JUANIS 8:33 - Tanou Moonsoi Timugon

³³ Taam ilo, “Akai papag ri Abragam, kalo igondo' akai kasauk ra ulipon ru osoi ayuk pana! Atan kon Muno ra, ‘Palabuson kau’?”

JUANIS 8:33 ပူးပေါင်းရင်းမြစ်များ

KASAUKAN 15:13

Indagu Tuhan riso, “Papag muno masauk ra ulun bansa' ra bokon giu' ra pagun ra bokon. Masauk ilo ra ulipon ra giu' no am uliponon ilo buoi apat ngaatus ngambilor.

IJRA 9:9

Kalo nangiruan Kou ramon paat ra akai lakat poyo ra pangulipanan. Binaal Mu raja' ru Pirsia naansayan am nangiou ramon maayag am niayuk nambaal saguli' ra Baloi Muno ondo' nalunsai no. Nangani' Kou ramon ra sindungan giu' ra Jiuda am giu' ra Jirusalim.

IMAMAT 25:42

Ulun Israil iono ulipon ru Tuhan am nagibit Io noyo risilo miningkual intor ra Misir; ginio sabap boo ra kalo matalan ilo koson ra inulipon.

MATIUS 3:9

Pai' karaa' ra akau ti kalo ukumin ru Tuhan sabap ra mindagu kau, ‘Akai ti papag ri Abragam.’ Balain takamin: I Aki Kapuuno' makakuasa' mambaal ra batu-batu ti masauk ra ulun papag ri Abragam!

LUKAS 3:8

Pakitono' min noyo paliso am baal mino ra nakatalikur kano intor ra tula mino! Pai' kau indagu ra rondo' am bokon ra kinamatuaan mini am i Abragam. Karaa' min! Intor ra batu-batu ti pana maangun ri Aki Kapuuno' ra papag ri Abragam!

JUANIS 19:25

Mamaar ra salip ri Jisus i minigor ina' Nano, pinongkotob ru ina' Nano, i Maria andu' ri Klopas am niayuk i Maria Magdalina.

JUANIS 8:37

Makapandai Aku no ra papag kau ri Abragam. Kaa' gumogot kau niayuk mamatoi Raki', sabap ra kalo apuon min pangilaan Kuno.

JUANIS 8:39

Taam ilo Riso, “I Abragam noyo ama' mai.” Kaa' indagu i Jisus, “Amon ru totopot akau papag ri Abragam, maaru' baalon min ondo' binaal ri Abragam i.

JUANIS 8:43

Kua pai' kau pakarati' ra kon Kutu? Sabap ra kalo tumaan kau mangkirongog ra pangilaan Kuno.

ROMA 9:7

am sala' ka ngaangai' papag ri Abragam no anak ri Aki Kapuuno'. Sabap ra kon ri Aki Kapuuno' ri Abragam, “Ondo' papag ri Isak ayuk sabiton ra papag muno.”

TINGGANAI RU BANSA' 2:18

Paat ra Tuhan manaak risilo ra sangulun tingganai, mangindangan Tuhan ra tingganai no am mamayag risilo intor ra pantula' buoi ru tingganai no maayag. Makaasi' Tuhan risilo paat ra ilo maguros sabap inimbolo' am inulipon.

TINGGANAI RU BANSA' 3:8

Ginio ra siminangit kaga' Tuhan risilo, am nopoloso ra Raja' Kusian-Risyataim intor ra Misopotamia nangala risilo. Kinuasa' ilo ru raja' no saboi balu' ngambilor.

TINGGANAI RU BANSA' 4:3

Raja' Jabin mokoondo' ra siam ngaatus kurita' kuda intor ra basi'. Namarinta io ra ulun ru Israil ra malaat am mamatoi buoi ruo ngoopor ngambilor. Ulun ru Israil pana nampiau boo nakiindangan ra Tuhan.