KAINGKUALAN 14:27 - Tanou Moonsoi Timugon

²⁷ Ginio ra patutuyo' ri Musa kalindu' nano rasawat ru raat. Katawang orou, saguli' timug koson ra kaindalaman. Kuminam ulun ru Misir magiru' intor ra raat, kaa' napalinjob Tuhan risilo.

KAINGKUALAN 14:27 ပူးပေါင်းရင်းမြစ်များ

NIGIMIA 9:11

Linapak Mu raat koson nambaal ra ralan ru ulun Muno mongoi ra sandaup, nangator Kou risilo ra sandaup nansail ra lonor ru raat ondo' mapua'. Ulun ondo' nangilou risilo nolosor giu' ra raat ondo' malandom, koson ilo ra batu ondo' liminosor giu' ra raat ondo' makalalaa'.

MAZMUR 106:11

Kaa' timug mompolosor ra pantula' nilono; kolondo' sangulun pana naayag.

MAZMUR 136:15

kaa' raja' ru Misir am saujor nano linosor No; togom Nano mantilayun.

MAZMUR 78:53

Kalinuos No ayuk mangitang risilo saboi ilo kalo malaa', kaa pantula' nilono nolosor ra raat am minatoi.

JISAYA 10:26

Aku, Tuhan Ondo' Maayo Kaga' Kuasa', mampalapos risilo ra pitol lalapos koson ra Aku nampalapos ra ulun ru Midian giu' ra Batu Orib ra galing i. Ukumin Ku Asyur koson ra Aku nangukum ra Misir.

SAGULION 11:4

Nakito min noyo ati kulaan Tuhan namuso ra titikop saujor ru Misir nababaya' ra kurita' kuda nilo, am ra kinalom ngaangai' no giu' ralalom ru Raat Galaga paat ra ilo nangilou ramuyun.

IBRANI 11:29

Sabap ra pangintapatan noyo, ulun ru Israil nakalaup ra Raat Malia' koson mantana' ayuk ra ralan mapua'. Kaa' ulun ru Misir nongolosor ngai' paat ra ilo liminaup siminunu' ra ulun ru Israil.

JOSUA 24:7

nampiau ilo Raki' makiindangan; naparatong Aku ra kalandaman ra lolot nilo am ulun ru Misir. Lininjob Ku ulun ru Misir ra timug ru raat saboi ilo nongolosor. Nakapandai kau ra atan binaal Kuno ra Misir. Nabuoi kau kaga' minayan ra tana' kaagisan.

JOSUA 4:18

Pakasaboi imam-imam no ra tobo ru sungoi, timinilis poyo timug ru sungoi am nampaliur koson ra talimpuun.