JUANIS 8:20 - Tanou Moonsoi Timugon

²⁰ Ngaangai' ti rinagu ri Jisus paat ra Io nangila' giu' ra Baloi Tuhan, maar ra kaban papataakan no. Kaa' kolondo' sangulun pana namparakop Riso, sabap ra kalo poyo nasuku' orou Nano.

JUANIS 8:20 ပူးပေါင်းရင်းမြစ်များ

1 TUNUNG RU BANSA' ISRAIL 9:26

Kaapat-apat tingganai ru magalung no ulun ru Liwi, am ilo nangandoi ra nasisir. Ilo pinalansan manalingapu ra lamin-lamin giu' ra Baloi ru Tuhan am kuliamos ondo' binulian ra giu' no.

MATIUS 26:55

I Jisus pana indagu boo ra ulun masuang no, “Ulun malaat Aku kia saboi matong kau magibit ra ilang am lalamba' koson mamparakop Raki'? Moonong orou soroi Aku mangila' ra Baloi Tuhan am kalo rinakop min Aku!

MATIUS 27:6

Anamo' ru tingganai-tingganai imam Jaudi ruit no am indagu, “Ruit ragitio alig ru raraa'. Sumugut ra Ukum ri Musa ruit ragitio kalo moonsoi pasubolon ra ralalom kaban panimungan ra ruit ru Baloi Tuhan takau ti.”

MARKUS 12:41

Paat ri Jisus nanturung maar ra kaban panimungan ra ruit ru Baloi Tuhan i, tantangin No ngaangai' ulun ondo' mampasubol ra ruit nilo ra kaban no. Masuang ruit pasuangon ru ulun langkaya'.

MARKUS 12:43

Pampiau i Jisus ra maamaya' Nano am indagu boo risilo, “Balain takamin: Ondo' pinasuang ru napuor musikin ni mauli' toojo ka pasuangon ru ngaangai' ulun bokon no.

LUKAS 20:19

Mangingila' ra Ukum ri Musa am tingganai imam Jaudi no nangkinam mamulali' mamparakop ri Jisus, sabap ra natutunan nilo ra ilo galama' kon ru abig ni; kaa' nalaa' ilo ra ulun masuang.

LUKAS 21:1

Pampulolou i Jisus am kakito No ulun-ulun langkaya' mampasuang ra taak nilai ra kaban panimungan ra ruit giu' ra Baloi Tuhan.

JUANIS 10:39

Nangkinam ilo poyo pamparakop ri Jisus, kaa' kalo naalap nilo.

JUANIS 2:4

Taam i Jisus, “Ina', kua pantipagon kou Raki' raginio? Kalo poyo nasuku' orou Kuno.”

JUANIS 7:14

Naintanga' noyo pangiantakan i, subol boo i Jisus ra Baloi Tuhan am timinalimpuun mangila'.

JUANIS 7:30

Ginio ra nangkinam ilo pamparakop Riso, kaa' kolondo' sangulun pana makakau' mampaguut Riso, sabap ra kalo poyo nasuku' orou inaru' no.

JUANIS 7:44

Mokoondo' niayuk kukula' ngaulun masaga' mamparakop Riso, kaa' kolondo' sangulun pana nampaguut Riso.

JUANIS 7:8

Ongoi kano ra pangiantakan no, kaa' Aku kalo mokoongoi sabap ra kalo poyo nasuku' orou inaru' Raki'.”

JUANIS 8:2

Nokorondom ra suabon i, subol Io ra Baloi Tuhan am ulun masuang minatong Riso. Ginio ra panturung Io am tumalimpuun mangila' risilo.

JUANIS 8:59

Ginio ra anam ulun-ulun ru Jaudi ra batu pomobol ri Jisus, kaa' nansibuni Io am nangiruan ra Baloi Tuhan i.