakasaboi giu' ra rondo' manara giu' ra tana' kaagisan, nagilong ilo ra tampilon ru pantula' am nakakito ra ngaangai' pantula' minatoi nakalangan ra tana'. Kolondo' sangulun pana intor ra saujor ru pantula' ondo' naayag.

NIGIMIA 9:11

Linapak Mu raat koson nambaal ra ralan ru ulun Muno mongoi ra sandaup, nangator Kou risilo ra sandaup nansail ra lonor ru raat ondo' mapua'. Ulun ondo' nangilou risilo nolosor giu' ra raat ondo' malandom, koson ilo ra batu ondo' liminosor giu' ra raat ondo' makalalaa'.

MAZMUR 106:22

Makaimuag toojo ngaangai' binaal Nano ra pagun no, makaimuag toojo binaal Nano giu' ra Raat Galaga.

MAZMUR 136:15

kaa' raja' ru Misir am saujor nano linosor No; togom Nano mantilayun.

MAZMUR 78:53

Kalinuos No ayuk mangitang risilo saboi ilo kalo malaa', kaa pantula' nilono nolosor ra raat am minatoi.

KAINGKUALAN 14:13

Taam i Musa, “Pai' kalaa'! Ikang kano! Ilai' atan ondo' baalon ru Tuhan koson mamayag ramuyun ra orou raiti'; kalo boo makito min ngaangai' ulun ru Misir no.

KAINGKUALAN 15:10

Kaa' ra rondo' ayuk paminawo Muno, iou Tuhan, nolosor ulun ru Misir, nolosor ilo koson ra timah ralalom libut ru timug ra makalalaa' kaga'.

KAINGKUALAN 15:19

Nansail ulun ru Israil ra raat rasawat ru tana' ondo' mapua'. Kaa' pakasubol kurita' kuda am kuda ru ulun ru Misir, am niayuk mapaugar ra kurita' kuda ralalom ru raat, pasagulio' ru Tuhan timug no saboi nolosor ilo.

ABAKUK 3:13

Miningkual Kou koson mamayag ra ulun Muno, koson mamayag ra raja' pinili' Muno. Namparatu' Kou ra tingganai ru ulun malaat, am namuso ra ngaangai' maamaya' nano.

SAGULION 11:4

Nakito min noyo ati kulaan Tuhan namuso ra titikop saujor ru Misir nababaya' ra kurita' kuda nilo, am ra kinalom ngaangai' no giu' ralalom ru Raat Galaga paat ra ilo nangilou ramuyun.

IBRANI 11:29

Sabap ra pangintapatan noyo, ulun ru Israil nakalaup ra Raat Malia' koson mantana' ayuk ra ralan mapua'. Kaa' ulun ru Misir nongolosor ngai' paat ra ilo liminaup siminunu' ra ulun ru Israil.

TINGGANAI RU BANSA' 4:16

Inilou ri Barak kurita' kuda am saujor ru pantula' saboi ra Garosit-Gagoyim. Ngaangai' pulalai ru saujor ri Sisira pinatoi; kolondo' sangulun pana pinoloso naayag.