JUANIS 9:24 - Tanou Moonsoi Timugon

²⁴ Piawo' nilo poyo ulun binabas ni am konilo riso, “Pagibot no ralalom inggalan ri Aki Kapuuno' ra mindagu kou ra motopot! Nakapandai akai noyo ra ondo' namabas rirun i ulun makatula.”

JUANIS 9:24 ပူးပေါင်းရင်းမြစ်များ

IJRA 10:11

Ginio boo sabap ra iowo' noyo tula mino ra saang ru Tuhan, i Aki Kapuuno' ru kinamatuaan min am baalo' noyo atan ondo' makabansuk ra guang Nano. Inggalur kau intor ra ulun ru bansa' ra bokon ondo' minayan ra pagun takau, am pagiruo' ngaangai' andu' min ondo' bansa' ra bokon no.”

JISAYA 66:5

Rongogo' noyo ragu ru Tuhan, akau ngai' ondo' malaa' am gumagaya' Riso: “Sabap ra akau gumagaya' Raki', santayaran intor ra bansa' mino galama' masisang am mangimpai ramuyun. Magasab ilo ramuyun am mindagu, ‘Polosoon noyo Tuhan mapaintalang ra katulayan Nano am mamayag ramuyun, maa' raginio makakito akai ra akau maansukan.’ Kaa' ilo galama' tauyuon.

MARKUS 15:27

Nababaya' ri Jisus, sinalip nilo ruo ngaulun mantatakou; sangulun sinalip tampilon ra pamiris am sangulun sinalip tampilon ra kait. [

LUKAS 15:2

Tumalimpuun boo ulun-ulun ru Parisi am mangingila' ra ukum ri Musa mangalimut Riso, konilo, “Ilai', ulun ti mangapu ra ulun ondo' karaan ra malaat am niayuk gumulung risilo mangakan!”

LUKAS 19:7

Ngaangai' ulun pana sabubutok boo mangalimut magilong ragitio. Konilo, “Ulun ti mapit poyo boo ra baloi ru ulun makatula.”

LUKAS 7:39

Kakito ru ulun ru Parisi no baal raginio, kon ru guang nali, “Amon ru sangulun nabi Io, kua polosoo' no ruandu' koson ragitio kumambong Riso. Maaru' nakapandai Io ra sotopot no ruandu' ti kauligan ra makatula!”

JUANIS 14:30

Kalo boo masuang raguon Kutu ramuyun, sabap ra nasuku' noyo paat ra io ondo' manguasa' ra tana' ti matong. Kaa' kalo makapanguasa' io Raki'.

JUANIS 16:2

Inggalarin kau mumpos ra baloi sambayangan. Masuku' niayuk paat ra osoi ayuk mamatoi ramuyun mangkara' ilo raginio mangandoi ri Aki Kapuuno'.

JUANIS 18:30

Taam ilo, “Kalo paumaan mai Io rirun amon ru kolondo' sala Nano.”

JUANIS 19:6

Kakito Io ayuk ru tingganai imam Jaudi am pulis-pulis ru Baloi Tuhan no, golok ilo, “Salipo' Io, salipo' Io!” Indagu i Pilatus risilo, “Alapo' min noyo Io am akau galama' ayuk manalip Riso, sabap ra kalo natuum ku rondo' pana sala nati.”

JUANIS 5:23

Ginio sinauk No koson ngaangai' ulun mangurumat ra Anak nogondo' ra ilo mangurumat ra Ama'. Osoi ayuk kalo mangurumat ra Anak, kalo niayuk mangurumat ra Ama' ondo' nanusub Riso.

JUANIS 8:46

Osoi intor ramuyun no mampainono' ra makatula Aku? Amon ru mindagu Aku ra motopot, kua pai' kau pangintopot Raki'?

JUANIS 8:49

Kon ri Jisus, “Sala', pai' ru sinubol Aku ru riwato. Aku mangurumat ra Ama' Kuno, kaa' akau magasab Raki'.

JUANIS 9:16

Mokoondo' kukula' ngaulun intor risilo i minindagu, konilo, “Ulun ondo' nambaal ragitio maaru' sala' ka intor ri Aki Kapuuno', sabap ra kalo gagayaan No aturan ru orou Sabat.” Kaa' kon poyo ru bokon i, “Sala', ati kulaan sangulun makatula makapambaal ra kaimuagan koson raginio?” Ginio boo ra nagagansang ilo.

JUANIS 9:25

Taam io, “Makatula Io kia kapoam kalo, ginio kalo makapandai aku, ondo' ayuk napandayan kuno; ra gili noolou aku, kaa' raino makakito aku boo.”

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

JOSUA 7:19

Indagu i Josua riso, “Okou anak kuno, raguo' noyo ra motopot ra saang ru Tuhan i Aki Kapuuno' ru Israil am pangiou noyo. Raino pambala' raki' ra atan binaal muno. Pai' bunio' baal raginio intor raki'.”

PINAINTALANG 11:13

Paat raginio niayuk mogonggon tana' ti ra makalalaa'. Mopor piatus ru bandar no linunsai am tulu' ngaribu ngaulun pinatoi. Ulun ra bokon no malaa' boo kakaga', am nongongompor ilo ra kuasa' ri Aki Kapuuno' ra suruga'.