KAINGKUALAN 12:15 - Tanou Moonsoi Timugon

¹⁵ Indagu Tuhan, “Buoi katuluan kalo makaakan kau ra ruti' linatakan ra ragi. Mangakan ayuk ra ruti' kalo linatakan ra ragi. Paat ra orou kasaa' musiti' kau mamatir ra ngaangai' ragi ondo' soroi ralalom baloi min. Amon ru mokoondo' sasangulun mangakan ra ruti' linatakan ra ragi buoi katuluan no, kalo boo karaan ulun no ra ulun Kuno.

KAINGKUALAN 12:15 ပူးပေါင်းရင်းမြစ်များ

KASAUKAN 17:14

Moonong ungkuyon ondo' kalo sinunatan, kalo masauk io ra ulun Kuno sabap kalo ginagaya' no nabantuan Kuno.”

2 TUNUNG RU BANSA' ISRAIL 30:21

Buoi tulu' ngoorou ulun ondo' timinimung giu' ra Jirusalim nangiantak ra Pangiantakan Ruti' Kalo Linatakan ra Ragi nabaya' ra kaansukan. Moonong orou ulun-ulun ru Liwi am imam-imam mongompor ra Tuhan ra ngaangai' ru ikang nilo.

IJRA 6:22

Buoi tulu' ngoorou, naansukan ilo nangiantak ra Pangiantakan Ruti' Kalo Linatakan ra Ragi. Naansukan ilo sabap ra Tuhan nangkinibit ra raja' ru pagun ru Asyur mataau guang risilo, saboi io nangindangan risilo nambaal saguli' ra Baloi ru Tuhan, i Aki Kapuuno' ru Israil.

KAINGKUALAN 12:8

Tampilon ra rondom no, kual ru bibiag no musiti' patunuon am akanon ra sayur mapait am niayuk ruti' kalo latakin ra ragi.

KAINGKUALAN 13:3

Indagu i Musa ra ulun ru Israil, “Karaa' orou raiti', orou ra akau nangiruan ra pagun ru Misir, intok akau inulipon. Paat ra orou raiti' nagibit Tuhan ramuyun mingkual ralalom ru kuasa' Nano ondo' maayo; kalo makaakan kau ra ruti' ondo' linatakan ra ragi.

KAINGKUALAN 23:15

Ralalom ru bulan Abib, baalo' noyo Pangiantakan Ruti' Kalo Linatakan ra Ragi sumugut ra ralan ondo' nanusuban Kuli, sabap ra ralalom ru bulan raginio akau nangiruan ra Misir. Pai' pangakan ra ruti' ondo' linatakan ra ragi buoi katuluan ru pangiantakan no. Moonong ra akau matong sumambayang Raki', musiti' kau magibit ra taak.

KAINGKUALAN 30:33

Osoi mambaal ra umau koson ra umau upacara, kapoam ondo' mamakai ra umau no ra ulun sala' ka imam, kalo boo karaan ra ulun Kuno.”

KAINGKUALAN 30:38

Osoi mamakai ra pinaratok no koson mambaal ra umau maamis owou, kalo boo karaan ra ulun Kuno.”

KAINGKUALAN 31:14

Musiti' min iantakon orou tangusan no, sabap ra orou raginio mapasau. Osoi ondo' kalo mangiantak ra orou raginio, am mangandoi ra orou raginio musiti' ukumin potoyo'.

KAINGKUALAN 34:18

“Iantakon Pangiantakan ra Ruti' Kalo Linatakan ra Ragi. Koson ra nanusuban Kuno ramuyun, pangakan ra ruti' kalo linatakan ra ragi buoi katuluan ra bulan Abib, sabap ra bulan raginio akau nangiruan ra Misir.

KAINGKUALAN 34:25

“Pai' pataako' ruti' ondo' linatakan ra ragi paat ra akau mapataak ra bibiag koson taak simbalui Raki'. Suwo ru bibiag ra sinimbalui paat ra Pangiantakan Paska kalo buliin saboi ra susuab ru suabon no.

IMAMAT 17:10

Amon ru ulun ru Israil kapoam ulun bansa' ru bokon ondo' minayan risilo mangakan ra raraa', ulun no anggalon ru Tuhan, am kalo boo karaan io ra ulun Nano.

IMAMAT 17:14

Painawo ru moonong ondo' maayag soroi ra ralalom ru raraa' nano. Ginio sabap ra nambala' Tuhan ra ulun ru Israil ra kalo makaakan ilo ra raraa' ru atan pana ondo' maayag. Osoi ondo' mangakan ra raraa' kalo boo karaan ra ulun ri Aki Kapuuno'.

MALIAKI 2:12

Gama' ru inggion ru Tuhan ulun ondo' nambaal raginio intor ra ulun ru Israil, am kalo mangiou risilo maya' ra bansa' takau koson mampataak ra taak simbalui ra Tuhan Ondo' Maayo Kaga' Kuasa'.

UNTABAN 28:17

Paat ra orou koopor am limo ra sila' raginio, pangiantakan ru ugama patalimpuunon am paugaron buoi tulu' ngoorou. Paat raginio ruti' kalo latakin ra ragi ayuk maakan.

UNTABAN 9:13

Sasangulun ondo' kalo majamol am sala' ka ralalom pangkiralanan ra maalur, kaa' kalo mangiantak ra Paska, kalo boo karaan ra ulun Kuno sabap ra kalo napataak io ra taak Raki' paat ondo' inaru'. Musiti' io mansaan ra kinibit ru tula nano.

MATIUS 16:12

Bagu no maamaya'-maamaya' ri Jisus nakarati' ra kon ri Jisus ni sala' ka mangkara' ra ragi ondo' porotokon mambaal ra ruti', kaa' koson ra pangilaan ru ulun ru Parisi am ulun ru Saduki.

LUKAS 12:1

Liliwa' ra kukula' ngaribu ngaulun nagigisok, saboi mangakinjangan nilo kalayam ru rondo' am bokon, indagu galing i Jisus ra maamaya' Nano, “Ilalai' min pangilaan ru ulun-ulun ru Parisi, ioginio pagabawan nilai.

LUKAS 2:43

Kopongo pangiantakan i, uli' ilo. Kaa' kalo natutunan ru matuo ri Jisus ra lakat ayuk poyo soroi Io ra Jirusalim.

RINALATAN 12:3

Ilai' ri Irodis maansayan ulun ru Jaudi ra baal raginio, giminaai poyo laat nati am panusub io koson mamparakop ri Pitrus. (Ginio nasauk paat ra Pangiantakan ra Ruti' Kalo Linatakan ra Ragi.)

GALATIA 5:12

Malansan aku ra ulun ondo' mampajajou ramuyun no, polosoon ilo manunat ra inan nilo saboi intaliin ilo galama'.

SAGULION 16:3

Paat ra akau magakan ra bunsag raginio, pai' pangakan ra ruti' ondo' linatakan ra ragi. Buoi tulu' ngoorou musiti' mangakan ra ruti' ondo' kalo linatakan ra ragi, koson ondo' binaal min ragili paat ra akau nagiru' ra naagou-agou intor ra Misir. Akano' noyo ruti' ondo' kalo linatakan ra ragi – ruti' ondo' sabiton ra ruti' kaimbalaan – maa' raginio buoi ru bayag mino, makara' min orou ra akau nangiruan ra Misir, intok pangimbalaan no.

SAGULION 16:5

“Simbaluyo' noyo bibiag tayar ru bunsag Paska giu' ra rondo' intok sambayangan no, am sala' ka ra ati-ati intok ra bokon giu' ra tana' ondo' pataakon ramuyun ru Tuhan i Aki Kapuuno' min. Simbaluyo' noyo bibiag no paat ra mato ru orou tumolop, koson paat ra akau nangiruan ra Misir ragili.

SAGULION 16:8

Buoi onom ngoorou, musiti' kau mangakan ra ruti' kalo linatakan ra ragi, am paat ra orou katulu' musiti' kau tumimung koson sumambayang ra Tuhan i Aki Kapuuno' min. Pai' pangandoi paat orou raginio.”