KAINGKUALAN 14:25 - Tanou Moonsoi Timugon

²⁵ Nangkinibit Io ra luda' ru kurita' kuda nilo maimpong saboi mapagon mugar. Indagu ulun ru Misir, “Sumumbung Tuhan ra ulun ru Israil koson manggal ritakau. Ibok no pagiru' takau intor ragiti!”

KAINGKUALAN 14:25 ပူးပေါင်းရင်းမြစ်များ

2 TUNUNG RU BANSA' ISRAIL 20:29

Moonong bansa' nangalaa' paat nokorongog ra binaal ru Tuhan nangala ra pantula' ru Israil.

NIGIMIA 4:14

Pakakito aku ra mangalaa' mamagun, indagu aku risilo, tingganai-tingganai am pagawai-pagawai nilo, “Pai' kalaa' ra pantula'. Karaa' mumpara' gayo am kinatulai ru Tuhan takau, am ingkotog kano gumula' tayar ru pabukat-pabukat min, anak andu' min am baloi-baloi min.”

NIGIMIA 6:16

Pokorongog pantula'-pantula' mai intor ra pagun-pagun paginggaar ra baal raginio, nakaliman ilo ra tinauyu' ilo, sabap ra moonong ulun nakapandai ra kandoi raginio binaal ra indangan ri Aki Kapuuno' galama'.

NIGIMIA 9:11

Linapak Mu raat koson nambaal ra ralan ru ulun Muno mongoi ra sandaup, nangator Kou risilo ra sandaup nansail ra lonor ru raat ondo' mapua'. Ulun ondo' nangilou risilo nolosor giu' ra raat ondo' malandom, koson ilo ra batu ondo' liminosor giu' ra raat ondo' makalalaa'.

AYUP 11:20

Kaa' ulun malaat mampulolou am maubong; kalo nakatuum ilo ra ralan ingkualan. Rondo' ayuk kalansanan nilo iono maminawo ra pupus toojo.”

AYUP 20:24

Paat ra ilo kuminam miliu intor ra ilang basi', panah gangsa' mamilat risilo.

AYUP 27:22

Kalo makaulig ra makaasi', linumpa' ilo ru angin, am nagiru' ilo kalalaat naguyum ra sindungan.

MAZMUR 35:1

Mazmur ri Daut. Tuhan, anggalo' noyo ulun ondo' tumula' raki', am anggalo' noyo ulun ondo' mangayou raki'.

MAZMUR 46:9

Ibok, ilai' ga atan ondo' binaal ru Tuhan. Ilai' ga, binaal ri Aki Kapuuno' ra tana' ti makaimuag kaga'.

MAZMUR 68:12

Manaak Tuhan ra panusuban Nano, am masuang ruandu' magibit ra tanou:

MAZMUR 76:6

Ulun-ulun baani ginaawan noyo; nokororot ilo am kalo boo sumukal-sukal; ngaangai' kaikangan am kapandayan nilono kolondo' boo onong.

KAINGKUALAN 14:14

Ra akau noyo Tuhan ondo' makimagula'. Kalo pana mambaal kau ra atan-atan.”

KAINGKUALAN 14:18

Paat ra kalaan Ku ilo, makapandai ulun ru Misir ra Aku noyo Tuhan.”

KAINGKUALAN 14:4

Mangkinibit Aku ra raja' ru Misir bambalingatan saboi mangilou io ramuyun; kamanangan Kuno ra raja' no maparatong ra pangurumatan Raki'. Makapandai boo ulun ru Misir ra Aku noyo Tuhan.” Nambaal ulun ru Israil ra atan ondo' nanusuban risilo.

KAINGKUALAN 15:3

Tuhan noyo mapanggol tumula', Tuhan noyo inggalan Nano.

JISAYA 31:4

Tuhan mindagu raki', “Kabalu' pana nasuangan magagalung gumolok, kalo maanjung nilo singa' intor ra bibiag ondo' pinatoi nano. Ginio niayuk kolondo' mokopongompong Raki' Tuhan Ondo' Maayo Kaga' Kuasa', ka manindung ra Bulur Sion.

JIRIMIA 51:21

koson mamuso ra kuda am ulun nangura' no, koson mamuso ra kurita' kuda am ulun timinampak no,

AMOS 1:14

Ginio ra atarin Ku apui giu' ra timbok ru bandar Raba am mangumpo ra ngaangai' kubu no. Paat raginio morongog ginia' ru pampatayan am pangayawan giminaai koson ra bagiu'.

AMOS 5:19

Baal nano koson ra ulun ondo' nagiru' intor ra singa', am nakatuum ra baawang; kapoam koson ra ulun ondo' muli' ra baloi am pabantaan no kalindu' nano ra timbok, am tindukon ru kukuo!

AMOS 9:1

Nakito ku Tuhan minigor ra sapapa' ru altar. Nangani' Io ra susuban ragitio, “Lambaa' kapuoro' toojo ulu ru lugu' giu' ra Baloi Kuno maa' raginio titikop ru langgar mapuyu'. Popolo' ulu-ulu ru lugu' no am polosoo' ngaangai' no maratu' ra rasawat ru ulu ru ulun. Ulun ondo' kalo matoi potoyon Ku ralalom pangayawan. Kolondo' sangulun pana makapagiru' koson mamayag ra inan.

SAGULION 1:30

Maningganai Tuhan i Aki Kapuuno' ramuyun. Makimantula' Io ra tayar min, koson ondo' nakito min noyo galama' giu' ra Misir

SAGULION 3:22

Pai' kalaa' risilo, sabap Tuhan i Aki Kapuuno' muno mangayou ra tayar muno.’ ”

SAGULION 32:31

Nakapandai pantula' ru Israil ra mangampin risilo malawo, kalo mapanggol koson ri Aki Kapuuno', Manindung ru Israil.

JOSUA 10:14

Iou pana paat ra galing am niayuk intor ra orou raginio, baal raginio kalo igondo' nasauk paat Tuhan siminugut ra kasagaan ru ulun. Paat orou raginio nangayou Tuhan tayar ru ulun ru Israil.

TINGGANAI RU BANSA' 4:15

Paat i Barak am saujor nano namulunsar ri Sisira, napaubong Tuhan ri Sisira nabaya' ra ngaangai' saujor am kurita' kuda nano. Tuun i Sisira intor ra kurita' kuda nano, am pagiru'.