JUANIS 8:39 - Tanou Moonsoi Timugon

³⁹ Taam ilo Riso, “I Abragam noyo ama' mai.” Kaa' indagu i Jisus, “Amon ru totopot akau papag ri Abragam, maaru' baalon min ondo' binaal ri Abragam i.

JUANIS 8:39 ပူးပေါင်းရင်းမြစ်များ

MATIUS 3:9

Pai' karaa' ra akau ti kalo ukumin ru Tuhan sabap ra mindagu kau, ‘Akai ti papag ri Abragam.’ Balain takamin: I Aki Kapuuno' makakuasa' mambaal ra batu-batu ti masauk ra ulun papag ri Abragam!

MATIUS 5:45

maa' raginio masauk kau ra anak ru Ama' min giu' ra suruga'. Sabap ra pinoloso ri Aki Kapuuno' mato ru orou Nano sumirang ra ngaangai' ulun ondo' moonsoi am malaat. Io niayuk mampatuun ra rasam no ra ngaangai' ulun, ondo' mambaal ra moonsoi am niayuk ondo' mambaal ra malaat.

JUANIS 8:33

Taam ilo, “Akai papag ri Abragam, kalo igondo' akai kasauk ra ulipon ru osoi ayuk pana! Atan kon Muno ra, ‘Palabuson kau’?”

JUANIS 8:37

Makapandai Aku no ra papag kau ri Abragam. Kaa' gumogot kau niayuk mamatoi Raki', sabap ra kalo apuon min pangilaan Kuno.

JUANIS 8:43

Kua pai' kau pakarati' ra kon Kutu? Sabap ra kalo tumaan kau mangkirongog ra pangilaan Kuno.

JUANIS 8:56

Kinamatuaan min i Abragam, naansayan ra makakito ra ratangan Kuno. Nakakito io noyo am naansukan io.”

ROMA 4:12

I Abragam niayuk koson ra ama' ru ngaangai' ulun sinunatan, sala' ka ra sunat nilo ayuk, kaa' niayuk ra pangintapatan nilai ti mogondo' ra pangintapatan ri Abragam ra io kalo poyo sinunatan.

ROMA 4:16

Bantu' no inimpuun ra pangintapatan ru ulun ri Aki Kapuuno', maa' raginio bantu' no aruon koson ra taak intor ri Aki Kapuuno' ra ngaangai' papag ri Abragam. Sala' ka ayuk risilo ondo' gumagaya' ra Ukum ri Musa, kaa' niayuk risilo ondo' mangintopot ri Aki Kapuuno' mogondo' ri Abragam ragili. Sabap ra i Abragam koson ra ama' ru itakau ngaangai'.

ROMA 9:7

am sala' ka ngaangai' papag ri Abragam no anak ri Aki Kapuuno'. Sabap ra kon ri Aki Kapuuno' ri Abragam, “Ondo' papag ri Isak ayuk sabiton ra papag muno.”

GALATIA 3:29

Kaa' amon ru longgom kau noyo ri Kristus, papag kau ri Abragam, am niayuk makaapu kau ra atan ondo' binantu' ri Aki Kapuuno'.

GALATIA 3:7

Intor raginio totopot akau makatutun noyo ra ulun ondo' masauk ra papag toojo ri Abragam no, ioginio ilo ondo' mangintopot ri Aki Kapuuno'.