JUANIS 8:17 - Tanou Moonsoi Timugon

¹⁷ Mokoondo' tinulisan ra Ukum ri Musa: Kaintutunan ru ruo ngaulun sasi' motopot.

JUANIS 8:17 ပူးပေါင်းရင်းမြစ်များ

1 RAJA'-RAJA' 21:10

Mopongo raginio susubo' ruo ngaulun malaat manturung mantaluma' ri Nabot am manguu' riso ra nagulas io ri Aki Kapuuno' am raja'. Mopongo raginio ibito' io mingkual ra bandar am bobolo' io saboi matoi.”

UNTABAN 35:30

Sasangulun ondo' inuwan ra mamatoi, iowon makasala am ukumin ra matoi, amon ru baal raginio mainono' ru ruo ngaulun kapoam nasailan sasi'. Inono' ru sangulun kalo maukop ra tayar ru baal pamatayan.

MATIUS 18:16

Kaa' amon ru kalo mangkirongog io rirun, pagibit no sangulun rangan kapoam ruo poyo. Sabap ra mokoondo' tinulisan ra Buuk Kitab: ‘Amon ru kalo rongogon kou, pagibit no ruo kapoam talu ngaulun sasi' mambala' riso.’

JUANIS 10:34

Indagu i Jisus risilo, “Kalo kia tinulisan noyo ra Ukum ri Musa, kon ri Aki Kapuuno', ‘Akau no tuhan’?

JUANIS 15:25

Maa' raginio masugut ondo' tinulisan ra Ukum nilo, ‘Masisang ilo Raki' kabalu' pana kolondo' sasaban.’

2 KORINTUS 13:1

Gitio noyo kaintalu ra aku mongoi ramuyun. Tinulisan noyo ra Buuk Kitab, “Atan ayuk panguwan, musiti' mokoondo' ruo kapoam talu ngaulun sasi'.”

GALATIA 3:24

Koson raginio noyo Ukum ri Musa nagalung ritakau saboi ra rinatangan ri Kristus, maa' raginio mobonsoi takau saguli' ri Aki Kapuuno' sabap ra pangintapatan takau ri Kristus.

GALATIA 4:21

Akau ondo' mirot toojo mampagagaya' ra Ukum ri Musa, masaga' aku mangkuot ramuyun: kalo kia norongog min atan ondo' rinagu ru Ukum ri Musa no?

SAGULION 17:6

Iowon ayuk sangulun bobolon saboi matoi amon ru mokoondo' ruo kapoam talu ngaulun sasi' ondo' mononsol riso, kaa' kalo iowon io bobolon amon mokoondo' sangulun ayuk sasi'.

SAGULION 19:15

“Sangulun sasi' kalo maukop koson mapainono' ra kasalaan ru sasangulun. Musiti' no mokoondo' ruo ngaulun sasi' koson mapainono' ra sasangulun no makatula.

IBRANI 10:28

Ra galing i, osoi ayuk kalo giminagaya' ra Ukum ri Musa am mokoondo' ruo kapoam talu ngaulun sasi' ra makasala io, ulun no pinatoi ra kalo asiin.

1 JUANIS 5:9

Mangintopot takau ra kaintutunan ru ulun, kaa' mulu' poyo toojo ra kaintutunan ri Aki Kapuuno'. Ginio noyo kaintutunan ri Aki Kapuuno' intor ra Anak Nano, i Jisus Kristus.

PINAINTALANG 11:3

Manusub Aku ra ruo ngaulun sasi' Kuno ondo' mambayang ra karung ra mangulir ilo, am ilo ti mampabala' ra tanou intor ri Aki Kapuuno' 1,260 ngoorou.”