JUANIS 8:34 - Tanou Moonsoi Timugon

³⁴ Taam i Jisus, “Balain takamin toojo: Moonong ulun ondo' mambaal ra tula, uliponon io ru tula.

JUANIS 8:34 ပူးပေါင်းရင်းမြစ်များ

1 RAJA'-RAJA' 21:25

Kolondo' osoi pana ondo' igondo' nambaal ra malaat ra pagilangan ru Tuhan nakasail intor ra Raja' Agab – ngaangai' ru kalaatan no binaal sabap ra nasusuk ru andu' nano i Ijibil.

AMSAL 5:22

Tula ru ulun malaat koson ayuk ra landak ondo' mampajaling riso galama'.

MATIUS 5:18

Karaa' min! Buoi ru limbowon am tana' ti lakat ayuk poyo soroi kolondo' rondo' pana ralalom ru Ukum ri Musa ti pusoon amon ru ngaangai' no kalo poyo nasauk.

JUANIS 3:3

Taam i Jisus, “Balain tokou toojo: Kolondo' sangulun pana masauk ra ulun ri Aki Kapuuno' amon ru kalo anakon io saguli'.”

RINALATAN 8:23

Sabap ra nakapandai aku ra guang muno mapanu' ra solon am lakat kou ayuk poyo kinuasa' ru tula.”

ROMA 6:12

Intor raginio, pai' noyo polosoo' tula manguasa' ra kaayagan mino ondo' mapuso, maa' raginio kalo boo mampagagaya' kau ra kinibit ru guang malaat.

ROMA 6:16

Maaru' mapandayan min amon ru polosoon noyo kaayagan min kuasaan ru sasangulun koson mampagagaya' ra susuban nano, akau noyo ulipon ru ulun no – iou pana ulipon ru tula ondo' magibit ra kapatayan, kapoam ulipon ondo' gumagaya' ra kasagaan ri Aki Kapuuno' ondo' mopobonsoi ramuyun Riso.

ROMA 6:6

Mapandayan takano ra kiralan ru kaayagan lair takau pinuso noyo paat ri Kristus pinatoi giu' ra salip, koson kuasa' ru paliso takau ondo' makatula no pusoon. Maa' raginio, kalo boo uliponon takau ru tula.

ROMA 7:14

Makapandai takau noyo ra Ukum ri Musa no intor ra Ambiluo ri Aki Kapuuno', kaa' aku ti ulun ayuk ondo' inulipon ru tula.

ROMA 8:21

ra tauli no ngaangai' ondo' pinasauk ri Aki Kapuuno' palabuson intor ra kuasa' ondo' mamuso am palabuson am katulayon mababaya' ra anak-anak ri Aki Kapuuno'.

IPISUS 2:2

Paat ragili minaya' kau ayuk ra paliso malaat ru ulun ru tana' ti. Giminagaya' kau ra tingganai ru mangunguasa' ra limbowon, am raino pana manguasa' ra ulun ondo' minanggal ri Aki Kapuuno'.

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

2 PITRUS 2:19

Ulun-ulun migigiangku ra mangingila' no mambantu' ra ulun-ulun no ra ralan kalabusan, kaa' ilo galama' inulipon noyo ru kinibit malaat ondo' mamuso risilo ra tauli no. Sabap ra osoi ayuk kuasaan ru atan ayuk pana kalaatan, ulipon io niayuk ru ginio.