JUANIS 8:11 - Tanou Moonsoi Timugon

¹¹ Taam io, “Kolondo'.” Kon ri Jisus, “Aku pana kalo mangukum rirun. Raino, ugar no am pai' no boo pambaal ra tula.”]

JUANIS 8:11 ပူးပေါင်းရင်းမြစ်များ

AYUP 34:31

Ayup, nangiou kono kia ra kasalaan muno ri Aki Kapuuno'? Nabantu' kono kia kalo mambaal saguli' ra tula?

AMSAL 28:13

Osoi mangali' ra tula nano kolondo' ampos ru kaayagan nano. Osoi mangakun am mangiruan ra tula nano, tagamin ri Aki Kapuuno'.

JISAYA 55:6

Saguli' noyo ra Tuhan buoi ra maalap ayuk poyo; piawo' noyo Io buoi ra Io mamaar ayuk poyo.

LUKAS 13:3

Kalo! Balain takamin, amon ru kalo tumalikur kau intor ra tula mino, akau ngaangai' matoi koson risilo am pasubolon ra naraka.

LUKAS 13:5

Kalo! Balain takamin, amon ru kalo tumalikur kau intor ra tula mino, akau pana matoi koson risilo am pasubolon ra naraka.”

LUKAS 15:10

Balain takamin: Koson niayuk ra malaikat ri Aki Kapuuno' maansukan sabap ra sangulun makatula tumalikur intor ra tula nano.”

LUKAS 15:32

Kaa' musiti' takau munsag am pakaansuk, sabap ra boborok muno koson ra minatoi kaa' naayag io po saguli'; timinanggau io, kaa' raino siminaguli'.’ ”

LUKAS 15:7

Balain takamin: Koson niayuk giu' ra suruga' maansukan toojo sabap ra sangulun makatula tumalikur intor ra tula nano, intor ra siam ngoopor am siam ngaulun moonsoi ondo' kalo pana tumalikur intor ra tula.”

LUKAS 5:32

Aku minatong sala' ka mampiau ra ulun ondo' moonsoi rokokoon, kaa' ulun makatula koson tumalikur ilo intor ra tula.”

LUKAS 9:56

Ugar ilo boo ongoi ra pamagunan ra bokon.

JUANIS 18:36

Kon ri Jisus, “Pamarintaan Kuno sala' ka giti ra tana' ti. Amon ru giti ra tana' ti, maaru' maamaya' Kuno manggal, maa' raginio kalo pataakin Aku ra tingganai ru Jaudi no. Kaa' sotopot no pamarintaan Kuno sala' ka giti ra tana' ti.”

JUANIS 3:17

Sabap ra i Aki Kapuuno' nanusub ra Anak Nano mongoi ra tana' ti sala' ka mongoi pangakim ra ulun, kaa' mongoi pamayag risilo.

JUANIS 5:14

Kalo nabuoi ragili, tinuum io ri Jisus giu' ra Baloi Tuhan am ragui' no ulun i, “Napali' kou noyo raino. Pai' noyo boo inganganai' tula mutu, maa' raginio kalo matiu' kou ra baal makalalaa' poyo.”

JUANIS 8:15

Akau mangakim ra ulun sumugut ra pamaguangan ru ulun; Aku kalo mangakim ra osoi ayuk pana.

ROMA 2:4

Kapoam kalo lioon min i Aki Kapuuno' ondo' mataau kaga', maayo guang am mataan. Napandayan min noyo ra mataau i Aki Kapuuno' no ramuyun sabap ra masaga' Io ra tumalikur kau intor ra tula.

1 KORINTUS 5:12

Sala' ka aku ra kandoi mangakim ra ulun ondo' sala' ka Kristian. I Aki Kapuuno' galama' ondo' mangakim risilo. Kaa' sotopot no sala' kia ka akau no galama' mangakim ra ulun Kristian intor ra pasimpungan mino? Koson tinulisan ra Buuk Kitab, “Pasuayo' noyo ulun malaat intor ra pasimpungan mino.”

SAGULION 16:18

“Lantiko' noyo tingganai-tingganai ru bansa' am pagawai-pagawai ra bokon giu' ra moonong bandar ondo' pataakon ramuyun ru Tuhan i Aki Kapuuno' min. Ngaangai' ulun musiti' mangakim ra mamagun ra matimpok.

SAGULION 17:9

Giu' no, pabalaa' baal raginio ra imam ru bansa' ru Liwi, am ra akim ondo' mangandoi paat raginio. Polosoo' noyo ilo mangakim ra baal raginio.

2 PITRUS 3:15

Karaa' min noyo guang pantataan ru Tuhan no rondo' kaluagan ondo' tinaakan ramuyun ra makaalap kau ra pamayagan. Gitio niayuk suang ru surat ri Paulus, pabukat ondo' tagamin takali, ra io nanulis ramuyun maya' ra kapintaran ondo' tinaakan ri Aki Kapuuno' no riso.