KAINGKUALAN 11:4 - Tanou Moonsoi Timugon

⁴ Indagu boo i Musa ra raja', “Gitio noyo rinagu ru Tuhan, ‘Olo'-olo' ra tanga' rondom, ongoyon Ku liputo' pagun ru Misir.

KAINGKUALAN 11:4 ပူးပေါင်းရင်းမြစ်များ

2 SAMUIL 5:24

Paat ra morongog mu bolos koson ra ngaas-ngaas ru ulun baris giu' ra untu ru puun tataun no, patalimpuuno' noyo bulunsar sabap ra mugar Aku ra saang muno koson mangala ra saujor ru Palistin.”

AYUP 34:20

Maaru' lair ulun matoi paat ra rondom ra mamulali'. Ukumin ri Aki Kapuuno' ulun am ilo pana mapuso; Potoyon No ondo' maikang kaga' ra maluoi ayuk.

MAZMUR 60:10

Kaa' i Moab intok pambaguan Kuno ayuk; pobobolon Ku kasut Kuno ri Idom, koson tatandu' ra i Idom longgom Kuno. Makapangkara' kia ulun ru Palistin ra magilakup ilo sabap ra nangala Raki'?”

MAZMUR 81:5

Gitio noyo rondo' ukum ra tayar ru Israil, rondo' panusuban intor ri Aki Kapuuno' ri Jakub.

KAINGKUALAN 12:12

Paat ra rondom raginio ongoyon Ku liputo' titikop ru pagun ru Misir, am mamatoi ra moonong anak ungkuyon katuaan, am niayuk moonong anak ungkuyon katuaan ru bibiag. Mangukum Aku ra ngaangai' dewa ra Misir; Aku noyo Tuhan.

KAINGKUALAN 12:23

Paat ra liputon ru Tuhan titikop ru pagun ru Misir koson mamatoi ra ulun ru Misir, makito ru Tuhan raraa' ra lugu' ru kulobon am angob ru kulobon ru baloi min, sumail Io am kalo mangiou ra Malaikat ru Kapatayan mumpos ra baloi mino koson mamatoi ramuyun.

KAINGKUALAN 12:29

Paat ra tanga' rondom raginio pinatoi ru Tuhan ngaangai' anak ungkuyon katuaan giu' ra Misir, inintaran ra anak ungkuyon ru raja' ondo' manungkus ra kurisi' pamarintaan polos ra anak ungkuyon katuaan ru ulun inaput ralalom pangaputan ragana' ru tana'. Ngaangai' anak ungkuyon katuaan ru bibiag pana pinatoi.

JISAYA 42:13

Mundus Tuhan mangayou koson sangulun tutumula' ondo' nakatampos toojo mongoi pangayou. Gumolok Io koson tatandu' mangayou; Mapakito Io ra kaikangan Nano ra pantula'.

AMOS 4:10

“Atarin Ku maruol tumapik ramuyun koson ondo' inataran Ku giu' ra Misir. Potoyon Ku ulun mamulok min ralalom pangayawan am gaawon kuda min. Sosokon Ku pangkiman min ra baangkai ondo' owou no sumusuk ra arung. Kabalu' pana raginio, kalo niayuk sumaguli' kau Raki'.

AMOS 5:17

Ulun manulaboi giu' ra ngaangai' umo ru anggur sabap ra matong Aku koson mangukum ramuyun.” Gini noyo ragu ru Tuhan.

MIKA 2:13

Mangukab i Aki Kapuuno' risilo ra ralan koson magibit risilo mingkual intor ra pamatiran. Jumunjung ilo mingkual intor ra kulobon garabang ru bandar no am magiru'. Tuhan galama', ondo' masauk ra raja' nilo maningganai risilo mingkual.

MATIUS 25:6

“Paat ra tanga' ru rondom, pakaining ilo ra bolos giminolok, ‘Ungkuyon uatin sumuku' noyo! Ibok umaa' min io!’