JUDAS 1:7 - Tanou Moonsoi Timugon

⁷ Karaa' min niayuk mamagun ru bandar Sodom, Gomora am bandar ra naginggaar, ilo pana mogondo' ra malaikat ra raitii' ni. Nambaal ilo ra pansasawaan am baal makauyuyu'. Inukum ilo ra apui mantilayun koson ra rondo' pangkaraan ru ngaangai' ulun.

JUDAS 1:7 ပူးပေါင်းရင်းမြစ်များ

KASAUKAN 13:13

Giu' ra bandar Sodom no inayanan ru ulun ondo' mangalaat kaga' am makatula ra Tuhan.

KASAUKAN 18:20

Indagu boo Tuhan ri Abragam, “Makapanguwan ra maagat kaga' ra bandar Sodom am bandar Gomora am tula nilono maayo kaga'.

KASAUKAN 19:5

Piawo' nilo i Lot am pangkuot, “Ati kia ulun ondo' minatong pombolong ra baloi muti? Pataako' ilo ramon maa' raginio makarulug akai risilo!”

1 RAJA'-RAJA' 22:46

Pinuso ru Raja' Josapat no ngaangai' ulun mantalan ra inan ungkuyon am ruandu' ondo' mangandoi ra intok-intok sambaan ra dewa. Ulun-ulun mantalan ra inan no pinatoi paat ra pamarintaan ru Raja' Asa, ama' ru Raja' Josapat.

JISAYA 1:9

Amon ru Tuhan Ondo' Maayo Kaga' Kuasa' kalo nangiou ra kukula' ulun maayag, Jirusalim no mapuso noyo koson ra Sodom am Gomora ra galing i.

JISAYA 13:19

Kula' suang ru pamarintaan, Babilonia niayuk maantak am masauk ra kaansukan ru ulun nano. Kaa' Aku, Tuhan, mamuso ra bandar Babil koson ra Aku namuso ra Sodom am Gomora!

JISAYA 33:14

Namagun ra Sion ondo' makatula monontol malaa'. Konilo, “Ukuman intor ri Aki Kapuuno' koson ra apui ondo' monolob ra sabuoi-buoi no. Mokoondo' kia osoi mabayag intor ra apui no?”

JIRIMIA 20:16

Polosoon noyo ulun nagibit ra tanou no koson ra bandar-bandar ondo' tinutuk ru Tuhan ra kalo makaasi'. Polosoon noyo io mokorongog ra golok marualan paat ra susuab ti, am golok mosongou ru pangayawan ra tanga' ru orou,

JIRIMIA 50:40

Koson ra Aku namuso ra Sodom am Gomora nababaya' ra pekan-pekan giu' ra liliut no, koson raginio niayuk Aku mamuso ra Babil. Kolondo' sangulun pana mayan ra giu' no. Aku, Tuhan, nakaindagu noyo.

SULABOI 4:6

Bansa' kuno inukum ra maagat poyo intor ra mamagun ru Sodom, ondo' napuso ra sangkuliop ayuk sabap inukum ri Aki Kapuuno'.

GOSIA 11:8

Okou Israil, kalo lair impayin Tokou; kalo lair iruanin Tokou. Maaru' lair pusoon Tokou koson ra Adma, kapoam mangukum rirun koson ra Jiboim: Kalo makakau' Aku mambaal koson raginio. Togom Kuno rirun maayo kaga'.

AMOS 4:11

“Pusoon Ku santayaran intor ramuyun koson ra Aku namuso ra Sodom am Gomora. Ulun ondo' lakat poyo naayag ra gino kau po ngai' koson ra putul ru luton ondo' inalap intor ra apui. Kabalu' pana raginio, kalo niayuk sumaguli' kau Raki'.

MATIUS 10:15

Karaa' min! Paat ra Orou Pupus, i Aki Kapuuno' makaasi' ra ulun ru Sodom am Gomora, ka ulun ru pekan raginio!”

MATIUS 11:24

Karaa' min! paat ra Orou Pupus no, maayo guang ri Aki Kapuuno' makaasi' ra ulun ru Sodom ka akau!”

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

LUKAS 17:29

Kaa' kasuku' orou ri Lot ilo sambaloi nangiruan ra bandar Sodom, ratu' boo apui am balirang intor ra suruga' am naumpo ngaangai' ulun ru bandar i.

1 KORINTUS 6:9

Maaru' natutunan min ra ulun malaat kalo masauk ra ulun ri Aki Kapuuno'. Pai' kano iruung; ulun ondo' mansawa', sumamba ra sinungkalalaing, lumapau am ungkuyon homoseksual,

SAGULION 29:23

Umo mino masauk ra mapua' am kolondo' onong sabap ra natauban ru bilirang am usi'. Kalo matanaman tana' raginio, am kalo tuwin ru sakot giu' no. Masauk tana' mino koson ra bandar Sodom, Gomora, Adma am Jiboim ondo' pinuso ru Tuhan paat Io siminangit kaga'.

2 TISALONIKA 1:7

Am poyo mangani' Io ra katasuan ramuyun ondo' raino ti imboloon, mogondo' niayuk ramon. Gitio saukon Nano paat ra Tuhan Jisus mintalang intor ra suruga' mabaya' ra malaikat mangaikang Nano,

2 TISALONIKA 1:8

am mabaya' ra simbula' ru apui. Mangukum Io ra ulun ondo' kalo masaga' mintutun ri Aki Kapuuno' am ondo' kalo gumagaya' ra Tanou Moonsoi ri Jisus, Tuhan takau.

2 PITRUS 2:2

Kabalu' pana koson raginio, masuang ulun tumilu ra kinibit ru guang malaat nilai. Binaal nilai ti noyo mangkinibit ra masuang boo ulun magasab ra Ralan Katapatan.

2 PITRUS 2:6

Mogondo' niayuk ra ati kulaan sauk ru ulun ra bandar Sodom am Gomora: Inukum ilo solobo' ri Aki Kapuuno' karuruo bandar i. Ginio binaal Nano koson ra pampakaraan ati kulaan balos Nano ra ulun malaat.

2 PITRUS 3:7

Kaa' alungin No limbowon am tana' ondo' soroi ra raino ti, suku' ra Orou Pangukuman, ioginio paat ra ilo solobon ra apui am ulun malaat pusoon.