JUANIS 8:41 - Tanou Moonsoi Timugon

⁴¹ Akau mambaal niayuk ra atan ondo' baalon ru ama' min.” Taam ilo, “Pai' ru anak sawa' akai! Rondo' ayuk Ama' mai, i Aki Kapuuno' galama'.”

JUANIS 8:41 ပူးပေါင်းရင်းမြစ်များ

JISAYA 64:8

Kaa' Okou noyo Ama' mai iou Tuhan. Akai ti koson ra tana' bandulan, am Okou koson ra ulun manukang ra paliuk. Okou noyo namangun ramon.

JUANIS 8:44

Tingganai ru riwato no ama' min am maayo guang min gumagaya' ra kasagaan nano. Naintaran ra galing i, mamamatoi io ayuk am kalo igondo' giminagaya' ra katapatan, sabap ra kolondo' katapatan riso. Paat ra io magabau, maya' io ayuk ra paliso nano, sabap ra io no maabau-abau, am puun io ru ngaangai' abau.

JUANIS 8:38

Aku mambala' ra atan ayuk pinatalang Raki' ru Ama' Kuno; kaa' akau mambaal ra atan ayuk pinabala' ru ama' min ramuyun.”

JISAYA 63:16

Okou noyo Ama' mai. Kinamatuaan maili i Abragam am i Jakub kalo makaulig ramon, kaa' Okou noyo Ama' mai, iou Tuhan! Okou Mamamayag ramon intor poyo ra galing i.

MALIAKI 2:11

Mamagun ru Jiuda minanggal ra bantu' nilo ri Aki Kapuuno' am niayuk nambaal ra baal-baal ondo' makalalaa' giu' ra Jirusalim am giu' ra titikop pagun. Jinamalan nilo noyo Baloi ru Tuhan ondo' tagamin ru Tuhan. Ungkuyon nagandu' noyo ra ruandu' ondo' siminamba ra dewa-dewa ru bansa' ra bokon.

MALIAKI 1:6

Mindagu Tuhan Ondo' Maayo Kaga' Kuasa' ra imam-imam, “Sangulun anak mangurumat ra ama' nano am sangulun ulipon mangurumat ra tuan nano. Aku ama' min, kaa' kua kalo mangurumat kau Raki'? Aku tuan min, kaa' kua kalo malaa' kau Raki'? Magasab kau Raki', kaa' mangkuot kau, ‘Atan koson akai nagasab Rirun?’

JIRIMIA 31:20

Okou Israil, okou anak togom Kuno, anak katagaman toojo, uyayaan Kuno. Moonong Aku mompololob rirun, karaan Tokou mabaya' ra ondom. Tagamin Tokou; makaasi' Aku.

JIRIMIA 3:19

Indagu Tuhan, “Israil, moogot Aku mangapu rirun koson ra anak Kuno, am mangani' rirun ra pagun ondo' makabansuk ra guang, pagun ondo' moonsoi kaga' ra titikop ru tana'. Moogot Aku rirun mampiau Raki' ‘Ama' kuno’, am kalo noyo boo tumalikur intor Raki'.

SAGULION 32:6

Koson raginio kia ralan pamakuan min ra Tuhan, akau ngai' ulun sasambungon, am kolondo' pangkaraan? Io noyo Ama' min, Namangun ramuyun, Io noyo napasauk ramuyun ra rondo' bansa'.

SAGULION 14:1

“Akau noyo ulun ru Tuhan i Aki Kapuuno' min. Ginio ra paat akau mangulir ra ulun ondo' minatoi noyo, pai' pilato' inan kapoam sukuro' abuk ra tampilon ra saang ru ulu min, koson ondo' baalon ru bansa' ra bokon.

KAINGKUALAN 4:22

Indagu ra raja' no ra Aku Tuhan mindagu koson ragitio, ‘Israil noyo anak katuaan Kuno.

GOSIA 1:2

Paat ra Tuhan mindagu ra Israil ra kainsaa' ondo' pinabala' galing ri Gosia, indagu Io, “Anduo' sangulun ruandu' ondo' masaga' mantalan ra inan; am anak-anak muno niayuk masauk koson riso. Ulun Kuno mogondo' ra andu' muno; kalo gumagaya' ilo Raki' am nangiruan noyo Raki'.”

1 JUANIS 3:12

Pai' takau tiluo' paliso ri Kain. Nakaaya' io ra Tingganai ru riwato am namatoi io ra boborok nano galama' ondo' ininggalanan ri Abil. Kua potoyo' ri Kain boborok nali? Sabap ra ondo' binaal nali kalo motopot kaa' ondo' binaal ru boborok nali motopot.