JUANIS 8:51 - Tanou Moonsoi Timugon

⁵¹ Balain takamin toojo: Osoi ayuk gumagaya' ra pangilaan Kuno, ulun no kalo makaili' ra kapatayan.”

JUANIS 8:51 ပူးပေါင်းရင်းမြစ်များ

MAZMUR 89:48

Karaa' noyo, mapara' piboo kinariwa' ru umur ru ulun; karaa' noyo ra Okou namangun ra ulun koson ilo ondo' maayag ra kalo mantilayun.

MATIUS 16:28

Karaa' min! Mokoondo' kukula' ngaulun ragiti kalo matoi suku' ilo makakito ra Anak ru Ulun no rumatong koson ra raja'.”

LUKAS 2:26

am binalaan io ru Ambiluo ri Aki Kapuuno' no ra kalo poyo matoi io ru kalo makakito io ra Mamamayag ondo' sinusub ru Tuhan.

JUANIS 14:23

Taam i Jisus, “Osoi ayuk motogom Raki', sumugut io ra ragu Kuno. Tagamin io ru Ama' Kuno am matong Akai ruo sumimpung ra ulun no.

JUANIS 15:20

Karaa' min rinagu Kuli; ‘Sangulun ulipon kalo maatang intor ra tuan nano.’ Amon ru nangimbolo' ilo Raki', mangimbolo' ilo niayuk ramuyun. Amon ru ragu Kuli sinugut nilo, ragu mino pana gagayaan nilo.

JUANIS 17:6

“Pinaulig Tokou noyo ra ulun-ulun ti ondo' pinataak Muno Raki'. Ilo ti longgom Muno, kaa' pinataak Mu ilo Raki' am siminugut ilo ra ragu Muno.

JUANIS 5:24

“Balain takamin toojo: Osoi ayuk mangkirongog ra ragu Kutu am mangintopot Riso ondo' nanusub Raki', mokoowot ulun no ra kaayagan motopot am mantilayun. Kalo ukumin io, kaa' nakalabus io noyo intor ra kapatayan am nakatalimpuun noyo maayag.

JUANIS 6:50

Kaa' ruti' ondo' timinuun intor ra suruga' sala' ka koson raginio, osoi ayuk mangakan ra ruti' ti kalo matoi.

JUANIS 8:12

Indagu poyo i Jisus ra ulun masuang, “Aku noyo sinda ru tana' ti. Osoi ayuk maya' Raki' kalo mangkiralan ra kalandaman, kaa' mokoowot ra sinda ondo' mangani' ra kaayagan.”

JUANIS 8:52

Indagu ilo ri Jisus, “Raino naimumuyan mai noyo toojo ra motopot sinubol Kou ru riwato! I Abragam galama' minatoi, nogondo' niayuk ra nabi-nabi, kaa' kamu; ‘Osoi ayuk gumagaya' ra pangilaan Kuno, ulun no kalo makaili' ra kapatayan.’

JUANIS 8:55

Akau kalo makaulig Riso, kaa' Aku makaulig Riso. Amon ru mindagu Aku ra kalo makaulig Riso, maabau-abau Aku koson ramuyun. Kaa' makaulig Aku niayuk Riso am gumagaya' Aku ra ragu Nano.

IBRANI 11:5

Sabap ra pangintapatan noyo i Ginok kalo minatoi, kaa' kalo boo nakito io ru ulun, sabap ra kinayang io ri Aki Kapuuno' ra suruga'. Tinulisan noyo ra Buuk Kitab ra napabansuk io ra guang ri Aki Kapuuno' ra io kalo poyo kinayang ra suruga'.

IBRANI 2:9

Kaa' makito takau i Jisus, ondo' pinainggana' kuasa' Nano intor ra kuasa' ru malaikat ra kukula' ayuk buoi. Maa' boo raginio ralalom ru kataawan ri Aki Kapuuno' matoi Io ra kaatangan ru ngaangai' ulun. Raino makatutun takau ra Io inanian ra kuasa' am urumat sabap ra naimbolo' Io noyo saboi minatoi.