JUNUS 3:6 - Tanou Moonsoi Timugon

⁶ Pokorongog raja' Niniwi ra tanou no, tuun io intor ra panturungan nano. Inalus no sukub nano am bayango' no konoon karung, am turung io ra rasawat ru kaau.

JUNUS 3:6 ပူးပေါင်းရင်းမြစ်များ

1 RAJA'-RAJA' 21:27

Kopongo i Ilia minindagu, rilako' ru Raja' Agab bayang nano. Inalus no bayang nano am sulungi' konoon karung koson tatandu' ru pansagulian guang. Nampali Raja' Agab, am pombolong io ra mambayang ra konoon karung. Mugar Raja' Agab mongoi ra giu' giti ra bulos malaut am mangiluk guang.

AYUP 2:8

Minongoi i Ayup panturung giu' ra sapapa' ru tinuntur ra ginsamol liliwa' nangaur ra talipos nano ra rondo' poto ru rarapu'.

AYUP 42:6

Ginio ra mauyu' aku sabap ra ngaangai' ragu kuno, am ra guang pansagulian manturung aku ra ralalom ru tana' am kaau.”

JISAYA 15:3

Ulun mangkiralan nambayang ra konoon ru karung. Giu' ra tana' nalimparang am pinuusan ru baloi, ulun manulaboi am mantangi'.

JIRIMIA 13:18

Indagu Tuhan raki', “Susubo' raja' am ina' nano tumuun intor ra panturungan nilo, sabap ra karaun nilo ra moonsoi naratu' noyo intor ra ulu.

JIRIMIA 36:13

Nambala' i Mikaya risilo ra ngaangai' ondo' binasa' ri Baruk ra mamagun.

JIRIMIA 36:24

Kaa' raja' kapoam pagawai-pagawai ondo' nokorongog ra ngaangai' no kalo malaa' kapoam nampakito ra pansagulian guang.

JIRIMIA 6:26

Indagu Tuhan ra ulun Nano, “Pambayang no ra konoon karung am pagiluir no ra kaau. Pangulir no am panulaboi no ra malumpus koson ra ulun manulaboi ra pinatayan ru anak ungkuyon ondo' langkuir, sabap ra io mampaluus no mamulunsar ramuyun ra mamulali'.”

SULABOI 2:10

Ulun matutuo giu' ra Jirusalim nanturung mongkoror ra tana', kaau pinatauk ra ulu am nambayang ra konoon karung. Ralaa-ralaa nampakuku' ra ulu saboi ra tana'.

SULABOI 3:29

Musiti' takau minggana' guang am maginaa, sabap ra maaru' lair lakat poyo mokoondo' ra kalansanan.

YEHEZKIEL 26:16

Ngaangai' raja' ru bansa'-bansa' giu' ra kiing ru nagas tumuun intor ra kurisi' turungan nilo. Aluson nilo sukub am bayang mokoondo' ra sulam am manturung ra monontol giu' ra tana'. Malaa' ilo kaga' magilong ra pupus muno saboi kalo lumonggo' ilo monontol.

DANIL 9:3

Aku pana makiasi' toojo ra Tuhan, i Aki Kapuuno', nakimasi' Riso, liliwa' nampali am nambayang ra karung, am niayuk nanturung ra rasawat ru kaau.

MIKA 1:10

Pai' pambala' ra pantula' giu' ra Gat ra itakau naala. Pai' polosoo' ilo magilong ritakau mantangi'. Mamagun ru Bit-Li-Apra kau ngai', pagiluir kano ralalom ru kaau koson tatandu' malumpus guang.

MATIUS 11:21

“Aibui boo ra ulun ru Korajin! Aibui boo ra ulun ru Bitsaida! Amon ru kaimuagan ondo' binaal ra tatanga' min nabaal noyo giu' ra Tirus am Sidon, lair noyo ulun ru giu' no mangulir am manauk ra ulu nilai ra kaau, koson tatandu' ra ilo ti timinalikur noyo intor ra tula nilono!

LUKAS 10:13

“Mumpara' boo laat ru bandar Korajin! Mumpara' boo laat ru bandar Bitsaida! Amon ru kaimuagan ondo' binaal ra tatanga' min nabaal noyo giu' ra bandar ru Tirus am Sidon, lair poyo ulun ru giu' i timinalikur intor ra tula nilai am nangulir!