JUNUS 1:12 - Tanou Moonsoi Timugon

¹² Taam i Junus, “Patiri' min aku ralalom ru raat, am maaru' bagiu' mapuor ti luminos. Nakapandai aku no ra aku ti nangkinibit ra bagiu' ondo' mapuor kaga' ondo' liminumpa' ramuyun.”

JUNUS 1:12 ပူးပေါင်းရင်းမြစ်များ

2 SAMUIL 24:17

Nakito ru Raja' Daut malaikat ondo' tatanga' mamatoi ra mamagun no, kono boo ra Tuhan, “Aku noyo natulaan sabap ra nambaal aku ra kasalaan. Kaa' atan kia kasalaan ru bansa' ondo' makaasi'-asi' no? Ukumi' noyo aku am sasambaloi kuno!”

1 TUNUNG RU BANSA' ISRAIL 21:17

Pakiasi' Raja' Daut, “Iou Aki Kapuuno', aku noyo ra sala. Aku noyo ondo' nanusub ra ulun nampaugar ra panguntaban no. Atan kia kasalaan ru bansa' ragitio? Iou Tuhan, Aki Kapuuno' kuno, ukumi' aku no am sasambaloi kuno, kaa' painggaluro' karaat ti intor ra ulun Muno.”

AYUP 35:8

Rangan-rangan rondo' guang rirun ondo' maimbolo' kinibit ru kalaatan muno, am ilo niayuk ondo' maulian sabap ra kinoonsoi muno.

MAMPATANOU 9:18

Kapintaran moonsoi poyo intor ra kinandoi pangayawan, kaa' sangulun makatula nampalunsai ra masuang baal ondo' moonsoi.

JUNUS 1:11

Liliwa' raginio bagiu' mapuor kaga' liminanja', am ngaangai' anak ru kapal nangkuot ri Junus, “Atan kia musiti' baalon mai rirun koson mampalinos ra bagiu' mapuor kaga' ti?”

JUNUS 1:13

Kaa' ngaangai' ulun ru kapal lakat poyo mirot toojo koson mangkabil ra kapal i mongoi ra lantur. Kaa' bagiu' mapuor liminanja' niayuk mapuor kaga', saboi pirot nilo kolondo' onong.

JUANIS 11:50

Kalo kia matutunan min ra moonsoi poyo sangulun suali ayuk matoi intor ra ngaangai' ru bansa' mapuso?”

RINALATAN 27:24

Indagu malaikat i, ‘Pai' kalaa' Paulus! Makauma' kou niayuk ra Kaisar. Ra mataau i Aki Kapuuno' ra ulun nabaya' rirun ra kapal ti, ra ilo pana maayag mabaya' rirun.’

JOSUA 7:12

Ginio ra kalo makagula' ulun ru Israil ra pantula'. Liminugut ilo kalalaat sabap ra ilo galama' ukumin ra pusoon. Kalo boo mabaya' Aku risilo ondo' ayuk am mamuso ilo ra kuliamos ondo' sotopot no kalo buliin nilo.