JUANIS 7:39 - Tanou Moonsoi Timugon

³⁹ Kon Nano am Ambiluo ri Aki Kapuuno' ondo' pootoron ra osoi ayuk ondo' mangintopot Riso. Kaa' paat ragili Ambiluo ti kalo poyo pinaator sabap ra katulayan ri Jisus kalo poyo pinatalang.)

JUANIS 7:39 ပူးပေါင်းရင်းမြစ်များ

MAZMUR 68:18

Ralalom kaaparan ribu ru kurita' kuda Nano ra maayo, matong Tuhan intor ra Sinai mongoi ra intok ondo' matulai no.

AMSAL 1:23

Iningo' min aku mangila' ramuyun. Pinsanin takamin, am mantayar ramuyun ra katutunan kuno.

JISAYA 12:3

Ati poyo kulaan ra timug makabansuk ra ulun pinaason, ginio niayuk ra ulun ri Aki Kapuuno' maansukan sabap binayag ri Aki Kapuuno'.”

JISAYA 32:15

Kaa' igondo' poyo i Aki Kapuuno' matong ralalom kuasa' Nano. Tana' ra mapua' pana masauk malabung, am umo no mapaingkual ra ampos ondo' masuang.

JISAYA 44:3

“Pasasaron Ku timug ra tana' ondo' mapua', am patilison Ku sungoi-sungoi boborok ra intok mapua'. Pasasaron Ku Ambiluo Kuno ra anak-anak mino barakatin Ku papag mino.

JOIL 2:28

“Kopongo raginio pasasaron Ku Ambiluo Kuno ra ngaangai' ulun: anak ungkuyon am anak ruandu' min mampatanou ra tanou Kuno; ulun matutuo min maginupi, am ulun mamulok min makakito ra napakitanan.

MATIUS 16:14

Taam ilo, “Mokoondo' mindagu i Juanis Mampariu'. Mokoondo' niayuk mindagu nabi Ilia. Bokon poyo mindagu nabi Jirimia kapoam sangulun nabi ra bokon.”

MATIUS 21:11

Taam ulun-ulun siminunu' ri Jisus no, “Gitio noyo nabi Jisus, intor ra pekan Nasarit, libung ru Galilia.”

LUKAS 24:49

Aku galama' mangator ramuyun ondo' binantu' ri Ama' i. Kaa' musiti' kau maginaa galing ra bandar ragitio saboi mokoowot kau ra kuasa' ti intor ri Aki Kapuuno', bagu mongoi kau pampatanou.”

LUKAS 3:16

Kaa' indagu i Juanis risilo, “Aku ti mampariu' ramuyun ra timug ayuk, kaa' ra maagu no matong sangulun ondo' maayo kuasa' Nano intor raki'. Mamagus ra kasut Nano pana kalo maaya' aku. Mampariu' Io ramuyun ra Ambiluo ri Aki Kapuuno' am apui.

LUKAS 7:16

Ngaangai' ulun nalaa' tojojo am nongompor ri Aki Kapuuno'. Konilo, “Sangulun nabi ondo' makakuasa' minatong ra tatanga' takau! Minatong noyo i Aki Kapuuno' mongoi pamayag ra ulun Nati!”

JUANIS 1:21

Ginio ra pangkuot ilo, “Koson poyo ragino, osoi kou guat? Nabi Ilia kia?” Taam i Juanis, “Sala'.” Pangkuot ilo poyo, “Nabi binantu' i kia?” Taam io, “Sala'.”

JUANIS 1:25

Ginio ra pangkuot ilo ri Juanis, “Amon ru sala' ka okou Mamamayag ondo' sinusub ri Aki Kapuuno', kapoam i Ilia, kapoam Nabi binantu' i, kua pampariu' kou ra ulun?”

JUANIS 1:33

Ragili, kalo nakatutun aku osoi Io ti. Kaa' i Aki Kapuuno' ondo' nanusub raki' mampariu' ra timug no minindagu raki', kono, ‘Makito mu Ambiluo ri Aki Kapuuno' tumuun ra sangulun am sumoroi riso. Ulun raginio noyo ondo' mampariu' ramuyun ra Ambiluo ri Aki Kapuuno'.’

JUANIS 12:16

Mamaya' Nano kalo nakarati' kua baalo' no gini. Kaa' kalupus ayuk katulayan ri Jisus pinaintalang mansail ra pinatayan am linuatan Nano, kakara' nilo boo ragu ru Buuk Kitab ra ngaangai' ti binaal nilo Riso.

JUANIS 12:23

Indagu i Jisus risilo, “Nasuku' noyo orou ra Anak ru Ulun katulayon.

JUANIS 14:13

Ginio ra atan ayuk kitaakon min ralalom inggalan Kuno, baalon Ku. Maa' raginio i Aki Kapuuno' katulayon ralalom ru Anak Nano.

JUANIS 14:26

Kaa' Ambiluo ri Aki Kapuuno', Io no Mangingindangan ondo' susubon ri Ama' ralalom ru inggalan Kuno, Io noyo mangila' ramuyun ra ngaangai' no am mampakara' ramuyun ra ngaangai' ondo' rinagu Ku noyo.

JUANIS 16:14

Katulayon No Aku, sabap ra pabalaan Nano ramuyun ngaangai' ondo' norongog no intor Raki'.

JUANIS 16:7

Ondo' raguon Kutu ramuyun motopot: Moonsoi ra Aku mugar, amon ru kalo, Mangingindangan no kalo matong ramuyun. Kaa' amon ru mugar Aku, porotongon Ku boo Io ramuyun.

JUANIS 17:1

Kopongo i Jisus minindagu raginio, pantingaa' Io ra limbowon am indagu, “Ama', raino nasuku' noyo paat ra ondo' inaru' no. Katulayo' Anak Mutu, maa' raginio Anak mampatulai Rirun.

JUANIS 17:5

Ama', raino ti katulayo' Aku noyo, mogondo' ra katulayan Tali paat ra tana' ti kalo poyo biningkal.

JUANIS 20:22

Sampuyo' No boo ilo am indagu, “Apuo' noyo Ambiluo ri Aki Kapuuno'.

JUANIS 6:14

Kakito ayuk ru ulun masuang no kaimuagan sinauk ri Jisus i, konilo, “Totopot Io ti noyo nabi ondo' matong ra tana' ti!”

JUANIS 7:12

Ulun masuang i pana posokonos ayuk mansunur Riso. Mokoondo' mindagu ra, “Ulun moonsoi Io.” Mokoondo' poyo bokon mindagu, “Kalo! Mampakalayau Io ra ulun.”

JUANIS 8:54

Taam i Jisus, “Amon ru makiompor Aku, ginio kolondo' onong. Ondo' mongompor Raki', am i Ama' Kuno. Io noyo iowon min ra i Aki Kapuuno' mino.

RINALATAN 19:2

Pangkuot io risilo, “Paat ra akau nangintopot ri Jisus, mokoondo' kia noowot min ra Ambiluo ri Aki Kapuuno'?” Taam ilo, “Kalo igondo' naining mai koson ra mokoondo' Ambiluo ri Aki Kapuuno'.”

RINALATAN 2:17

Kon ri Aki Kapuuno', ‘Paat ra orou pupus pataakon Ku Ambiluo Kuno ra ngaangai' ulun. Ginio ra anak ungkuyon am ruandu' mino mampasaboi ra bala' intor Raki'; Tuu'-bagu mino makakito ra baal ondo' pakitonon Kuno risilo, am matutuo mino maginupi ra baal ondo' paintalangon Kuno risilo.

RINALATAN 2:33

Kinayang Io mongoi ra intok makakuasa' ra tampilon pamiris ri Aki Kapuuno' am niayuk nakaapu ra Ambiluo ri Aki Kapuuno' ondo' binantu' ri Ama'. Ondo' makito am morongog min raino ti am Ambiluo no ondo' pinataak ri Jisus ramon.

RINALATAN 2:38

Taam i Pitrus, “Talikur kau ngai' intor ra tula mino. Musiti' akau riwon ralalom inggalan ri Jisus Kristus, koson ra tula mino ampunon. Akau pana makaapu ra taak intor ri Aki Kapuuno', ioginio Ambiluo ri Aki Kapuuno'.

RINALATAN 2:4

Ilo ngaangai' kinuasa' ru Ambiluo ri Aki Kapuuno'. Tumalimpuun ilo mindagu ralalom nansalinut ragu ra bokon maya' ra atan ondo' tinaakan ru Ambiluo ri Aki Kapuuno' no risilo.

RINALATAN 3:13

I Aki Kapuuno' ondo' sambaan ri Abragam, Isak am Jakub, am kinamatuaan takali, nampatulai noyo ra Ulipon Nano, i Jisus. I Jisus noyo ondo' pinataak min ra kuasa' ru parinta min, am kalo inapu min Io paat Io inibit ra saang ri Pilatus, kabalu' pana i Pilatus makaguang mampalabus Riso.

RINALATAN 4:31

Kopongo ilo makiasi', intok tinimungan nilai nauyog. Kinuasa' ilo ngaangai' ru Ambiluo ri Aki Kapuuno', am tumalimpuun ilo mampabala' ra tanou intor ri Aki Kapuuno' ra kalo malaa'.

ROMA 8:9

Kaa' akau no kalo maayag maya' ra paliso ru ulun, kaa' maya' ra Ambiluo ri Aki Kapuuno' – amon ru totopot Ambiluo ri Aki Kapuuno' no maningganai ramuyun. Osoi ayuk kolondo' ra Ambiluo ri Kristus, io no sala' ka i Kristus tatangan.

2 KORINTUS 3:8

mulu' poyo gayo ru katulayan ondo' paintalangon ru Ambiluo ri Aki Kapuuno'!

IPISUS 4:30

Pai' noyo pangiluko' Ambiluo ri Aki Kapuuno' no, sabap ra Io sumoroi ramuyun noyo tinatanduan kau ri Aki Kapuuno' ra akau ti Io no tatangan. Ambiluo raginio noyo ondo' mapakalansan ramuyun ra matong niayuk orou pampalabusan ramuyun ri Aki Kapuuno'.