JUANIS 8:43 - Tanou Moonsoi Timugon

⁴³ Kua pai' kau pakarati' ra kon Kutu? Sabap ra kalo tumaan kau mangkirongog ra pangilaan Kuno.

JUANIS 8:43 ပူးပေါင်းရင်းမြစ်များ

AMSAL 28:5

Ulun malaat kalo makaulig ra katimpakan; ulun ondo' sumamba ra Tuhan, io no makarati' toojo.

JISAYA 44:18

Ulun koson raginio sasambungon toojo. Kumorom ilo am siliin nilo guang saboi kolondo' atan-atan pangaratian nilo.

JISAYA 6:9

Io pana nanusub raki' mampasaboi ra tanou ti ra ulun, “Rayusi' min mangkirongog, kaa' kalo makarati'. Rayusi' min mampaguang, kaa kalo mapandayan min atan kasaukan.”

JIRIMIA 6:10

Taam aku, “Osoi kia rumongog amon ru pakaraan ku ilo? Mokotog guang nilo am marara' rumongog ra tanou Muno; kuritin nilo tanou Muno ondo' pinasaboi kuno.

GOSIA 14:9

Ulun ru Israil mamatir ra ngaangai' sinungkalalaing; iowon Ku pakiasian nilo am magalung risilo. Koson ra puun tataun sumansam ayuk sindungin Ku ilo; Aku noyo puun ru ngaangai' barakat nilo.”

MIKA 4:12

Kaa' bansa'-bansa' no kalo makapandai ra atan inatangan ru Tuhan. Kalo malimanan nilo ra ilo pinatimung koson ukumin, nogondo' koson ra gandum umungon koson agikon.

MATIUS 13:15

Sabap ra pangkaraan nilono kalo kinalarom, sinilong nilo talingo nilono, am koromo' nilo mato nilono. Sabap ra amon ru kalo, makakito mato nilono, mokorongog talingo nilono am pangkaraan nilono malarom am sumaguli' ilo Raki', am mamabas Aku risilo,’ kon ri Aki Kapuuno'.

JUANIS 5:25

Balain takamin toojo: Paat no masuku', am sotopot no nasuku' noyo, ra ulun minatoi pana makapangkirongog ra bolos ru Anak ri Aki Kapuuno', am osoi ayuk mangkirongog am gumagaya', maayag io.

JUANIS 5:43

Aku minatong nabaya' ra kuasa' ru Ama' Kuno, kaa' kalo inapu min Aku. Kaa' amon ru mokoondo' poyo ulun ra bokon matong ramuyun mabaya' ra kuasa' nano galama', io apuon min.

JUANIS 6:60

Korongog nilo ragu ri Jisus ni, masuang intor ra maamaya' Nano minindagu, “Mapagon toojo pangilaan ti. Osoi tumaan mangkirongog raginio?”

JUANIS 7:17

Osoi ayuk masaga' mambaal ra kasagaan ri Aki Kapuuno', makatutun io ati intor ru pangilaan Kutu; intor kia ri Aki Kapuuno' kapoam intor Raki' galama' ayuk.

JUANIS 8:27

Kaa' kalo nakarati' ilo ra i Ama' kon ri Jisus ni.

JUANIS 8:33

Taam ilo, “Akai papag ri Abragam, kalo igondo' akai kasauk ra ulipon ru osoi ayuk pana! Atan kon Muno ra, ‘Palabuson kau’?”

JUANIS 8:39

Taam ilo Riso, “I Abragam noyo ama' mai.” Kaa' indagu i Jisus, “Amon ru totopot akau papag ri Abragam, maaru' baalon min ondo' binaal ri Abragam i.

RINALATAN 7:51

Mapara' boo kotog ru guang min! Mapara' pagon mino mangkirongog ra bala' ri Aki Kapuuno'! Nogondo' kau ra kinamatuaan mini, masalok manggal kau ra Ambiluo ri Aki Kapuuno'!

ROMA 3:11

kolondo' ra sangulun pana makarati' ra atan ondo' motopot am sumamba ri Aki Kapuuno'.