KAINGKUALAN 14:22 - Tanou Moonsoi Timugon

²² am mansail ulun ru Israil ra raat ra rasawat ru tana' ondo' mapua', liliwa' timug tampilon pamiris am kait koson ra rinding masawat ru timug.

KAINGKUALAN 14:22 ပူးပေါင်းရင်းမြစ်များ

2 RAJA'-RAJA' 2:14

Lambaa' no timug ru sungoi no ra sukub ri Ilia, am indagu, “Ati nua' Tuhan, i Aki Kapuuno' ri Ilia?” Kopongo raginio lambaa' no poyo timug ru sungoi no, am kapiruo timug no, ugar boo i Ilisa laup ra sungoi no.

2 RAJA'-RAJA' 2:8

Kopongo raginio aluso' ri Ilia sukub nano, ruluno' no, am palambaa' ra timug ru sungoi no. Kalapak timug ru sungoi no napiruo saboi i Ilia am i Ilisa nakalaup ra sungoi minugar ra lonor ondo' mapua'.

NIGIMIA 9:11

Linapak Mu raat koson nambaal ra ralan ru ulun Muno mongoi ra sandaup, nangator Kou risilo ra sandaup nansail ra lonor ru raat ondo' mapua'. Ulun ondo' nangilou risilo nolosor giu' ra raat ondo' malandom, koson ilo ra batu ondo' liminosor giu' ra raat ondo' makalalaa'.

MAZMUR 106:9

Susubon No Raat Galaga am raat no pana mapua', ibiton No ulun Nano mugar ra raat, koson mugar ra tana' kaagisan.

MAZMUR 136:13

Raat Galaga linapak No; togom Nano mantilayun.

MAZMUR 136:14

Tiningganai No ulun Nano maya' ra raat raginio; togom Nano mantilayun;

MAZMUR 66:6

Kulawon No raat masauk ra tana' mapua', am kinamatuaan maili nantana' ra liminaup. Giu' no maansukan akai sabap ra binaal Nano.

MAZMUR 74:15

Baalon Mu taur am sungoi tumilis; kinapua' Mu sungoi ra mangaayo.

MAZMUR 78:13

Linapak No raat am naningganai risilo lumaup; sinauk No timug no koson ra timbok.

KAINGKUALAN 14:29

Kaa' ulun ru Israil nansail ra raat ralimbou ru tana' ondo' mapua', liliwa' timug tampilon pamiris am kait nasauk ra rinding masawat ru timug.

KAINGKUALAN 15:19

Nansail ulun ru Israil ra raat rasawat ru tana' ondo' mapua'. Kaa' pakasubol kurita' kuda am kuda ru ulun ru Misir, am niayuk mapaugar ra kurita' kuda ralalom ru raat, pasagulio' ru Tuhan timug no saboi nolosor ilo.

KAINGKUALAN 15:8

Sinampui Mu raat saboi timug no siminimpor; timinolorog timug no koson ra rinding batu; lonor nano ra malandom kaga' no nasauk mapua'.

JISAYA 11:15

Tuhan mapalasak ra Teluk Suez. Pasiobon No angin malasu' saboi Sungoi Iprat masauk tulu' ngantaun sungoi boborok ondo' maitik, am osoi-osoi pana makasandaup ra monggolob.

JISAYA 11:16

Ulun Nano ra ondo' lakat poyo naayag, mokoondo' ralan maayo mingkual intor ra Asyur, koson ra kinamatuaan ru ulun ru Israil miningkual intor ra Misir.

JISAYA 43:16

Galing i Tuhan nambaal ra ralan maya' ra raat, ralan maya' ra timug ondo' makakinulun.

JISAYA 51:10

Okou niayuk nampalasak ra raat, timug ru raat ondo' malandom. Binaal Mu ralan giu' ra tatanga' ru timug no, maa' raginio ulun-ulun bayagon makasandaup.

JISAYA 63:12

Ati kia Tuhan, ondo' ralalom ru kuasa' Nano nambaal Io ra baal makaimuag ondo' pinabala' galing ri Musa? Linapak No timug ru raat am mangitang ra ulun Nano sumandaup ra raat ondo' malandom, saboi inggalan Nano mauligan kaga' ra sabuoi-buoi no.” Koson ra kuda masigo kalo makasaru ilo sabap ra Tuhan mangindangan risilo.

JAKARIA 2:5

Tuhan nambantu' ra Io galama' masauk ra timbok ru apui ondo' lumibung ra bandar no koson manindung riso, am mayan Io ra giu' ra ngaangai' ru katulayan Nano.”

UNTABAN 33:8

Intor ra Pi-Agirot liminaup ilo ra Raat Galaga: am umpos ra tana' kaagisan Itam. Kopongo talu ngoorou pangkiralanan, nangkim ilo giu' ra Mara.

1 KORINTUS 10:1

Pabukat kau ngaangai', masaga' aku mampakara' ramuyun ra ondo' nasauk ra kinamatuaan takali paat ra nangkiralanan nilai mabaya' ri Musa. Ngaangai' nilo kinulumput ru gaun am namuntana' liminaup ra Raat Malia' i.

IBRANI 11:29

Sabap ra pangintapatan noyo, ulun ru Israil nakalaup ra Raat Malia' koson mantana' ayuk ra ralan mapua'. Kaa' ulun ru Misir nongolosor ngai' paat ra ilo liminaup siminunu' ra ulun ru Israil.

JOSUA 3:16

muog sungoi no tumilis. Maalur giu' ra ralayo ru sungoi, natimung timug no giu' ra Adam, rondo' bandar maar ra Sartan. Timug ondo' tumilis mongoi ra Raat Matoi naputat toojo. Ginio ra nakalaup ulun ru Israil ra sungoi maar ra bandar Jiriko.

JOSUA 3:17

Buoi ru ulun ru Israil mugar ra lonor ru sungoi ondo' mapua', imam-imam ondo' nansaan ra Kaban Nabantuan migor ra tatanga' ru lonor ru sungoi ondo' mapua' no, saboi ngaangai' ulun makasaboi ra sandaup.

JOSUA 4:22

balain ilo ra ulun ru Israil liminaup ra Sungoi Jordan ra lonor ondo' mapua'.

1 SAMUIL 25:16

Nangampin ilo ramon ra matawang am rondom ti buoi akai nagalung ra domba mamaar risilo.