KAINGKUALAN 14:14 - Tanou Moonsoi Timugon

¹⁴ Ra akau noyo Tuhan ondo' makimagula'. Kalo pana mambaal kau ra atan-atan.”

KAINGKUALAN 14:14 ပူးပေါင်းရင်းမြစ်များ

2 TUNUNG RU BANSA' ISRAIL 20:15

Kon ri Jagajiil, “Okou raja' am ngaangai' mamagun ru Jiuda am Jirusalim, minindagu Tuhan ra akau pai' kalawo guang am malaa' makauma' ra pulalai ondo' maayo ti, sabap ra ondo' mangayou sala' ka akau, kaa' i Aki Kapuuno'.

2 TUNUNG RU BANSA' ISRAIL 20:17

Kalo pana mangayou kau ralalom ru pangayawan ti. Alapo' noyo intok min am paginaa no. Makakito kau ra Tuhan mangani' ramuyun ra kamanangan. Pai' no kalaa' kapoam pagantangan, akau mamagun ru Jiuda am Jirusalim! Uma' kano ra pantula'; Tuhan mabaya' ramuyun!”

2 TUNUNG RU BANSA' ISRAIL 20:29

Moonong bansa' nangalaa' paat nokorongog ra binaal ru Tuhan nangala ra pantula' ru Israil.

NIGIMIA 4:14

Pakakito aku ra mangalaa' mamagun, indagu aku risilo, tingganai-tingganai am pagawai-pagawai nilo, “Pai' kalaa' ra pantula'. Karaa' mumpara' gayo am kinatulai ru Tuhan takau, am ingkotog kano gumula' tayar ru pabukat-pabukat min, anak andu' min am baloi-baloi min.”

NIGIMIA 4:20

Ginio ra amon mokorongog kau ra bolos ru bujung, kataki' kano tumimung ra libung kutu. I Aki Kapuuno' ondo' mangayou ra bala takau.”

NIGIMIA 9:11

Linapak Mu raat koson nambaal ra ralan ru ulun Muno mongoi ra sandaup, nangator Kou risilo ra sandaup nansail ra lonor ru raat ondo' mapua'. Ulun ondo' nangilou risilo nolosor giu' ra raat ondo' malandom, koson ilo ra batu ondo' liminosor giu' ra raat ondo' makalalaa'.

MAZMUR 35:1

Mazmur ri Daut. Tuhan, anggalo' noyo ulun ondo' tumula' raki', am anggalo' noyo ulun ondo' mangayou raki'.

MAZMUR 50:3

Amon ru matong i Aki Kapuuno' takau, kalo mongkoror Io; sinimbula' ru apui sumigulu Riso, rosob ra mapuor liminiput Riso.

MAZMUR 83:1

Mazmur ri Asap. Rondo' rimbai.

KAINGKUALAN 14:15

Indagu Tuhan ri Musa, “Kua pampalaa kou makiindangan? Susubo' noyo ulun ru Israil marayus mugar.

KAINGKUALAN 14:25

Nangkinibit Io ra luda' ru kurita' kuda nilo maimpong saboi mapagon mugar. Indagu ulun ru Misir, “Sumumbung Tuhan ra ulun ru Israil koson manggal ritakau. Ibok no pagiru' takau intor ragiti!”

KAINGKUALAN 15:3

Tuhan noyo mapanggol tumula', Tuhan noyo inggalan Nano.

JISAYA 30:15

Tuhan Raja', i Aki Kapuuno' ru Israil, i Aki Kapuuno' ondo' matulai, mindagu ra ulun Nano, “Saguli' kano Raki' am pangintopot kano Raki' ralalom kalinuos ru guang. Akau pana ikangon Ku am bayagon Ku.” Kaa' kalo masaga' kau.

SULABOI 3:26

Ginio ra moonsoi inaani' takau Io ra tumaan guang, saboi Io mamayag ritakau.

SAGULION 1:30

Maningganai Tuhan i Aki Kapuuno' ramuyun. Makimantula' Io ra tayar min, koson ondo' nakito min noyo galama' giu' ra Misir

SAGULION 20:4

Tuhan i Aki Kapuuno' min mabaya' ramuyun; manaak Io ramuyun ra kamanangan.’

SAGULION 3:22

Pai' kalaa' risilo, sabap Tuhan i Aki Kapuuno' muno mangayou ra tayar muno.’ ”

JOSUA 10:10

Nangkinibit Tuhan ra ulun ru Amori magalabo paat nakakito ra saujor ru Israil. Namatoi ulun ru Israil risilo giu' ra Gibion am nangilou ra pantula' ondo' lakat poyo naayag, mongoi ra pipilon ru gunung giu' ra Bit-Oron saboi ra Ajika am Makida giu' ra rabugus.

JOSUA 10:14

Iou pana paat ra galing am niayuk intor ra orou raginio, baal raginio kalo igondo' nasauk paat Tuhan siminugut ra kasagaan ru ulun. Paat orou raginio nangayou Tuhan tayar ru ulun ru Israil.

JOSUA 10:42

Kinala ri Josua ngaangai' raja' no am pagun nilo lingono' sabap Tuhan i Aki Kapuuno' ru Israil nangayou tayar ru Israil.

JOSUA 23:10

Sangulun ramuyun nakapangala ra saribu ngaulun pantula', sabap ra Tuhan i Aki Kapuuno' min nangayou ramuyun koson ra binantu' Nano.

JOSUA 23:3

Nakakito kau noyo ra ngaangai' ondo' binaal ru Tuhan i Aki Kapuuno' min ra bansa'-bansa' ragitio ramuyun. Tuhan i Aki Kapuuno' min nangayou noyo ra tayar min.

TINGGANAI RU BANSA' 5:20

Intor ra intok insiran ru butitin giu' ra limbowon, butitin niayuk nangayou manggal ri Sisira.

1 SAMUIL 4:7

nalaa' ilo. Konilo, “Mokoondo' ra dewa minatong ra pangkiman nilono! Aibui boo ritakau ti! Kalo poyo igondo' takau pakaili' ra baal koson ragitio!