JUANIS 8:46 - Tanou Moonsoi Timugon

⁴⁶ Osoi intor ramuyun no mampainono' ra makatula Aku? Amon ru mindagu Aku ra motopot, kua pai' kau pangintopot Raki'?

JUANIS 8:46 ပူးပေါင်းရင်းမြစ်များ

MATIUS 21:25

I Juanis Mampariu' kuasa' ru osoi? I Aki Kapuuno' kia kapoam ulun?” Tingganai imam Jaudi am tingganai ru ulun ru Jaudi tumalimpuun mindagu ra ilo ayuk ngaangai', “Amon ru balain takau, ‘Kuasa' ri Aki Kapuuno',’ maaru' tumaam Io, ‘Amon ru i Aki Kapuuno', kua pai' kau pangintopot riso?’

MARKUS 11:31

Tumalimpuun ilo mansusunur, konilo, “Atan paraguon takau? Amon ru mindagu takau, ‘Intor ri Aki Kapuuno',’ maaru' mindagu Io boo ritakau, ‘Kua pai' kau pangintopot ri Juanis?’

JUANIS 14:30

Kalo boo masuang raguon Kutu ramuyun, sabap ra nasuku' noyo paat ra io ondo' manguasa' ra tana' ti matong. Kaa' kalo makapanguasa' io Raki'.

JUANIS 15:10

Amon ru gumagaya' kau ra panusuban Kuno, rumondon kau ra togom Kuno. Ginio mogondo' ra Aku gumagaya' ra panusuban ri Ama', am rumondon Aku ra togom Nano.

JUANIS 16:8

Paat ra Io matong, mampainono' Io ra ulun ru tana' ti atan sotopot no tula, osoi motopot am atan sotopot no ukum ri Aki Kapuuno'.

JUANIS 18:37

Indagu i Pilatus Riso, “Ginio poyo, Okou ti sangulun raja'?” Taam i Jisus, “Rinagu mu noyo ra Aku ti sangulun raja'. Ginio ra Aku inanak am minatong ra tana' ti, koson mampatanou ra katapatan ri Aki Kapuuno'. Osoi ayuk gumagaya' ra katapatan ti mangkirongog io Raki'.”

JUANIS 8:47

Osoi ayuk intor ri Aki Kapuuno', mangkirongog ra ragu Nano. Kaa' akau sala' ka intor ri Aki Kapuuno', ginio sabap boo ra akau kalo mangkirongog Riso.”

JUANIS 8:7

Pasakuot ilo ayuk ri Jisus, ginio ra bigor Io boo am indagu risilo, “Osoi ayuk intor ramuyun no ondo' kolondo' tula, io no magulu momobol riso ra batu.”

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

IBRANI 4:15

Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.

1 PITRUS 2:22

Kalo noyo igondo' Io makatula am kolondo' sangulun pana nakaili' nokorongog ra magabau Io.