KAINGKUALAN 14:24 - Tanou Moonsoi Timugon

²⁴ Paat ra tumawang orou, intor ra lugu' ru apui am lugu' ru gaun, nagilong Tuhan ra saujor ru Misir, am mampajajou risilo.

KAINGKUALAN 14:24 ပူးပေါင်းရင်းမြစ်များ

AYUP 22:13

Kaa' mangkuot kou, ‘Nakapandai kia i Aki Kapuuno'? Giu' Io ra sapapa' ru gaun am kalo makapangakim ritakau.’

AYUP 34:20

Maaru' lair ulun matoi paat ra rondom ra mamulali'. Ukumin ri Aki Kapuuno' ulun am ilo pana mapuso; Potoyon No ondo' maikang kaga' ra maluoi ayuk.

AYUP 34:29

Amon ru mamatas i Aki Kapuuno' koson ra mongkoror ayuk, kolondo' osoi pana mokololob Riso. Amon ru pasibunion No bulos Nano, kolondo' osoi pana makatuum Riso.

AYUP 40:12

Iou, tantangi' noyo ulun ondo' lumimbau am pakukuo' ilo; umoko' noyo ulun malaat raino niayuk.

MAZMUR 104:32

Pulolowon No tana' ti, tana' ti pana monontol; kumambong Io ra gunung, gunung pana makalisun.

MAZMUR 48:5

Ngaangai' raja' tumimung am matong mongoi pamuso ra Bulur Sion.

MAZMUR 78:14

Bulintok matawang tingganayon No ilo ra gaun, am bulintok molondom tingganayon No ilo ra simbula' ru apui.

MAZMUR 90:4

Saribu ngambilor pangkaraan Mu songorou; koson orou ra mai' i nakasail noyo, koson rondo' sumuali mantamung bulintok molondom.

KAINGKUALAN 13:21

Tampilon ra matawang, soroi Tuhan ra saang nilo ralalom lugu' ru gaun, koson manulu' ra ralan risilo; tampilon ra rondom soroi Io ra saang nilo ralalom lugu' ru apui, koson mangani' ra sinda risilo. Ginio ra makaugar ilo paat ra matawang am molondom.

KAINGKUALAN 14:25

Nangkinibit Io ra luda' ru kurita' kuda nilo maimpong saboi mapagon mugar. Indagu ulun ru Misir, “Sumumbung Tuhan ra ulun ru Israil koson manggal ritakau. Ibok no pagiru' takau intor ragiti!”

AMOS 9:4

Amon ru ibiton ilo ru pantula' giu' ra pamatiran, manusub Aku maa' raginio potoyon ilo. Totopot Ku potoyon ilo, am kalo mangindangan risilo.”

1 SAMUIL 11:11

Suabon no riminondom Raja' Saul nantatayar ra ulun-ulun nano nasauk ra talu ngampulalai. Kopongo raginio, paat ra matatawang, minongoi ilo ra tatanga' ru nangkiman ru ulun ru Amon am namulunsar risilo. Kalo poyo ra tanga' ru orou, kinala noyo pantula' ru saujor-saujor ru Raja' Saul. Ulun ru Amon ondo' kalo minatoi, nantabulias am saboi kolondo' ruo ngaulun ondo' nabaya' ra nagiru'.