JUANIS 9:39 - Tanou Moonsoi Timugon

³⁹ Kon ri Jisus, “Aku minatong ra tana' ti mongoi pangakim, maa' raginio ulun noolou makakito am ulun makakito moolou boo.”

JUANIS 9:39 ပူးပေါင်းရင်းမြစ်များ

JISAYA 29:10

Tuhan nambaal ramuyun matikoolong maa' raginio makalunus kau ra akau mombolong. Ngaangai' nabi sotopot no masauk ra mato ru ulun kaa' i Aki Kapuuno' nongorom ra mato nilono.

JISAYA 44:18

Ulun koson raginio sasambungon toojo. Kumorom ilo am siliin nilo guang saboi kolondo' atan-atan pangaratian nilo.

JISAYA 6:9

Io pana nanusub raki' mampasaboi ra tanou ti ra ulun, “Rayusi' min mangkirongog, kaa' kalo makarati'. Rayusi' min mampaguang, kaa kalo mapandayan min atan kasaukan.”

YEHEZKIEL 12:2

“Okou ulun mapandai matoi, minayan kou ra tatanga' ru ulun gumuor. Mokoondo' ilo ra mato, kaa' kalo makakito; mokoondo' ilo ra talingo, kaa' kalo mokorongog, sabap ra masaga' ilo gumuor.

MATIUS 11:5

Ulun nobolou makakito, ulun kalo makalulu' makaugar, ulun makamaruol ra kungkung ondo' maaja' mababas; ulun barat mokorongog, ulun minatoi maayag saguli', am Tanou Moonsoi no pinatanou ra ulun musikin.

MATIUS 15:14

Pai' no kaimamang risilo. Ilo no tingganai ondo' noolou; am paat ra ulun bolou no mangitang ra ulun bolou, ilo karuo-ruo makasubol ra parit.”

MATIUS 6:23

Kaa' amon ru mato muno malaat, ngaangai' inan muno molondom. Ginio ra amon ru liminondom noyo lampung muno, aibui boo ra loolondom no.”

LUKAS 1:79

mangani' Io ra sinda ra ulun ondo' mayan ra kalandaman am malaa' ra kapatayan, am maningganai ritakau ra ralan sumuku' ra kaansayan.”

LUKAS 13:30

Totopot ra ulun ondo' raino ti makatauli, makasigulu ilo ra maagu no, am ulun ondo' raino ti makasigulu, makatauli ilo.”

LUKAS 2:34

Barakati' ilo ri Simion am indagu io ri Maria, ina' ru lalagang no, “Anak ragitio pinili' noyo ri Aki Kapuuno' koson mangukum am niayuk mamayag ra masuang ulun ru Israil. Masauk Io ra tatandu' intor ri Aki Kapuuno' kaa' masuang poyo manggal Riso.

LUKAS 4:18

“Ambiluo ru Tuhan soroi Raki', nanusub Io noyo Raki' mampabala' ra Tanou Moonsoi ra ulun musikin. Pinili' No Aku koson mambala' ra pampalabusan ra ulun rinakop am mamabas ra ulun noolou. Am niayuk mampalabus ra ulun kikinjangin.

LUKAS 7:21

Paat ragili niayuk, namabas i Jisus ra nansalinut maruol am kaimbalaan ru ulun. Nampagiru' Io poyo ra riwato am niayuk namabas ra ulun noolou.

JUANIS 12:31

Raino ti noyo pangakiman ra ulun ru tana' ti; raino ti alapon noyo kuasa' intor riso ondo' manguasa' ra tana' ti.

JUANIS 12:46

Aku minatong ra tana' ti koson ra sinda, maa' raginio moonong ulun ondo' mangintopot Raki' kalo boo mayan ra kalandaman.

JUANIS 3:17

Sabap ra i Aki Kapuuno' nanusub ra Anak Nano mongoi ra tana' ti sala' ka mongoi pangakim ra ulun, kaa' mongoi pamayag risilo.

JUANIS 3:19

Gitio noyo ukuman ti: sinda no nakaratong noyo ra tana' ti, kaa' ulun masaga' poyo ra kalandaman intor ra sinda sabap ra ondo' baalon nilai malaat.

JUANIS 8:12

Indagu poyo i Jisus ra ulun masuang, “Aku noyo sinda ru tana' ti. Osoi ayuk maya' Raki' kalo mangkiralan ra kalandaman, kaa' mokoowot ra sinda ondo' mangani' ra kaayagan.”

JUANIS 8:15

Akau mangakim ra ulun sumugut ra pamaguangan ru ulun; Aku kalo mangakim ra osoi ayuk pana.

JUANIS 9:25

Taam io, “Makatula Io kia kapoam kalo, ginio kalo makapandai aku, ondo' ayuk napandayan kuno; ra gili noolou aku, kaa' raino makakito aku boo.”

RINALATAN 26:18

koson mangukab ra guang nilo. Ginio ra makaingkual ilo boo intor ra kalandaman am mokoongoi ra matawang; koson makalabus ilo boo intor ra kuasa' ru Tingganai ru riwato no am makasaguli' ri Aki Kapuuno'. Ra koson raginio, mansail ra pangintapatan nilo Raki', tula nilono ampunon am masauk ilo ra ulun pinili' ri Aki Kapuuno'.’ ”

IPISUS 5:14

Sabap ra atan ayuk pasalulaan ru sinda, makaintalang noyo. Ginio sabap ru ragu ragitio, “Tirong kano, ondo' nombolong, am kaayag noyo saguli' intor ra kapatayan! I Kristus suminda ramuyun.”

2 TISALONIKA 2:10

Mamparuung io ra mansalinut kalaatan ra ulun ondo' maaru' pusoon. Pusoon ilo sabap ra kalo nangapu am nonogom ilo ra katapatan intor ri Aki Kapuuno' ondo' makapamayag risilo.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

1 JUANIS 2:11

Kaa' ulun ondo' masisang ra pabukat nano, soroi io ayuk poyo ralalom ru kalandaman. Mugar io ralalom ru kalandaman am kalo napandayan ati angayan no, sabap ra kalandaman no mambaal riso kalo makakito.