JUNUS 3:8 - Tanou Moonsoi Timugon

⁸ Ulun am tinambiag musiti' mambayang ra konoon karung. Moonong ulun musiti' totopot makiasi' ri Aki Kapuuno', am lumonggo' mambaal ra kalaatan am binaal nano ondo' napanu' ra tula.

JUNUS 3:8 ပူးပေါင်းရင်းမြစ်များ

AYUP 16:17

Kaa' kalo nambaal aku ra baal makapatoi, am pakiasian kuno magulayun motopot.

AYUP 36:10

Binuir No ilo maa' raginio rumongog ra pampakaraan Nano, am maa' raginio mangiruan ra kalaatan nilo.

JISAYA 58:6

Gitio noyo pali ra kasagaan Kuno: Iruo' noyo bangkil kaimbalaan am saanin ra kolondo' katimpakan, am palabuso' noyo ulun-ulun ondo' inimbolo'.

JIRIMIA 18:11

Raino balai' ulun ru Jiuda am mamagun ru Jirusalim ra tatanga' Aku mangatang koson manggal risilo, am mampatampos ra ukuman risilo. Susubo' ilo mompolonggo' ra baal ru bayag ondo' makatula, am niayuk mangulau ra paliso am binaal nilo.

JIRIMIA 25:5

Nanusub ilo ramuyun mangiruan ra baal ru kaayagan ondo' malaat am baal ondo' makatula, maa' raginio mamagun ra pagun ondo' tinaakan ru Tuhan ramuyun am kinamatuaan min koson ra longgom tungkuson.

JIRIMIA 26:3

Maaru' bansa' no masaga' rumongog, am lumonggo' boo mambaal ra malaat. Amon ru koon raginio, kalo suguton Ku inatangan Kuno. Kalo pusoon Ku ilo sabap ra binaal malaat nilo.”

JIRIMIA 36:3

Paat ra mamagun ru Jiuda nokorongog intor ra ngaangai' karaat ondo' porotongon Kuno risilo, maaru' lair langgain nilo mambaal ra malaat. Amon ru ginio poyo, Aku pana mangampun ra kalaatan am tula nilo.”

YEHEZKIEL 33:11

Balai' ilo ra sabap ra Aku, Tuhan Raja', i Aki Kapuuno' ondo' maayag, kalo masaga' Aku magilong ra ulun makatula matoi. Masaga' Aku poyo magilong ra ilo tumalikur intor ra tula am maayag. Akau Israil, langgai' noyo mambaal ra tula! Kua kasaga' kau matoi?

DANIL 4:27

Ginio ra, okou raja', baya' no ra bilin kutu. Pai' boo pambaal ra tula. Baalo' atan ondo' moonsoi am matimpok, pakaasi' no ra ulun ondo' inimbolo'. Koson raginio noyo okou magulayun langkaya'.”

JOIL 1:14

Pangani' no ra susuban koson mampali; pambaal no rondo' pantimungan. Susubo' tingganai-tingganai am ngaangai' mamagun ru Jiuda matong ra Baloi ru Tuhan, i Aki Kapuuno' min am pampiau makiindangan Riso.

JUNUS 1:14

Ginio ra golok ilo ra Tuhan, “Iou Tuhan, kitaakon mai, pai' no pamuso ramon sabap mangalap ra painawo ru ulun ondo' kolondo' sala ramon. Iou Tuhan, Okou noyo ondo' makapandai ra ngaangai' baal ragitio; gitio noyo binaal Muno.”

JUNUS 1:6

Paat ra kaptin ru kapal i timinuun giu' ra ragana', natuum no i Junus nombolong ra giu'. Indagu kaptin i, “Ati koson kou mombolong ra baal ragitio? Karat no! Pakiasi' no makiindangan ra dewa muno. Maaru' lair makaasi' io ritakau, am kalo mapuso takau.”

MATIUS 3:8

Bonsoyo' bayag mino sabap ra ginio noyo tatandu' ra akau timinalikur intor ra tula mino.

RINALATAN 26:20

Ginio ra mambala' aku toojo ra ulun ra musiti' ilo tumalikur intor ra tula nilo am sumaguli' ri Aki Kapuuno', am niayuk maayag ra matanda'. Giu' ra Damsyik galing nambalaan kuno raginio, giu' poyo ra Jirusalim am niayuk ngaangai' ru Judia am poyo intok ru ulun sala' ka Jaudi.

RINALATAN 3:19

Ginio nai ra, talikur kano intor ra tula mino am saguli' kano ri Aki Kapuuno', maa' raginio pusoon No ngaangai' tula mino.

PINAINTALANG 11:3

Manusub Aku ra ruo ngaulun sasi' Kuno ondo' mambayang ra karung ra mangulir ilo, am ilo ti mampabala' ra tanou intor ri Aki Kapuuno' 1,260 ngoorou.”