JUANIS 8:29 - Tanou Moonsoi Timugon

²⁹ Io ondo' nanusub Raki' i masalok mabaya' Raki'; kalo pinaluur No Aku, sabap ra masalok Aku sumugut ra kasagaan Nano.”

JUANIS 8:29 ပူးပေါင်းရင်းမြစ်များ

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 42:21

Masalok Tuhan masaga' mamayag; masaga' Io ra ukuman Nano urumaton am tulayon.

JISAYA 42:6

“Aku, Tuhan nampiau rirun am manaak rirun ra kandoi koson mapaugar ra katimpakan ra tana'. Pinabala' galing Rirun ra Aku mambaal ra nabantuan ra ngaangai' ulun; pinabala' galing rirun ra Aku mampasinda ra bansa'-bansa'.

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MATIUS 3:15

Kaa' taam i Jisus, “Polosoon ayuk ra raino ti, sabap ra koson ragitio ito sumugut ra kasagaan ri Aki Kapuuno'.” I Juanis pana nangiou.

MATIUS 3:17

Maining boo bolos intor ra limbowon minindagu, “Gitio noyo Anak Kutu ondo' tagamin Kuno. Maansayan Aku Riso.”

JUANIS 14:31

Kaa' suguton Ku ngaangai' nanusuban ri Ama', maa' raginio ulun ru tana' ti makapandai ra motogom Aku ri Ama'. Ibok am iruani' takano intok ti.”

JUANIS 15:10

Amon ru gumagaya' kau ra panusuban Kuno, rumondon kau ra togom Kuno. Ginio mogondo' ra Aku gumagaya' ra panusuban ri Ama', am rumondon Aku ra togom Nano.

JUANIS 16:32

Paat no masuku', am sotopot no nasuku' noyo, ra akau pantutuliaron am muli' ra intok min sigagama'. Tatangon min Aku misasangulun. Kabalu' pana koson raginio, kalo misasangulun Aku sabap ra i Ama' mabaya' Raki'.

JUANIS 17:4

Pinatulai Tokou noyo ra saang ru ulun ru tana' ti, ioginio nopongo Ku noyo kandoi ondo' pinalansan Mutu Raki'.

JUANIS 4:34

Indagu i Jisus, “Akanon Kuno gumagaya' ra kasagaan ru Io ondo' nanusub Raki' am momongo ra kandoi ondo' pinataak Nano Raki'.

JUANIS 5:30

“Kalo makapambaal Aku ra atan ayuk pana maya' ra kuasa' Kuno galama'. Kaa' mangakim Aku ra ulun sumugut ra nambalaan ri Ama' Raki'. Matimpok toojo pangakiman Kutu, sabap ra kalo maguyum Aku ra kasagaan galama', kaa' kasagaan Nali ondo' nanusub Raki' i ayuk.

JUANIS 6:38

Sabap ra Aku ti timinuun intor ra suruga' sala' ka mambaal ra kasagaan Kuno galama', kaa' mambaal ra kasagaan ru Io ondo' nanusub Raki'.

JUANIS 8:16

Kaa' amon ru mangakim Aku pana ra ulun, pangakiman Kuno motopot, sabap ra pai' ru Aku sangulun ayuk mangakim; kaa' i Ama' ondo' nanusub i, mabaya' Raki'.

2 TIMOTIUS 4:17

Kaa' Tuhan noyo ondo' nangampin raki' am nampaikang raki' saboi naalap ku mampabala' ra ngaangai' ru Tanou Moonsoi no, suku' maining boo ru ulun sala' ka Jaudi. Ginio ra pinalabus aku niayuk intor ra potoyon raan.

2 TIMOTIUS 4:22

Gama' ru Tuhan mabaya' rirun. Gama' ru i Aki Kapuuno' mambarakat ramuyun ngaangai'.

IBRANI 4:15

Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.

1 JUANIS 2:1

Pabukat kau ngaangai'! Tulisin takamin ragitio, maa' raginio kalo boo mambaal kau ra tula. Kaa' amon ru mokoondo' poyo mambaal ra tula, mokoondo' mangingindangan ritakau, ioginio i Jisus Kristus ondo' motopot. I Jisus Kristus mangindangan ritakau makiasi' ri Aki Kapuuno'.

1 JUANIS 3:22

Am atan ayuk kitaakon takau intor Riso makaapu takau, sabap ra gumagaya' takau ra susuban Nano am mambaal niayuk ra kaansukan ru guang Nano.