JUNUS 2:6 - Tanou Moonsoi Timugon

^6-7 Timinuun aku saboi ra lonor ru kabuluran, ra intok ondo' garabang kinunsi' suku' ra sabuoi-buoi no. Paat ra painawo kuno mamaar mutus intor ra inan kuno, mangkara' aku ra Tuhan, am mampiau aku Rirun. Okou, iou Tuhan, iningo' pakiasian kuno, giu' ra Baloi Muno ondo' matulai. Intor ra raat ondo' malandom, Okou mamayag raki', iou Tuhan, i Aki Kapuuno' kuno!

JUNUS 2:6 ပူးပေါင်းရင်းမြစ်များ

AYUP 33:24

Malaikat no ra makaasi' mindagu ra, ‘Palabuso' io maa' raginio kalo mongoi io ra tana' ru ulun minatoi. Gitio noyo pamumuli' koson mampalabus riso.’

AYUP 33:28

Kalo mompoloso Io raki' mongoi ra tana' ru ulun minatoi, am lakat aku poyo maayag saboi raino.’

MAZMUR 104:6

Liniputan Mu tana' ti ra raat, am timug napalinjob ra gunung;

MAZMUR 104:8

Timug tumuluk mongoi ra lampam mansail ra gunung, mongoi ra intok ondo' tinampos Mu noyo.

MAZMUR 116:3

Kapatayan liminibung raki'; am lobong ra makalalaa' liminiput raki'; malaa' aku kaga' am magalabo.

MAZMUR 143:7

Taamo' aku mataki', iou Tuhan, malawo guang kuno. Pai' pansibuni intor raki', maa' raginio kalo masauk aku koson ra ulun nakatuun noyo ra intok kapatayan.

MAZMUR 16:10

sabap ra kalo polosoon Mu aku matoi; ulun ondo' tagamin Muno kalo polosoon Mu mapuso.

MAZMUR 18:5

Patayan ra makalalaa' no liminibung raki', rosob ra mamuso no mapalinjob raki'.

MAZMUR 30:3

Mampiau aku Rirun ra makiindangan, iou Tuhan, i Aki Kapuuno' kuno, am Okou namabas raki'.

MAZMUR 30:9

Mampiau aku Rirun, iou Tuhan; makiindangan aku,

MAZMUR 55:23

Pataako' noyo pagalabaan muno ra Tuhan, am manungka' Io ramuyun; kalo polosoon No ulun mabanis guang kalaan.

MAZMUR 65:6

Bulintok ra akai mampiau tumaam Kou am manaak Kou ramon ra kamanangan; baal-baal makaimuag binaal Mu koson mamayag ramon. Okou kalansanan ru ulun ra titikop ru tana' ti, am ulun giu' ra sandaup ru raat ondo' maalur.

MAZMUR 69:2

Bayago' aku no, iou Aki Kapuuno'! Timinuu' noyo timug polos ra liog kuno;

JISAYA 38:10

Mangkara' aku, paat pompor ru painawo kuno, mongoi aku ra pagun ru ulun minatoi, am orou ra matutuo kalo makaliman aku.

JISAYA 38:17

Kaimbalaan kuno pana masauk ra kalinuos ayuk. Okou namayag raki' intor ra nansalinut makalalaa'; inampun Mu ngai' tula kuno.

JISAYA 40:12

Osoi kia makapanuku' ra timug ru raat ondo' suukon ru palar nano, kapoam manuku' ra limbowon mamakai ra dangou? Osoi kia makapanuku' ra tana' mamakai ra sangkir, kapoam manimbang ra bagat ru gunung am bulur mamakai ra timbangan?

YEHEZKIEL 26:20

Atarin Tokou ra intok ru ulun minatoi maa' raginio mayan kou masimpung ra ulun ra galing i. Polosoon Tokou lumayun ra intok ru ulun minatoi, giu' ra tanga' ru nalunsai ondo' mantilayun, mabaya' ra ulun minatoi. Tana' muno pana kalo boo ayanin ru ulun, am kalo makasimpung kou ra gino ngai' ru ulun maayag.

YEHEZKIEL 31:14

Ginio ra intor raino, kolondo' boo puun tataun ondo' tumuu' koson ra sawat raginio kapoam mokoondo' ra untu ondo' makasaboi ra gaun kabalu' pana mokoowot ra timug masuang. Ngaangai' no musiti' matoi koson ra ulun mapandai matoi am tumimung mabaya' ra ulun ondo' timinuun ra intok ru ulun minatoi.”

ABAKUK 3:10

Paat ra gunung-gunung makakito Rirun, ngaangai' no muyog; rasam rumatu' intor ra limbowon. Timug giu' ra ragana' ru tana' mompongoos am kinulun nano lumapos.

ABAKUK 3:6

Paat ra Okou lumonggo', muyog tana' ti; paat ra Okou magilong, bansa'-bansa' songongonsol. Gunung-gunung ondo' lair noyo soroi natutuk kalingon; bulur-bulur ondo' nagulayun soroi pana liminonson, bulur-bulur intok Muno mugar intor noyo ra galing.

MATIUS 16:18

Ginio ra balain Tokou: okou no i Pitrus, koson ra batu maikang, am tampak ru batu ti mampabigor Aku ra pasimpungan Kuno. Kuasa' ru kapatayan pana kalo makagula' raginio.

SAGULION 32:22

Sangit Kuno bibilak koson ra apui, am monolob ra ngaangai' rasawat ru tana'. Tumuun apui no ra tana' ru ulun namagatoi, am mangumpo ra bakat ru gunung-gunung.