JUANIS 8:40 - Tanou Moonsoi Timugon

⁴⁰ Nampasaboi Aku ramuyun ra katapatan ondo' noowot Kuno intor ri Aki Kapuuno', kaa' gumogot kau mamatoi Raki'. I Abragam kalo igondo' pambaal koson raginio!

JUANIS 8:40 ပူးပေါင်းရင်းမြစ်များ

MAZMUR 37:12

Ulun malaat maguguum tumula' ra ulun moonsoi am masisang magilong risilo.

MAZMUR 37:32

Ulun malaat mongoror ra ulun moonsoi am maguyum ilo ra kaayatan koson mamatoi risilo;

JUANIS 7:1

Kopongo ragili, ongoi i Jisus ra ati ayuk intok ra libung ru Galilia. Marara' Io mongoi ra Judia sabap ra tingganai ru Jaudi ra giu' i gumogot mamatoi Riso.

JUANIS 8:26

Masuang baal mino ondo' akimin Kuno. Kaa' Io ondo' nanusub Raki' i motopot, am mambala' Aku ra ulun ru tana' ti maya' ra atan ondo' morongog Kuno intor Riso.”

JUANIS 8:56

Kinamatuaan min i Abragam, naansayan ra makakito ra ratangan Kuno. Nakakito io noyo am naansukan io.”

ROMA 4:12

I Abragam niayuk koson ra ama' ru ngaangai' ulun sinunatan, sala' ka ra sunat nilo ayuk, kaa' niayuk ra pangintapatan nilai ti mogondo' ra pangintapatan ri Abragam ra io kalo poyo sinunatan.

GALATIA 4:16

Kaa' raino aku ti pantula' min kia sabap ra nambala' ramuyun ra atan ondo' motopot ti?

GALATIA 4:29

Koson niayuk paat ragili ra io ondo' inanak sumugut ra kasagaan ayuk ru ulun nangimbolo' ra io ondo' inanak sumugut ra nabantuan ru Ambiluo ri Aki Kapuuno', nogondo' niayuk boo ra raino ti.

PINAINTALANG 12:17

Tambuakal no siminangit kaga' ra ruandu' no, saboi ongoyo' no tulaa' papag ra bokon intor ra ruandu' no; ioginio ngaangai' ulun ondo' gumagaya' ra panusuban ri Aki Kapuuno' am ondo' mangani' ra kaintutunan intor ri Jisus.

PINAINTALANG 12:4

Sampitalu ru butitin ra limbowon no angkuyuron ru iku' nano am papatiron no ra tana' ti. Tambuakal no minigor ra saang ru ruandu' ondo' matipaganak no koson maginaa monolon ra anak no ra io anakon.