Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JUANIS 8:37 - Tanou Moonsoi Timugon

37 Makapandai Aku no ra papag kau ri Abragam. Kaa' gumogot kau niayuk mamatoi Raki', sabap ra kalo apuon min pangilaan Kuno.

အခန်းကိုကြည့်ပါ။ ကော်ပီ




JUANIS 8:37
22 ပူးပေါင်းရင်းမြစ်များ  

Sabap ra pangkaraan nilono kalo kinalarom, sinilong nilo talingo nilono, am koromo' nilo mato nilono. Sabap ra amon ru kalo, makakito mato nilono, mokorongog talingo nilono am pangkaraan nilono malarom am sumaguli' ilo Raki', am mamabas Aku risilo,’ kon ri Aki Kapuuno'.


Pai' karaa' ra akau ti kalo ukumin ru Tuhan sabap ra mindagu kau, ‘Akai ti papag ri Abragam.’ Balain takamin: I Aki Kapuuno' makakuasa' mambaal ra batu-batu ti masauk ra ulun papag ri Abragam!


Sabap raginio, tingganai ru ulun ru Jaudi no nanganam ra batu koson momobol ri Jisus.


Intor orou ragili niayuk tingganai ru ulun ru Jaudi nampapakat mamatoi ri Jisus.


Ati kulaan kau makapangintopot Raki', amon ru makiompor kau ayuk ra ulun am kalo makiompor kau ri Aki Kapuuno' ondo' rondo' ayuk.


Kopongo ragili, ongoi i Jisus ra ati ayuk intok ra libung ru Galilia. Marara' Io mongoi ra Judia sabap ra tingganai ru Jaudi ra giu' i gumogot mamatoi Riso.


Sala' ka kia i Musa nangani' ramuyun ra Ukum no? Kaa' kolondo' sangulun pana intor ramuyun no gumagaya' toojo ra Ukum no. Kua gogot kau mamatoi Raki'?”


Mokoondo' kukula' ngaulun mamagun Jirusalim mindagu ra, “Sala' ka kia Io ti ondo' uyumon ru tingganai takano ra potoyon?


Taam ilo, “Akai papag ri Abragam, kalo igondo' akai kasauk ra ulipon ru osoi ayuk pana! Atan kon Muno ra, ‘Palabuson kau’?”


Kua pai' kau pakarati' ra kon Kutu? Sabap ra kalo tumaan kau mangkirongog ra pangilaan Kuno.


Kinamatuaan min i Abragam, naansayan ra makakito ra ratangan Kuno. Nakakito io noyo am naansukan io.”


Ginio ra anam ulun-ulun ru Jaudi ra batu pomobol ri Jisus, kaa' nansibuni Io am nangiruan ra Baloi Tuhan i.


Nangkuot ilo koson raginio sabap ra masaga' ilo mangkinam Riso, koson makapanguu' ilo boo Riso. Kaa' kuung i Jisus am tulisi' no tana' i ra kalindu' Nali.


Pabukat kau ngaangai', papag ri Abragam am niayuk ngaangai' sala' ka Jaudi ondo' sumamba ri Aki Kapuuno'; itakau no napasabayan ra Tanou pamayagan no.


am sala' ka ngaangai' papag ri Abragam no anak ri Aki Kapuuno'. Sabap ra kon ri Aki Kapuuno' ri Abragam, “Ondo' papag ri Isak ayuk sabiton ra papag muno.”


Ulun ondo' kalo nokoowot ra Ambiluo ri Aki Kapuuno', io kalo makaapu ra taak intor ra Ambiluo no. Totopot kalo makarati' io ra taak no. Pangkaraan no, ginio sasambungon ayuk. Sabap ra kalo makarati' io amon ru kalo indanganon ru Ambiluo ri Aki Kapuuno' no.


Anak kau ngaangai', tulisin takamin sabap ra nakaulig kau ri Ama', io no i Aki Kapuuno'. Ama' kau ngaangai', tulisin takamin sabap ra nakaulig kau noyo ri Aki Kapuuno' ondo' soroi intor ra talimpuun i. Kamulakan kau ngaangai', tulisin takamin sabap ra akau maikang. Ragu ri Aki Kapuuno' soroi ra ralalom ru guang mino. Am naanggal min noyo Tingganai ru riwato.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ