JUNUS 4:8 - Tanou Moonsoi Timugon

⁸ Pakasirang mato ru orou, namparatong i Aki Kapuuno' ra angin malasu' ondo' siminiob intor ra sirangon. Maar malausan i Junus sabap orou ondo' mapangit toojo koson ayuk monolob ra ulu nano. Ginio ra malawo boo guang nano am gumogot matoi, kono, “Moonsoi poyo matoi aku ka maayag!”

JUNUS 4:8 ပူးပေါင်းရင်းမြစ်များ

KASAUKAN 41:6

Kopongo raginio mokoondo' poyo rondo' tanggayan ondo' mokoondo' tulu' ngaumi gandum ra nangumpis am liminonot sabap ra siniob ru angin ru tana' kaagisan.

1 RAJA'-RAJA' 19:4

am nonsongorou minugar minongoi ra tana' kaagisan. Kopongo raginio uog io am panturung ra saau ru sampuun tataun; moogot io matoi. Pakiasi' io, “Kaimbalaan ti maagat kaga' raki', iou Tuhan. Alapo' noyo painawo kutu, moonsoi poyo ra aku matoi!”

1 RAJA'-RAJA' 21:4

Uli' Raja' Agab ra guang pansagulian am siminangit sabap ra ragu ri Nabot no. Luya' Raja' Agab ra intok kaalangan, tumingkuang ra timbok am marara' mangakan.

AYUP 2:10

Taam i Ayup, “Okou mindagu koson ra ulun sasambungon. Paat ri Aki Kapuuno' nangani' ra ondo' moonsoi, inapu takau. Itakau niayuk musiti' mangapu ra ondo' kalo moonsoi.” Kabalu' pana naimbolo' i Ayup, kalo mindagu io ra ragu-ragu ondo' manggal ri Aki Kapuuno'.

AYUP 7:15

saboi maansayan aku poyo sikakon am matoi intor ra maayag ralalom ru inan nakai' ra imbolo' ti.

MAZMUR 121:6

Bulintok matawang mato ru orou kalo maninduol ramuyun; bulintok molondom bulan kalo makajamar ramuyun.

MAZMUR 39:9

Palabuso' aku intor ra nansalinut tula kuno, am pai' aku polosoo' iison ru ulun sasambungon.

MAMPATANOU 7:9

Pai' kaluoi sumangit; ondo' ulun kalo matanda' ayuk mampauli ra suli'.

RIMBAI PANGAMPARAN 1:6

Pai' aku asabi' sabap ra kungkung kutu maitom; maitom aku sabap nakatuug ra mato ru orou. Ngaangai' pabukat kuno siminangit raki', am mampajajal raki' mangandoi ra umo ru anggur; kolondo' bulintok ku magalung ra inan kuno galama'.

JISAYA 49:10

Kalo paason kapoam maitilan ilo, am kalo malasuan ilo giu' ra tana' kaagisan. Sabap ra Aku, motogom risilo, mangaak risilo, am mangitang risilo ra taur-taur ru timug.

YEHEZKIEL 19:12

Kaa' ulun ondo' sumangit namubul riso, pinapatir io ra tana'. Angin sirangon sumiob am makapua' ra kawa' nano. Bulisang nano napandak, nasauk ra mapua' am solobon.

GOSIA 13:15

Kabalu' pana Israil langkaya' koson ra sakot ondo' malabung, atarin Ku angin sirangon ondo' malasu' intor ra tana' kaagisan am mampapua' ra tulubong am taur ru timug nano. Ngaangai' ondo' mokologo alapon intor riso.

IMAMAT 10:3

Indagu boo i Musa ri Arun, “Gitio noyo ondo' koon ru Tuhan paat Io mindagu, ‘Ngaangai' ulun ondo' mangandoi ayuk Raki' musiti' mangurumat ra katulayan Kuno. Pakitonon Ku katulayan Kuno ra moonong ulun Kuno.’ ” Kaa' mongkoror ayuk i Arun.

JUNUS 1:17

Liliwa' raginio, nanusub Tuhan ra sangunor papait maayo koson manilus ri Junus. Ginio ra i Junus minayan ra ralalom tinai' ru papait talu ngoorou am talu ngorondom buoi nano.

JUNUS 1:4

Timinuun i Junus ra intok ondo' magana' kaga' am liminuya' ra giu', am nokororot io toojo. Kopongo raginio namparatong Tuhan ra bagiu' mapuor kaga' giu' ra raat, am kasauk boo bagiu' ondo' makalalaa', am liminapos ra kapal saboi maar magagai. Ngaangai' ulun ru kapal nalaa' am giminolok makiindangan, sigagama' nilo ra dewa nilo galama'. Pinatiran nilo suang ru kapal no ra ralalom ru raat koson mangiruru' ra makalalaa'.

JUNUS 4:3

Raino, iou Tuhan, polosoo' noyo aku matoi ayuk, sabap ra moonsoi poyo matoi aku ka maayag.”

JUNUS 4:9

Kaa' indagu i Aki Kapuuno' riso, “Kalo matanda' ra okou sumangit ra tutuu' no!” Taam i Junus, “Kua ra kalo? Topot matanda' ra aku sumangit kaga' suku' matoi.”

MATIUS 20:12

Konilo, ‘Nangandoi ra pupus ti sanjam ayuk, am akai nonsongorou nangandoi ra orou mapangit, kaa' nanaak kou risilo nogondo' niayuk ramon!’

PINAINTALANG 3:19

Sawayon am patandaan ku ngaangai' ondo' tagamin Kuno. Sabap raginio, pirot no am talikur no intor ra tula mino.

PINAINTALANG 7:16

Am kalo boo maitilan kapoam pinaason ilo; am kalo boo malinsu ilo ru mato ru orou kapoam lasu'.

1 SAMUIL 3:18

Ginio ra nantunung i Samuil ra ngaangai' no. Kalo binuni no atan pana. Kopongo raginio indagu i Ili, “Io noyo Tuhan; polosoon Io no mambaal ra atan ondo' karaan Nano ra moonsoi.”