KAINGKUALAN 12:17 - Tanou Moonsoi Timugon

¹⁷ Iantakon noyo Pangiantakan Ruti' Kalo Linatakan ra Ragi, sabap ra paat ra orou raginio magibit Aku ra bansa' mino mingkual intor ra Misir. Iantakon noyo orou raginio koson pangiantakan ra moonong bilor koson ra sabuoi-buoi no.

KAINGKUALAN 12:17 ပူးပေါင်းရင်းမြစ်များ

KAINGKUALAN 12:14

Musiti' kau mangiantak ra orou raginio koson pangiantakan ra Tuhan, koson mapakara' ramuyun ra atan ondo' baalon Kuno. Iantakon noyo orou raginio moonong bilor, ra sabuoi-buoi no.”

KAINGKUALAN 12:24

Musiti' akau am anak mino gumagaya' ra kaulayan ti ra sabuoi-buoi no.

KAINGKUALAN 12:41

Kaukop bilor ra ka 430, ngaangai' bansa' intor ra ulun ru Tuhan nangiruan ra pagun ru Misir.

KAINGKUALAN 12:6

Musiti' min alungin bibiag no saboi orou ra koopor am apat sila' raginio. Tampilon ra mai' ti orou raginio, ngaangai' ulun ru Israil manimbalui ra bibiag raginio.

KAINGKUALAN 13:10

Iantakon noyo pangiantakan ti ra moonong bilor, paat ra ondo' inaru' noyo.”

KAINGKUALAN 13:3

Indagu i Musa ra ulun ru Israil, “Karaa' orou raiti', orou ra akau nangiruan ra pagun ru Misir, intok akau inulipon. Paat ra orou raiti' nagibit Tuhan ramuyun mingkual ralalom ru kuasa' Nano ondo' maayo; kalo makaakan kau ra ruti' ondo' linatakan ra ragi.

KAINGKUALAN 13:8

Paat ra talimpuun ru pangiantakan no, balai' min toojo anak ungkuyon mino ra mambaal kau ngaangai' no sabap ra atan ondo' binaal ru Tuhan ramuyun, paat ra akau mangiruan ra pagun ru Misir.

KAINGKUALAN 34:18

“Iantakon Pangiantakan ra Ruti' Kalo Linatakan ra Ragi. Koson ra nanusuban Kuno ramuyun, pangakan ra ruti' kalo linatakan ra ragi buoi katuluan ra bulan Abib, sabap ra bulan raginio akau nangiruan ra Misir.

KAINGKUALAN 6:26

I Arun am i Musa noyo ondo' sinusub ru Tuhan koson magibit ra ulun ru Israil mingkual intor ra Misir.

KAINGKUALAN 7:5

Makapandai boo ulun ru Misir ra Aku noyo Tuhan paat ra Aku mangukum risilo am magibit ra ulun ru Israil mingkual intor ra pagun ru Misir.”

UNTABAN 20:16

am nakiindangan akai boo ra Tuhan. Norongog ru Tuhan piau maili am nanusub ra rondo' malaikat koson maningganai ramon miningkual intor ra Misir. Raino giu' akai ra Kadis, rondo' bandar giu' ra balitan ru tana' muno.

SAGULION 16:3

Paat ra akau magakan ra bunsag raginio, pai' pangakan ra ruti' ondo' linatakan ra ragi. Buoi tulu' ngoorou musiti' mangakan ra ruti' ondo' kalo linatakan ra ragi, koson ondo' binaal min ragili paat ra akau nagiru' ra naagou-agou intor ra Misir. Akano' noyo ruti' ondo' kalo linatakan ra ragi – ruti' ondo' sabiton ra ruti' kaimbalaan – maa' raginio buoi ru bayag mino, makara' min orou ra akau nangiruan ra Misir, intok pangimbalaan no.