JUANIS 7:29 - Tanou Moonsoi Timugon

²⁹ Aku makaulig Riso, sabap ra Io noyo ondo' nanusub Raki' am Aku ti minatong intor Riso.”

JUANIS 7:29 ပူးပေါင်းရင်းမြစ်များ

MATIUS 11:27

“Pinataakan ri Ama' ngaangai' Raki'. I Ama' ayuk sangulun nakaulig ra Anak, am Anak ayuk sangulun makaulig ra Ama' am poyo ulun ondo' kasagaan ru Anak ayuk makaulig ri Ama'.

JUANIS 1:18

Kolondo' sangulun pana nakakito ri Aki Kapuuno'. Kaa' Anak Langkuir ri Ama' ayuk, ondo' mogondo' Riso am rondo' guang Riso, Io nampaintalang ri Aki Kapuuno'.

JUANIS 10:15

Aku mampataak ra painawo Kuno risilo.

JUANIS 13:3

Nakapandai i Jisus ra ngaangai' kuasa' pinataak noyo ri Ama' Riso. Nakapandai Io niayuk ra minatong Io intor ri Aki Kapuuno' am sumaguli' poyo Riso.

JUANIS 17:18

Sinusub Ku ilo mampatanou ra ulun ru tana' ti, koson Aku sinusub Mu.

JUANIS 6:46

Ginio sala' ka aration ra mokoondo' noyo ulun nakakito ri Ama'. Io ondo' intor ri Aki Kapuuno' ayuk nakakito ri Ama'.

JUANIS 8:55

Akau kalo makaulig Riso, kaa' Aku makaulig Riso. Amon ru mindagu Aku ra kalo makaulig Riso, maabau-abau Aku koson ramuyun. Kaa' makaulig Aku niayuk Riso am gumagaya' Aku ra ragu Nano.

1 JUANIS 1:2

Paat ra kaayagan no pinabala', nakakito akai Riso. Ginio nai ra akai mantunung ra ondo' nakito mai intor Riso, koson ra kaayagan mantilayun ondo' soroi nabaya' ri Ama', am ondo' pinabala' ramon.

1 JUANIS 4:14

Akai galama' nakakito ra Anak ri Aki Kapuuno'. Am pinatanou mai ra ulun bokon ra sinusub Io ru Ama' no masauk ra Mamamayag ra ulun ru tana' ti.

1 JUANIS 4:9

Gitio noyo ralan ri Aki Kapuuno' nampakito ra togom Nano ritakau: Nanusub Io ra Anak langkuir Nano minatong ra tana' ti, maa' boo raginio mokoowot takau ra kaayagan sabap Riso.