JUANIS 8:44 - Tanou Moonsoi Timugon

⁴⁴ Tingganai ru riwato no ama' min am maayo guang min gumagaya' ra kasagaan nano. Naintaran ra galing i, mamamatoi io ayuk am kalo igondo' giminagaya' ra katapatan, sabap ra kolondo' katapatan riso. Paat ra io magabau, maya' io ayuk ra paliso nano, sabap ra io no maabau-abau, am puun io ru ngaangai' abau.

JUANIS 8:44 ပူးပေါင်းရင်းမြစ်များ

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

1 RAJA'-RAJA' 22:22

‘Ati kulaan?’ Taam ambiluo no, ‘Mangkinibit aku ra ngaangai' nabi ri Agab no magabau.’ Indagu Tuhan, ‘Ongoyo' noyo ruungo' io. Makasugut kou.’ ”

1 TUNUNG RU BANSA' ISRAIL 21:1

Masaga' Tingganai ru riwato mantipagon ra ulun ru Israil; ginio boo ra inambi' no Raja' Daut maa' raginio manguntob ra mamagun ru Israil.

AYUP 1:11

Kaa' amon ru alapon Mu ngaangai' longgom nano, maaru' magulas io Rirun ra saang Muno.”

MATIUS 12:34

Akau ulun malaat. Ginio poyo, ati kulaan kau makaindagu ra baal ondo' moonsoi? Sabap ra atan ondo' soroi ralalom ru guang, ginio noyo raguon ru kabang.

MATIUS 13:15

Sabap ra pangkaraan nilono kalo kinalarom, sinilong nilo talingo nilono, am koromo' nilo mato nilono. Sabap ra amon ru kalo, makakito mato nilono, mokorongog talingo nilono am pangkaraan nilono malarom am sumaguli' ilo Raki', am mamabas Aku risilo,’ kon ri Aki Kapuuno'.

MATIUS 13:38

Umo no, ioginio tana' ti. Sampug moonsoi no, ioginio ulun ondo' nasauk noyo ra ulun ri Aki Kapuuno', am alab no ulun ondo' maya' ra Tingganai ru riwato.

JUANIS 6:70

Indagu boo i Jisus risilo, “Kabalu' pana Aku noyo nampili' ramuyun mopor am ruo ngaulun ringai', kaa' sangulun intor ramuyun no riwato.”

JUANIS 7:17

Osoi ayuk masaga' mambaal ra kasagaan ri Aki Kapuuno', makatutun io ati intor ru pangilaan Kutu; intor kia ri Aki Kapuuno' kapoam intor Raki' galama' ayuk.

JUANIS 8:38

Aku mambala' ra atan ayuk pinatalang Raki' ru Ama' Kuno; kaa' akau mambaal ra atan ayuk pinabala' ru ama' min ramuyun.”

JUANIS 8:41

Akau mambaal niayuk ra atan ondo' baalon ru ama' min.” Taam ilo, “Pai' ru anak sawa' akai! Rondo' ayuk Ama' mai, i Aki Kapuuno' galama'.”

JUANIS 8:55

Akau kalo makaulig Riso, kaa' Aku makaulig Riso. Amon ru mindagu Aku ra kalo makaulig Riso, maabau-abau Aku koson ramuyun. Kaa' makaulig Aku niayuk Riso am gumagaya' Aku ra ragu Nano.

RINALATAN 13:10

am indagu, “Okou no anak ru Tingganai ru riwato! Okou pantula' ru ngaangai' moonsoi. Mototop kou ra ruung malaat am manumbalik kou ra pangilaan motopot intor ra Tuhan!

RINALATAN 24:9

Ulun ru Jaudi pana ondo' soroi ra giu' i minaya' panguu' ri Paulus am nangiou ra ragu ri Tirtulus ti.

RINALATAN 5:3

Indagu i Pitrus riso, “Ananias, kua polosoo' mu Tingganai ru riwato mangkinibit rirun magabau ra Ambiluo ri Aki Kapuuno', ra inalap mu santayaran ra ruit ru tana' tinalan muli?

2 KORINTUS 11:3

Maimamang aku ramuyun ra maampon kinulau lair pampagagayaan min ri Kristus, mogondo' ri Awa, ondo' ra galing i rinuung ru kukuo ra maabau-abau i.

1 PITRUS 5:8

Tampos kano am pagilalai' min! Sabap ra Tingganai ru riwato, pantula' mino, mijajawot am mansangal' koson ra singa' maguyum ra osoi ayuk mapatoi nano.

2 PITRUS 2:4

Malaikat-malaikat ondo' nambaal ra tula no pana kalo pinoloso ri Aki Kapuuno', kaa' inukuman No, am pinatiran ra naraka. Binangkil ilo ra intok molondom suku' Orou Pangakiman.

1 JUANIS 1:8

Amon ru mindagu takau ra kolondo' tula takau, ragu ragitio abau ayuk, am kolondo' katapatan soroi ra guang takau.

1 JUANIS 2:21

Tulisin ku gitio ramuyun sala' ka kalo nakaulig kau ra pangilaan motopot ri Aki Kapuuno', kaa' nauligan min noyo am kolondo' abau ra pangilaan ri Aki Kapuuno' ondo' motopot no.

1 JUANIS 2:4

Ulun ondo' mindagu, “Nakaulig aku ri Aki Kapuuno',” kaa' kalo gumagaya' io ra susuban ri Aki Kapuuno', magabau io ayuk am kolondo' katapatan soroi ra guang nano.

1 JUANIS 3:12

Pai' takau tiluo' paliso ri Kain. Nakaaya' io ra Tingganai ru riwato am namatoi io ra boborok nano galama' ondo' ininggalanan ri Abil. Kua potoyo' ri Kain boborok nali? Sabap ra ondo' binaal nali kalo motopot kaa' ondo' binaal ru boborok nali motopot.

1 JUANIS 3:15

Osoi ayuk masisang ra rondo' am bokon, io no sangulun mamamatoi. Am maaru' kaayagan mantilayun kalo sumoroi ra sangulun mamamatoi.

JUDAS 1:6

Karaa' min niayuk ati kulaan sauk ru malaikat-malaikat ondo' nanguang ra kinaikang ru kuasa' ondo' tinaakan noyo risilo, saboi nangiruan boo ra inayanan nilo. Rinantai ilo ri Aki Kapuuno' ra mantilayun giu' ra intok molondom ra ragana' ru tana' ti. Giu' noyo nangaputan risilo suku' ra Pangukuman Maayo ra tauli no.

PINAINTALANG 12:9

Ginio nai ra tambuakal maayo no pinatiran ra liwar! Io ti kukuo intor ra galing i ondo' ininggalanan ra “Tingganai ru riwato”, kapoam “Ambiluo Malaat”, ondo' nampakalayau ra ngaangai' ulun ru tana' ti. Pinatiran io ra tana' ti nabaya' ra ngaangai' malaikat nano.

PINAINTALANG 13:14

Ngaangai' ulun ra tana' ti ruungon no mansail ra kaimuagan ondo' iniou mabaal no ra saang ru bibiag masigo kasaa' no. Ilo ngaangai' ti susubon no mambaal ra sinungkalalaing koson sumamba ra bibiag masigo ondo' napilatan noyo ra ilang, kaa' lakat poyo maayag.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.

PINAINTALANG 9:11

Ilo ti mokoondo' ra sangulun raja' ondo' mamarinta risilo, am raja' ti noyo malaikat ondo' makakunsi' ra intok ru ulun namagatoi. Inggalan nati ralalom ragu ru Ibrani iono Abadon, am ralalom ragu ru Junani iono Apolion (ondo' arati' no “i Mampalunsai”).