16 Kaa' amon ru mangakim Aku pana ra ulun, pangakiman Kuno motopot, sabap ra pai' ru Aku sangulun ayuk mangakim; kaa' i Ama' ondo' nanusub i, mabaya' Raki'.
Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.
Paat no masuku', am sotopot no nasuku' noyo, ra akau pantutuliaron am muli' ra intok min sigagama'. Tatangon min Aku misasangulun. Kabalu' pana koson raginio, kalo misasangulun Aku sabap ra i Ama' mabaya' Raki'.
Sabap ra inaru' No noyo rondo' orou koson mangukum ra ngaangai' ulun ru tana' ti ra matanda'. Ginio saukon No ralalom ru sangulun ondo' inaru' noyo Riso, am gitio noyo tatandu' no ra ngaangai' ulun; Ulun no binayag saguli' ri Aki Kapuuno' intor ra kapatayan.”
Kakito ku boo suruga' no naukab am mokoondo' sanginan kuda mapulak. Ondo' nangura' no ininggalanan i Mampagagaya' am i Motopot. Matimpok Io ra mangukum am mangayou ra bokon.
Kaa' indagu Tuhan ri Samuil, “Pai' ilai' sawat ru inan nano kapoam kinaindon ru bulos nano; sala' ka io pinili' Kuno. Kalo magilong Aku ra ulun koson ra ulun magilong. Ulun magilong ra bulos kaa' Aku magilong ra guang.”