JUANIS 9:16 - Tanou Moonsoi Timugon

¹⁶ Mokoondo' kukula' ngaulun intor risilo i minindagu, konilo, “Ulun ondo' nambaal ragitio maaru' sala' ka intor ri Aki Kapuuno', sabap ra kalo gagayaan No aturan ru orou Sabat.” Kaa' kon poyo ru bokon i, “Sala', ati kulaan sangulun makatula makapambaal ra kaimuagan koson raginio?” Ginio boo ra nagagansang ilo.

JUANIS 9:16 ပူးပေါင်းရင်းမြစ်များ

MATIUS 12:10

Giu' no mokoondo' sangulun ondo' longon ra satata' nano minatoi. Kaa' mokoondo' niayuk kukula' ngaulun masaga' manguu' ri Jisus ra baal masala. Pangkuot ilo ri Jisus, “Mamabas ra ulun paat ra orou Sabat ti manggal kia ra Ukum ri Musa no?”

MATIUS 12:2

Paat ra ulun-ulun ru Parisi nakakito raginio, konilo ri Jisus: “Ilai' noyo, maamaya'-maamaya' Muno minanggal ra Ukum ri Musa mambaal koson raginio paat ra orou Sabat!”

LUKAS 13:14

Kaa' tingganai ru baloi sambayangan siminangit sabap ra namabas i Jisus paat ra orou Sabat. Indagu tingganai i ra ulun masuang no, “Onom ngoorou itakau makapangandoi, ratong kau pakibabas ra orou raginio am sala' ka paat ra orou Sabat!”

JUANIS 10:19

Ginio nai ra nagagansang boo ulun-ulun ru Jaudi.

JUANIS 14:11

Pangintopot kano ra Aku masimpung ri Ama', am i Ama' masimpung Raki'. Kaa' amon ru kalo, pangintopot kano ayuk ra binaal Kuli.

JUANIS 15:24

Amon ru kalo binaal Kuno ra saang nilo ondo' kalo igondo' baalo' ru ulun, kolondo' noyo tula nilo. Kaa' kabalu' pana nakakito ilo ra binaal Kuno, masisang ilo niayuk Raki' am Ama' Kuno.

JUANIS 2:11

Ondo' binaal ri Jisus ra Kana, libung ru Galilia, kaimuagan kasaa' Nali. Ginio ra nampakito Io ra Io ti matulai am nangintopot maamaya' Nano Riso.

JUANIS 3:2

Sarandaman ragili ongoi io tuum ri Jisus am indagu, “Mangingila', makapandai akai ra Okou no sinusub ri Aki Kapuuno' mongoi pangila'. Sabap ra kolondo' sangulun pana makapambaal ra kaimuagan koson ra baalon Muno, amon ru kalo indanganon io ri Aki Kapuuno'.”

JUANIS 5:10

Ginio boo ra indagu tingganai ru ulun ru Jaudi ra ulun ondo' bagu ayuk kapali' i, “Orou raiti' orou Sabat takau; minanggal kou noyo ra Ukum ri Musa ra nangkayang kou ra apin muno.”

JUANIS 5:36

Kaa' mokoondo' kaintutunan ra bokon ondo' maatang poyo intor ra kaintutunan ri Juanis i. Io ginio atan ondo' baalon Kutu, ondo' pinalansan ri Ama' Raki', ngaangai' ti mampainono' ra i Ama' noyo nanusub Raki'.

JUANIS 6:52

Intor ra ragu Nani, mansasangor boo ulun-ulun ru Jaudi ra rondo' am bokon, konilo, “Ati kulaan ulun ti mampaakan ritakau ra inan Nano?”

JUANIS 7:12

Ulun masuang i pana posokonos ayuk mansunur Riso. Mokoondo' mindagu ra, “Ulun moonsoi Io.” Mokoondo' poyo bokon mindagu, “Kalo! Mampakalayau Io ra ulun.”

JUANIS 7:23

Amon ru sunatin min lalaing ungkuyon paat ra orou Sabat am gitio kalo manggal ra Ukum ri Musa, kolondo' sasaban sumangit Raki' sabap ra kinapali' Ku ngaangai' ra sangulun paat ra orou Sabat?

JUANIS 7:43

Nagagansang boo ulun masuang sabap ri Jisus.

JUANIS 9:24

Piawo' nilo poyo ulun binabas ni am konilo riso, “Pagibot no ralalom inggalan ri Aki Kapuuno' ra mindagu kou ra motopot! Nakapandai akai noyo ra ondo' namabas rirun i ulun makatula.”

RINALATAN 14:4

Kaa' mamagun ru bandar i nansasangor ra rondo' am bokon: mokoondo' santayaran ondo' minaya' ra ulun ru Jaudi am santayaran i poyo minaya' ra rasul-rasul no.