KAINGKUALAN 14:21 - Tanou Moonsoi Timugon

²¹ Patutuyo' ri Musa kalindu' nano rasawat ru raat, am mangkinibit Tuhan ra angin sirangon sumiob ra mapuor saboi lumugut timug ru raat. Nagangin buoi ru rondom am nangulau ra raat nasauk ra tana' mapua'. Nalapak timug ru raat,

KAINGKUALAN 14:21 ပူးပေါင်းရင်းမြစ်များ

KASAUKAN 8:1

Kalo napalilian i Aki Kapuuno' ri Nuu am ngaangai' bibiag ondo' nababaya' riso ralalom ru kapal no. Pinagangin No saboi miniit rosob.

2 RAJA'-RAJA' 2:8

Kopongo raginio aluso' ri Ilia sukub nano, ruluno' no, am palambaa' ra timug ru sungoi no. Kalapak timug ru sungoi no napiruo saboi i Ilia am i Ilisa nakalaup ra sungoi minugar ra lonor ondo' mapua'.

NIGIMIA 9:11

Linapak Mu raat koson nambaal ra ralan ru ulun Muno mongoi ra sandaup, nangator Kou risilo ra sandaup nansail ra lonor ru raat ondo' mapua'. Ulun ondo' nangilou risilo nolosor giu' ra raat ondo' malandom, koson ilo ra batu ondo' liminosor giu' ra raat ondo' makalalaa'.

AYUP 26:12

Kuasa' ri Aki Kapuuno' manguasa' ra raat; Ragab, pinuso ru kapintaran Nano.

AYUP 38:24

Igondo' kono kia ongoi ra intok ru mato ru orou sumirang, kapoam minongoi ra intor toojo ru angin sirangon?

MAZMUR 136:13

Raat Galaga linapak No; togom Nano mantilayun.

MAZMUR 148:8

akau ganit am rasam batu, ais am gaun, am niayuk bagiu' ondo' gumagaya' ra susuban Nano.

MAZMUR 66:6

Kulawon No raat masauk ra tana' mapua', am kinamatuaan maili nantana' ra liminaup. Giu' no maansukan akai sabap ra binaal Nano.

MAZMUR 74:13

Ralalom kaikangan Muno raat no linapak Mu am mamabak ra ulu ru ilo ondo' maayag ru raat.

MAZMUR 78:13

Linapak No raat am naningganai risilo lumaup; sinauk No timug no koson ra timbok.

KAINGKUALAN 14:16

Kakato' jujuga' muno am patutuyo' ra rasawat ru raat. Timug ru raat malapak, am makaugar ulun ru Israil mansail ra raat rasawat ru lonor no ondo' mapua'.

KAINGKUALAN 14:20

ra pangkilolot ru saujor ru Misir am ulun ru Israil. Gaun no maparatong ra kalandaman ra ulun ru Misir kaa' mangani' ra sinda ra ulun ru Israil, saboi buoi ru rondom karuo-ruo pulalai no kalo makapaginggaar ra rondo' am bokon.

KAINGKUALAN 15:8

Sinampui Mu raat saboi timug no siminimpor; timinolorog timug no koson ra rinding batu; lonor nano ra malandom kaga' no nasauk mapua'.

KAINGKUALAN 7:19

Indagu Tuhan ri Musa, “Susubo' i Arun mangalap ra jujuga' nano am patutuyo' ra rasawat ru ngaangai' sungoi, babayaan ru timug am kulam ra Misir. Makulau timug sumauk ra raraa', am titikop ru pagun pana makararaa', kaa' niayuk ralalom ru tuung tataun am rarapu' batu.”

JISAYA 23:11

Palar ru Tuhan binilar no ra rasawat ru raat am mamulir ra ngaangai' pamarintaan. Nanusub Io koson mamuso ra pusor-pusor ru pangindapuan giu' ra Punisia.

JISAYA 43:16

Galing i Tuhan nambaal ra ralan maya' ra raat, ralan maya' ra timug ondo' makakinulun.

JISAYA 44:27

Ralalom ru panusuban Kuno, raat masauk malasakan.

JISAYA 50:2

Kua kolondo' sangulun pana ulun Kuno tumaam, Paat ra Aku matong mampiau risilo? Mongkoror ilo ayuk kia sabap ra mampaguang kalo makakau' Aku mapalabus am mamayag risilo? Sotopot no, maya' ra panusuban Kuno raat masauk mapua', sungoi-sungoi saukon Ku ra tana' kaagisan saboi papait matoi am mongootong.

JISAYA 51:10

Okou niayuk nampalasak ra raat, timug ru raat ondo' malandom. Binaal Mu ralan giu' ra tatanga' ru timug no, maa' raginio ulun-ulun bayagon makasandaup.

JISAYA 51:15

Sabap ra Aku noyo Tuhan, i Aki Kapuuno' mino, ondo' nanguyau ra raat saboi kinulun nano makanginoos. Tuhan Ondo' Maayo Kaga' Kuasa' iono inggalan Kuno.

JISAYA 63:12

Ati kia Tuhan, ondo' ralalom ru kuasa' Nano nambaal Io ra baal makaimuag ondo' pinabala' galing ri Musa? Linapak No timug ru raat am mangitang ra ulun Nano sumandaup ra raat ondo' malandom, saboi inggalan Nano mauligan kaga' ra sabuoi-buoi no.” Koson ra kuda masigo kalo makasaru ilo sabap ra Tuhan mangindangan risilo.

ABAKUK 3:8

Sungoi kia nangkinibit Rirun siminangit, iou Tuhan? Raat kia nangkinibit Rirun siminangit? Sinakayan Mu gaun am siminakoi ra gaun ru rasam maawas, paat ra Okou matong koson mangani' ra kamanangan ra ulun Muno.

RINALATAN 7:36

Io ti noyo ondo' nagibit ra bansa' ru Israil miningkual intor ra Misir nabaya' ra kukula' kaimuagan sinauk no giu' ra Raat Malia' am poyo giu' ra tana' kaagisan saboi apat ngoopor ngambilor buoi.

JOSUA 2:10

Nokorongog akai ra kinapua' ru Tuhan Raat Galaga giu' ra saang min paat akau nangiruan ra Misir. Nokorongog akai niayuk ra namatoi kau ra Raja' Sigon am Raja' Og, ruo ngaulun raja' ru bansa' ru Amori tampilon ra sirangon ru Sungoi Jordan.

JOSUA 3:17

Buoi ru ulun ru Israil mugar ra lonor ru sungoi ondo' mapua', imam-imam ondo' nansaan ra Kaban Nabantuan migor ra tatanga' ru lonor ru sungoi ondo' mapua' no, saboi ngaangai' ulun makasaboi ra sandaup.

JOSUA 4:23

Balain ilo ra Tuhan i Aki Kapuuno' min napakapua' ra sungoi no tayar min saboi liminaup kau raginio, koson ra Io napakapua' ra Raat Galaga tayar mai saboi liminaup akai raginio.