JUANIS 9:35 - Tanou Moonsoi Timugon

³⁵ Pakaining i Jisus raginio, tuumo' No ulun i am kuati' no, “Mangintopot kou kia ra Anak ru Ulun?”

JUANIS 9:35 ပူးပေါင်းရင်းမြစ်များ

MAZMUR 2:12

igulatur no ra tuma' Nano am ra monontol; pai' sukui' Tuhan no sumangit ondo' magibit ra akau pusoon sangkuliop ayuk sabap ra mataki' kaga' sangit Nano masimbula'. Pakaansuk kano ngaangai' ulun ondo' siminindung Riso!

MAZMUR 2:7

Indagu raja', “Potonowon ku atan ondo' pinabala' ru Tuhan. Minindagu Io raki', ‘Okou noyo anak Kuno; paat ra orou raiti' masauk Aku ra Ama' muno.

MAZMUR 27:10

Io pana ina' am ama' kuno manatang raki', kaa' Tuhan noyo magalung raki'.

MATIUS 14:33

Maamaya'-maamaya' Nano ondo' soroi ra parau no siminamba ri Jisus, konilo, “Topot-topot Okou no Anak ri Aki Kapuuno'!”

MATIUS 16:16

Taam i Simon Pitrus, “Okou no Mamamayag ondo' sinusub i, Anak ri Aki Kapuuno' Ondo' Maayag.”

MATIUS 4:3

Pulusat Tingganai ru riwato no am indagu, “Amon ru Anak Kou ri Aki Kapuuno', susubo' batu-batu ti masauk ra ruti'!”

MARKUS 1:1

Gitio noyo talimpuun Tanou Moonsoi, i Jisus Kristus, Anak ri Aki Kapuuno'.

JUANIS 1:18

Kolondo' sangulun pana nakakito ri Aki Kapuuno'. Kaa' Anak Langkuir ri Ama' ayuk, ondo' mogondo' Riso am rondo' guang Riso, Io nampaintalang ri Aki Kapuuno'.

JUANIS 1:34

Aku galama' nakakito ra nasauk ti, ginio ra mampaintutun aku toojo ramuyun: Gitio noyo Anak ri Aki Kapuuno'.”

JUANIS 10:36

Aku pinili' am sinusub ri Ama' matong ra tana' ti. Kua indagu kau ra magasab Aku ri Aki Kapuuno' ra ragu Kuli, ‘Aku ti Anak ri Aki Kapuuno'’?

JUANIS 11:27

Kon ri Marta, “Iou Tuhan, mangintopot aku ra Okou noyo Anak ri Aki Kapuuno', Mamamayag ondo' inaru' noyo matong ra tana' ti.”

JUANIS 20:28

Indagu i Tomas ri Jisus, “Okou no Tuhan kuno am i Aki Kapuuno' kuno.”

JUANIS 20:31

Kaa' ngaangai' ti tinulisan noyo, maa' raginio mangintopot kau ri Jisus noyo Mamamayag ondo' sinusub ri Aki Kapuuno' i, ioginio Anak ri Aki Kapuuno'. Sabap ra pangintapatan mino Riso, mokoowot kau ra kaayagan motopot.

JUANIS 3:36

Maa' raginio osoi ayuk mangintopot ra Anak no mokoowot ra kaayagan motopot am mantilayun. Kaa' osoi ayuk kalo gumagaya' Riso no, kalo mokoowot ra kaayagan no, kaa' mantilayun i Aki Kapuuno' masisang riso.

JUANIS 5:14

Kalo nabuoi ragili, tinuum io ri Jisus giu' ra Baloi Tuhan am ragui' no ulun i, “Napali' kou noyo raino. Pai' noyo boo inganganai' tula mutu, maa' raginio kalo matiu' kou ra baal makalalaa' poyo.”

JUANIS 6:69

Raino mangintopot akai toojo ra Okou no Matulai ondo' sinusub ri Aki Kapuuno'.”

JUANIS 9:22

Matuo nano minindagu koson raginio sabap ra nalaa' ilo ra tingganai ru ulun ru Jaudi no, sabap ra nakapaguguum ilo noyo ra osoi ayuk mangiou ra i Jisus noyo Mamamayag ondo' sinusub ri Aki Kapuuno', inggalarin ulun no mumpos ra baloi sambayangan.

JUANIS 9:34

Konilo riso, “Okou ti makatula noyo intor ra okou inanak ayuk poyo; am mangila' kou boo kia ramon?” Ininggalaran nilo boo io mumpos ra baloi sambayangan i.

RINALATAN 8:36

Paat ra ilo nanunggul ra pangkiralanan nilai, pakasuku' ilo ra intok makatimug. Indagu pagawai no, “Ilai', giti makatimug. Atan poyo manginga' raki' ra aku riwon?” [

RINALATAN 8:37

Indagu i Pilipus, “Mariu' tokou amon ru mangintopot kou toojo.” Taam io, “Mangintopot aku ra i Jisus Kristus i noyo Anak ri Aki Kapuuno'.”]

RINALATAN 9:20

Minongoi io ra ngaangai' baloi sambayangan ra giu' i am timinalimpuun mampatanou ra i Jisus i noyo Anak ri Aki Kapuuno'.

ROMA 1:4

kaa' maya' ra papag Nano ra suruga', nampakito i Aki Kapuuno' ra Io no Anak Nano, am ralalom ru kuasa' maayo binayag Io intor ra kapatayan.

ROMA 10:20

Makakau' poyo i nabi Jisaya mindagu, “Gitio noyo kon ri Aki Kapuuno', ‘Matuum Aku ru ulun ondo' kalo maguyum Raki', am tumalang Aku ra ulun ondo' kalo mangkuot Raki'.’ ”

1 JUANIS 4:15

Osoi ayuk mangintopot ri Jisus no Anak ri Aki Kapuuno', i Aki Kapuuno' maayag sumimpung ra ulun no am niayuk ulun no maayag sumimpung ri Aki Kapuuno'.

1 JUANIS 5:10

Ginio ra osoi ayuk mangintopot ra Anak ri Aki Kapuuno', nakaapu io noyo ra kaintutunan ragitio ralalom ru guang nano. Kaa' osoi ayuk kalo mangintopot ri Aki Kapuuno', manguu' io ri Aki Kapuuno' magabau, sabap ra kalo nangintopot io ra atan ondo' rinagu ri Aki Kapuuno' intor ra Anak Nano, i Jisus Kristus.

1 JUANIS 5:13

Tulisin ku gitio ramuyun ondo' mangintopot ra Anak ri Aki Kapuuno', maa' raginio mapandayan min ra akau no mokoondo' ra kaayagan motopot am mantilayun.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.

1 JUANIS 5:5

Osoi kia makaanggal ra kalaatan ru tana' ti? Ilo ayuk ondo' nangintopot ra i Jisus noyo Anak ri Aki Kapuuno'.

3 JUANIS 1:10

Kaa' amon ru makaratong aku, balain takamin ra binaal nali. Magabau am mansunur io ramon! Kaa' kalo poyo nasamaan io raginio. Paat ra pabukat-pabukat Kristian no minatong, kalo inapu no ilo. Ininggalaran no poyo ulun ondo' masaga' mangapu ra pabukat Kristian, am nanusub io risilo mingkual intor ra pasimpungan ulun Kristian no.