KAINGKUALAN 12:14 - Tanou Moonsoi Timugon

¹⁴ Musiti' kau mangiantak ra orou raginio koson pangiantakan ra Tuhan, koson mapakara' ramuyun ra atan ondo' baalon Kuno. Iantakon noyo orou raginio moonong bilor, ra sabuoi-buoi no.”

KAINGKUALAN 12:14 ပူးပေါင်းရင်းမြစ်များ

2 RAJA'-RAJA' 23:21

Raja' Josia pana nanusub boo ra mamagun nano mangiantak ra Paska koson mangurumat ra Tuhan, i Aki Kapuuno' nilo, koson ra ondo' tinulisan ra ralalom ru kitab nabantuan.

MAZMUR 111:4

Kalo polosoon takau ru Tuhan mampalilian ra binaal Nano ondo' makaimuag; Io no motogom am maupus.

MAZMUR 135:13

Iou Tuhan, inaru' Kou noyo koson ra i Aki Kapuuno'; ngaangai' papag mangkara' Rirun.

KAINGKUALAN 12:17

Iantakon noyo Pangiantakan Ruti' Kalo Linatakan ra Ragi, sabap ra paat ra orou raginio magibit Aku ra bansa' mino mingkual intor ra Misir. Iantakon noyo orou raginio koson pangiantakan ra moonong bilor koson ra sabuoi-buoi no.

KAINGKUALAN 12:24

Musiti' akau am anak mino gumagaya' ra kaulayan ti ra sabuoi-buoi no.

KAINGKUALAN 12:43

Indagu Tuhan ri Musa am i Arun, “Gitio noyo kaulayan ra Pangiantakan Paska: Ulun bansa' ru bokon kalo makaakan ra akanon Paska.

KAINGKUALAN 12:6

Musiti' min alungin bibiag no saboi orou ra koopor am apat sila' raginio. Tampilon ra mai' ti orou raginio, ngaangai' ulun ru Israil manimbalui ra bibiag raginio.

KAINGKUALAN 23:15

Ralalom ru bulan Abib, baalo' noyo Pangiantakan Ruti' Kalo Linatakan ra Ragi sumugut ra ralan ondo' nanusuban Kuli, sabap ra ralalom ru bulan raginio akau nangiruan ra Misir. Pai' pangakan ra ruti' ondo' linatakan ra ragi buoi katuluan ru pangiantakan no. Moonong ra akau matong sumambayang Raki', musiti' kau magibit ra taak.

KAINGKUALAN 27:21

Musiti' i Arun am anak ungkuyon nano magalung ra lampung no ralalom ru Kim Kuno, giu' ra liwar ru tabir ondo' saang ru Kaban Nabantuan. Giu' no, ra saang Kuno, musiti' sikitin lampung no intor ra mai' ti saboi ra susuab ti. Musiti' susuban ragitio gagayaan ra sabuoi-buoi no ru ulun ru Israil am papag nilo.”

KAINGKUALAN 5:1

Ongoi boo tuum i Musa am i Arun ra raja' ru Misir am indagu, “Koson ragitio ragu ru Tuhan i Aki Kapuuno' ru ulun ru Israil, ‘Paugaro' noyo ulun Kuno maa' raginio makasambayang ilo Raki' giu' ra tana' kaagisan.’ ”

YEHEZKIEL 46:14

Moonong susuab ti musiti' pataakon niayuk 2 ngakilogram unor-unor am 1 ngalito umau jaitun koson polotokon ra unor-unor no. Aturan ti musiti' gagayaan ra sabubuoi no.

IMAMAT 23:6

Paat ra orou koopor am limo, tumalimpuun Pangiantakan ra Ruti' Kalo Linatakan ra Ragi. Buoi katuluan akau kalo makaakan ra ruti' latakin ra ragi.

JAKARIA 6:14

Karaun no buliin giu' ra ralalom ru Baloi Kuno koson mapabansuk ri Gildai, i Tobia, i Jidaya am i Josia.”

UNTABAN 10:8

Bujung-bujung no musiti' samputin ru anak-anak ungkuyon ri Arun, imam-imam no. Aturan ragitio musiti' gagayaan ra sabuoi-buoi no.

UNTABAN 15:15

Koson ra paat kolondo' pupus, aturan ra mogondo' masauk ramuyun am ra ulun bansa' ra bokon ondo' minayan ramuyun. Akau am ilo nogondo' ayuk ra saang ru Tuhan;

UNTABAN 16:40

Taub no nasauk ra papakaraan ra ulun ru Israil ra kolondo' sangulun pana ondo' ayuk am papag ri Arun makainggaar ra altar monolob ra kaminyan ra Tuhan. Ulun ondo' manggal ra aturan no matoi koson ri Kora am ngaangai' maamaya' nano. Ngaangai' no binaal sumugut ra susuban ru Tuhan ri Iliajar ra pinasaboi galing ri Musa.

UNTABAN 18:8

Indagu Tuhan ri Arun, “Karaa' noyo ra ngaangai' indangan luntukon ondo' kalo sinolob ra tayar ru taak simbalui, ondo' pinataak Raki', pataakon Ku rirun. Manaak Aku rirun am papag muno ra indangan no, koson okou no ra tayar raginio ondo' inaru' ra sabuoi-buoi no.

MATIUS 26:13

Karaa' min gitio; ati-ati ayuk ra tana' ti Tanou Moonsoi ti potonowon, ondo' binaal ru ruandu' ti patunungon masauk ra pangkaraan riso.”

LUKAS 22:19

Kopongo ragili alapo' No boo ruti', paringkuanang Io ri Aki Kapuuno', pipilango' am tatayaro' No risilo, liliwa' minindagu, “Gitio noyo inan Kutu, ondo' pataakon ramuyun. Baalo' min gitio koson ra pangkaraan min Raki'.”

SAGULION 16:1

“Urumato' noyo Tuhan i Aki Kapuuno' min ra mangiantak ra Paska paat ra sila' Abib sabap ra paat sila' raginio, paat ra rondom, akau binayag ru Tuhan i Aki Kapuuno' min intor ra Misir.

SAGULION 16:11

Pakaansuk noyo ra saang ru Tuhan, mabaya' ra anak-anak mino, mangngandoi mino, ulun ru Liwi, ulun bansa' ru bokon, anak nailusan ra matuo, am napuor ondo' minayan ra bandar-bandar mino. Baalo' noyo baal raginio giu' ra rondo' intok sambayangan no.

SAGULION 6:8

Pobongkoso' ukum raginio ra kalindu' min am pobongkoso' ginio ra rabas min koson ra tatandu' pangkaraan.

JOSUA 4:7

balain ilo ra Sungoi Jordan minuog tumilis paat Kaban Nabantuan ru Tuhan sinaanan lumaup ra sungoi no. Batu-batu no magail mampakara' ra ulun ru Israil intor ra kasaukan ondo' nasauk ragiti.”

1 SAMUIL 30:25

Sinauk ri Daut nangaruan raginio koson ra rondo' aturan, am intor raginio aturan raginio ginagaya' ru ulun ru Israil saboi raino.