JUANIS 8:28 - Tanou Moonsoi Timugon

²⁸ Indagu i Jisus risilo, “Makainsawat min Anak ru Ulun no, bagu matutunan min ra ‘Aku noyo AKU’. Aku pana kalo boo makapambaal ra atan ayuk pana sumugut ra kasagaan Kuno galama', kaa' paraguon Kuno ayuk ondo' nangilaan ri Ama' Raki'.

JUANIS 8:28 ပူးပေါင်းရင်းမြစ်များ

KAINGKUALAN 3:14

Indagu i Aki Kapuuno' ri Musa, “Aku noyo AKU. Gitio noyo ondo' musiti' muno paraguon risilo, ‘Io ondo' nanabit ra Io noyo AKU nanusub noyo raki' mongoi ramuyun.’

MATIUS 24:5

Sabap ra masuang ulun matong sumalu Raki' am mindagu, ‘Aku noyo Mamamayag ondo' sinusub ri Aki Kapuuno'!’ Mamparuung ilo ra masuang ulun.

MARKUS 13:6

Masuang ulun matong am migiangku ra ‘Aku noyo Io!’ Ilo ti mamparuung ra masuang ulun.

LUKAS 21:8

Indagu i Jisus, “Ilalain koson kalo ruungon kau! Sabap ra masuang ulun matong am manabit ra inggalan Kutu, konilo, ‘Aku no Io!’ am, ‘Maar noyo masuku' paat nano!’ Kaa' pai' kau baya' risilo.

JUANIS 11:42

Nakapandai Aku ra masalok Kou mangkirongog ra pakiasian Kuno. Kaa' rinagu Ku kon raginio, koson giatilo ondo' soroi ragiti mangintopot ra Okou noyo nanusub Raki'.”

JUANIS 13:19

Balain takamin raino ra kalo poyo masugut baal ragitio, maa' raginio ra io masauk ra maagu no, mangintopot kau ra ‘Aku noyo AKU’.

JUANIS 16:10

Mampainono' Io ra Aku motopot, sabap ra mongoi Aku ri Ama' am kalo boo makito min Aku.

JUANIS 18:32

Gitio nasauk koson nasugut boo ragu ri Jisus ra ati kulaan patayan Nano.)

JUANIS 19:18

Giu' i noyo nanalipan nilo Riso. Mokoondo' ruo ngaulun poyo sinalip nabaya' Riso; sangulun tampilon ra kait am sangulun tampilon ra pamiris, am pinaayan-tanga' Io risilo.

JUANIS 3:11

Balain tokou toojo: Akai ti mampaintutun ramuyun ra atan napandayan am nakito mai, kaa' marara' kau mangapu.

JUANIS 3:14

Koson kukuo gangsa' pinainsawat ra tataun ri nabi Musa giu' ra tana' kaagisan, nogondo' niayuk ra Anak ru Ulun musiti' painsawaton koson raginio.

JUANIS 4:26

Taam i Jisus, “Aku no kon muni, ondo' makimansunur rirun ti.”

JUANIS 5:19

Taam i Jisus risilo, “Balain takamin toojo: Kalo makapambaal Anak ra atan ayuk pana intor ra kuasa' Nano galama'. Atan ondo' makito Nano baalon ru Ama', ginio ayuk baalon Nano. Sabap ra ondo' baalon ru Ama', nogondo' niayuk ra baalon ru Anak.

JUANIS 5:30

“Kalo makapambaal Aku ra atan ayuk pana maya' ra kuasa' Kuno galama'. Kaa' mangakim Aku ra ulun sumugut ra nambalaan ri Ama' Raki'. Matimpok toojo pangakiman Kutu, sabap ra kalo maguyum Aku ra kasagaan galama', kaa' kasagaan Nali ondo' nanusub Raki' i ayuk.

JUANIS 6:38

Sabap ra Aku ti timinuun intor ra suruga' sala' ka mambaal ra kasagaan Kuno galama', kaa' mambaal ra kasagaan ru Io ondo' nanusub Raki'.

JUANIS 8:24

Ginio sabap ra Aku minindagu ramuyun ra matoi kau ayuk ra tula mino. Amon ru kalo mangintopot kau ra ‘Aku noyo AKU’, matoi kau ayuk mabaya' ra tula mino.”

JUANIS 8:27

Kaa' kalo nakarati' ilo ra i Ama' kon ri Jisus ni.

JUANIS 8:58

Kon ri Jisus, “Balain takamin toojo: Ra kalo poyo inanak i Abragam, ‘Soroi Aku no’.”

RINALATAN 2:41

Masuang ulun nangintopot ra rinagu ri Pitrus, am ilo pana riniu'. Suang ru ulun nangintopot ri Kristus paat ra orou raginio riminuang poyo ra talu ngaribu ngaulun.

RINALATAN 4:4

Kaa' masuang ulun ondo' nokorongog ra pambalaan ru rasul-rasul nangintopot ri Jisus. Suang nilo riminuang saboi olo'-olo' limo ngaribu ngaulun.

ROMA 1:4

kaa' maya' ra papag Nano ra suruga', nampakito i Aki Kapuuno' ra Io no Anak Nano, am ralalom ru kuasa' maayo binayag Io intor ra kapatayan.

SAGULION 18:18

Manusub Aku ra sangulun nabi risilo, nabi koson rirun, am intor ra bansa' nilo galama'. Mapasaboi Aku ra bala' Kuno riso, am io mapasaboi ra ngaangai' susuban Kuno ra ulun raginio.