KAINGKUALAN 14:17 - Tanou Moonsoi Timugon

¹⁷ Mangkinibit Aku ra ulun ru Misir bambalingatan kaga' saboi mangilou ilo ra ulun ru Israil, am poyo ralalom ru raat pana. Kamanangan Kuno ra raja' ru Misir, saujor nano, kurita' kuda nano am mapaugar ra kurita' kuda nano maparatong ra pangurumatan Raki'.

KAINGKUALAN 14:17 ပူးပေါင်းရင်းမြစ်များ

KASAUKAN 50:9

Sampulalai nangkurita' kuda am nangkuda niayuk minaya' saboi ilo ti masuang kaga'.

KASAUKAN 6:17

Mopongo raginio porotongon Ku rosob koson mapaluus ra ngaangai' ondo' maayag ra tana' ti,

KASAUKAN 9:9

“Raino mambaal Aku ra nabantuan ramuyun am papag mino,

KAINGKUALAN 14:23

Ulun ru Misir nabaya' ra kuda, kurita' kuda am mapaugar ra kurita' kuda nangilou ra ulun ru Israil saboi ra tanga' ru raat.

KAINGKUALAN 14:4

Mangkinibit Aku ra raja' ru Misir bambalingatan saboi mangilou io ramuyun; kamanangan Kuno ra raja' no maparatong ra pangurumatan Raki'. Makapandai boo ulun ru Misir ra Aku noyo Tuhan.” Nambaal ulun ru Israil ra atan ondo' nanusuban risilo.

KAINGKUALAN 14:8

Nangkinibit Tuhan ra bambalingatan raja', saboi nangilou raja' ra ulun ru Israil ondo' tatanga' pangkiralanan mangiruan ra intok no ra kamanangan.

KAINGKUALAN 4:21

Indagu poyo Tuhan ri Musa, “Nangani' Aku noyo rirun ra kuasa' mambaal ra kaimuagan-kaimuagan. Ginio ra makasaboi kou ra Misir, baalo' ngaangai' kaimuagan ra saang ru raja' ru Misir. Kaa' mangkinibit Aku riso bambalingatan, saboi kalo makataak io ra ulun raginilo mugar.

KAINGKUALAN 4:23

Nanusub Aku noyo rirun ra makataak ra anak Kuno mugar maa' raginio makasamba io Raki', kaa' marara' kou. Raino potoyon Ku anak ungkuyon katuaan muno.’ ”

KAINGKUALAN 7:3

Kaa' mangkinibit Aku ra raja' no bambalingatan, am kalo mangining ra ondo' raguon muno, kabalu' pana maparatong Aku ra masuang karaat ra Misir.

JISAYA 48:15

Aku noyo minindagu am niayuk nampiau riso; maningganai Aku riso am manaak riso ra ampos.

JISAYA 51:12

Mindagu Tuhan, “Aku noyo ondo' napabansuk ramuyun. Kua kalaa' kau ra ulun ondo' mapandai matoi, am ulun ondo' pinatiran koson ra sakot?

JIRIMIA 23:39

anamon Ku ilo, am patirin ilo ra maalur, ilo am poyo bandar ondo' tinaakan Ku risilo am kinamatuaan nilo.

YEHEZKIEL 28:22

Balai' mamagun ra giu' no atan ondo' paraguon Kuno, Tuhan Raja': Aku pantula' muno Sidon. Ulun mongompor Raki' sabap ra atan ondo' binaal Kuno rirun. Makapandai ilo ra Aku noyo Tuhan ondo' matulai, paat ra Aku mangukum ra mamagun muno.

YEHEZKIEL 34:11

Indagu Tuhan Raja', “Aku galama' maguyum ra ulun ru Israil, domba-domba Kuno, am magalung risilo,

YEHEZKIEL 34:20

“Ginio ra Aku, Tuhan Raja', nambala' ramuyun ra Aku masauk ra akim ru domba ondo' maikang am domba ondo' malawo.

YEHEZKIEL 5:8

Ginio ra Aku, Tuhan Raja' mindagu rirun raino ra makimantula' Aku rirun. Ukumin Tokou giu' ra saang ru ngaangai' bansa'.

YEHEZKIEL 6:3

Susubo' gunung-gunung ru Israil rumongog ra ragu ru Tuhan am magilong ra baal ondo' paraguon Kuno, Tuhan Raja' ra gunung, bulur, tana' marata' ra lolot ru gunung-gunung am limayak. Atarin Ku ilang koson mamuso ra intok-intok sumamba ra sinungkalalaing.

GOSIA 5:14

Koson ra sanginan singa', mamulunsar Aku ra bansa' ru Israil am bansa' ru Jiuda. Aku galama' maminsang risilo am mangiruan risilo. Ralaaton Ku ilo, am kolondo' sangulun pana makapamayag risilo.

IMAMAT 10:3

Indagu boo i Musa ri Arun, “Gitio noyo ondo' koon ru Tuhan paat Io mindagu, ‘Ngaangai' ulun ondo' mangandoi ayuk Raki' musiti' mangurumat ra katulayan Kuno. Pakitonon Ku katulayan Kuno ra moonong ulun Kuno.’ ” Kaa' mongkoror ayuk i Arun.

IMAMAT 26:28

am mabaya' ra sangit manggal Aku ramuyun am mangukum ramuyun intulu' makalalaa' poyo intor ra nakasail.

ROMA 9:18

Ginio nai ra, amon ru masaga' i Aki Kapuuno' makaasi' ra sasangulun, ginio baalon No. Am poyo, amon ru masaga' Io mambaal ra sasangulun mokotog ulu, ginio baalon No.

SAGULION 32:39

“ ‘Aku noyo rorondo' i Aki Kapuuno'; kolondo' bokon ondo' ayuk am Aku. Mamutus Aku ra painawo, am manaak Aku ra painawo, mamilat Aku ra ulun, am mamabas Aku ra ulun; kolondo' sangulun pana makagula' ra baalon Kuno.

JOSUA 11:20

Tuhan nambaal risilo miningkotog mangayou ra ulun ru Israil, maa' raginio makai' ilo pusoon am potoyon ra kolondo' guang makaasi'. Ginio noyo ondo' nanusuban ru Tuhan ri Musa.

TINGGANAI RU BANSA' 4:7

Mangkinibit Aku ri Sisira, panglima saujor ru Raja' Jabin, mangayou rirun giu' ra Sungoi Kison. Kabalu' pana mokoondo' io ra kurita' kuda am saujor, manaak Aku rirun ra kamanangan.’ ”

1 SAMUIL 6:6

Atan onong no ra akau bambalingatan koson ra raja' ru Misir am mamagun nano ragili? Pai' min liliani' pinamakuan ri Aki Kapuuno' ra nangnganja' risilo, saboi nasuraan ilo am nopoloso ra ulun ru Israil nangiruan ra Misir.