JUANIS 7:28 - Tanou Moonsoi Timugon

²⁸ Tatanga' i Jisus nangila' giu' ra Baloi Tuhan, pangkuot Io ra mosongou toojo, “Motopot kia ra nakaulig kau Raki' am nakapandai kau ra intor Kuli? Kalo minatong Aku ra kuasa' Kutu galama', kaa' sinusub Aku ru Io ondo' maintopot, am Io no kalo mauligan min.

JUANIS 7:28 ပူးပေါင်းရင်းမြစ်များ

MAZMUR 9:10

Tuhan noyo sindungan ru ulun ondo' inimbolo', intok sindungan paat ra makakapaganan.

JIRIMIA 31:34

Kolondo' sangulun pana risilo musiti' mangila' ra ulun pogondo' nano koson mulig ra Tuhan, sabap ra ilo ngaangai', maayo boborok, makaulig Raki'. Lilianin Ku kasalaan nilo am mangampun ra tula nilo. Aku, Tuhan, nakaindagu noyo.”

GOSIA 4:1

Mokoondo' Tuhan ra panguwan ra ulun ondo' minayan ra pagun ti. Okou Israil, rongogo' noyo ragu ru Tuhan. Gitio noyo panguwan Nano: “Pagun ti kalo makaulig ra arati' ru gagaya' kapoam togom. Mamagun nano kalo mangiou ra Aku ti i Aki Kapuuno'.

GOSIA 5:4

Kalaatan ondo' binaal ru ulun ru Israil mongompong risilo sumaguli' ri Aki Kapuuno'. Kinapit ilo kaga' ru sumamba ra sinungkalalaing, saboi kalo boo mangiou ilo ra Tuhan.

MATIUS 11:27

“Pinataakan ri Ama' ngaangai' Raki'. I Ama' ayuk sangulun nakaulig ra Anak, am Anak ayuk sangulun makaulig ra Ama' am poyo ulun ondo' kasagaan ru Anak ayuk makaulig ri Ama'.

MATIUS 2:23

am mayan ra pekan Nasarit. Koson raginio nasauk ondo' rinagu ru nabi-nabi, “Io ti piawon ra ulun ru Nasarit.”

MATIUS 26:55

I Jisus pana indagu boo ra ulun masuang no, “Ulun malaat Aku kia saboi matong kau magibit ra ilang am lalamba' koson mamparakop Raki'? Moonong orou soroi Aku mangila' ra Baloi Tuhan am kalo rinakop min Aku!

LUKAS 10:22

Pinataakan ri Ama' ngaangai' Raki'. I Ama' ayuk rondo' makaulig ra Anak am Anak ayuk rondo' makaulig ra Ama'. Am osoi ayuk kasagaan ru Anak no mambala' am mampaulig ra Ama' Nano.”

LUKAS 2:11

Orou raiti' sangulun Mamamayag inanak noyo ramuyun giu' ra pekan ru raja' Daut. Io no i Kristus, ioginio Tuhan.

LUKAS 2:39

Kabaal noyo ngaangai' nanusuban ra Ukum ru Tuhan, i Jusup am i Maria siminaguli' ra intok nilo, pekan Nasarit, giu' ra libung ru Galilia.

LUKAS 2:4

Pintor boo i Jusup intor ra pekan Nasarit, giu' ra libung ru Galilia, am minongoi ra rondo' pekan makainggalan ra Bitligim ra pagun ru Judia, intok i raja' Daut inanak ra galing i. Minongoi io ra giu' no sabap ra io galama' papag ri Daut.

LUKAS 2:51

Kopongo ragili, saguli' i Jisus baya' ra matuo Nano ra Nasarit am gumagaya' risilo. Nampaguang ina' Nano ra ngaangai' raginio.

JUANIS 1:46

Kaa' taam ri Natanil, “Kolondo' lair moonsoi matong intor ra Nasarit.” Indagu boo i Pilipus, “Ibok, ongoyo' ilai'.”

JUANIS 10:36

Aku pinili' am sinusub ri Ama' matong ra tana' ti. Kua indagu kau ra magasab Aku ri Aki Kapuuno' ra ragu Kuli, ‘Aku ti Anak ri Aki Kapuuno'’?

JUANIS 12:49

Sabap ra kalo minindagu Aku sumugut ra kuasa' Kuno galama', kaa' i Ama', ondo' nanusub Raki', nambala' ra atan ondo' raguon am posoboyon Kuno.

JUANIS 14:10

Pilipus, kalo kia mangintopot kou ra Aku ti masimpung ri Ama', am i Ama' pana masimpung Raki'? Atan ondo' rinagu Kuno ramuyun, sala' ka intor Raki' galama', kaa' i Ama' ondo' masimpung Raki', Io galama' mampasauk ra ngaangai' raginio.

JUANIS 14:31

Kaa' suguton Ku ngaangai' nanusuban ri Ama', maa' raginio ulun ru tana' ti makapandai ra motogom Aku ri Ama'. Ibok am iruani' takano intok ti.”

JUANIS 16:3

Ginio baalon nilo ramuyun sabap ra kalo nakaulig ilo ra Ama' Kuno kapoam Aku galama'.

JUANIS 17:25

Ama' ra motopot, kalo mauligan Kou ru ulun ru tana' ti, kaa' Aku makaulig Rirun, am ngaangai' ulun ragitio niayuk nakapandai ra Okou no nanusub Raki'.

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

JUANIS 3:2

Sarandaman ragili ongoi io tuum ri Jisus am indagu, “Mangingila', makapandai akai ra Okou no sinusub ri Aki Kapuuno' mongoi pangila'. Sabap ra kolondo' sangulun pana makapambaal ra kaimuagan koson ra baalon Muno, amon ru kalo indanganon io ri Aki Kapuuno'.”

JUANIS 3:33

Kaa' osoi ayuk mangintopot ra kaintutunan Nano, io no mangiou ra i Aki Kapuuno' no motopot.

JUANIS 5:32

Kaa' mokoondo' poyo ondo' mampaintutun intor Raki', am nakapandai Aku ra kaintutunan Nano motopot.

JUANIS 5:43

Aku minatong nabaya' ra kuasa' ru Ama' Kuno, kaa' kalo inapu min Aku. Kaa' amon ru mokoondo' poyo ulun ra bokon matong ramuyun mabaya' ra kuasa' nano galama', io apuon min.

JUANIS 6:42

Indagu ilo, “Io ti i Jisus, anak ri Jusup. Mauligan mai ama' am ina' Nano. Ati kulaan Io makaindagu ra timinuun Io intor ra suruga'?”

JUANIS 7:14

Naintanga' noyo pangiantakan i, subol boo i Jisus ra Baloi Tuhan am timinalimpuun mangila'.

JUANIS 8:14

Taam i Jisus risilo, “Kabalu' pana mampaintutun Aku ra baal Kuno galama', ginio motopot, sabap ra nakapandai Aku ra intor Kuno am angayan Kuno, kaa' akau kalo makapandai ra intor kapoam angayan Kuno.

JUANIS 8:16

Kaa' amon ru mangakim Aku pana ra ulun, pangakiman Kuno motopot, sabap ra pai' ru Aku sangulun ayuk mangakim; kaa' i Ama' ondo' nanusub i, mabaya' Raki'.

JUANIS 8:19

Ginio ra pangkuot ilo, “Ati i Ama' Muno?” Taam i Jisus, “Kalo makaulig kau Raki', kapoam i Ama' Kuno. Amon ru makaulig kau Raki', Ama' Kuno pana mauligan min niayuk.”

JUANIS 8:26

Masuang baal mino ondo' akimin Kuno. Kaa' Io ondo' nanusub Raki' i motopot, am mambala' Aku ra ulun ru tana' ti maya' ra atan ondo' morongog Kuno intor Riso.”

JUANIS 8:42

Kon ri Jisus risilo, “Amon ru totopot i Aki Kapuuno' no Ama' min, tagamin min Aku, sabap ra minatong Aku intor ri Aki Kapuuno' am raino soroi Aku. Kalo minatong Aku maya' ra kasagaan Kuno galama', kaa' sinusub No Aku.

JUANIS 9:29

Akai nakapandai ri Aki Kapuuno' minindagu ri Musa, kaa' ulun raginio kalo nakapandai akai ra intor nano.”

RINALATAN 17:23

Paat ra aku minugar-ugar ra bandar min ti am minongoi pagilong ra intok sambayangan mino, mokoondo' tinulisan nauma' ku ra rondo' panimbaluyan ra taak mino, ioginio: ‘Intok sambaan ri Aki Kapuuno' Ondo' Kalo Nauligan’. Kabalu' pana kalo nauligan min ondo' sambaan min ti, kaa' ginio noyo ondo' raino pabalaan kuno ramuyun.

ROMA 1:28

Sabap ra ulun marara' mangiou ra katapatan ri Aki Kapuuno', pinoloso No pamaguangan nilo lumaat, saboi baalon nilo majaka'.

ROMA 3:4

Maaru' kalo! Ondo' raguon ri Aki Kapuuno' motopot, kabalu' pana ngaangai' ulun maabau-abau. Mokoondo' tinulisan ra Buuk Kitab intor ri Aki Kapuuno', “Paat ra Okou mindagu, ngaangai' makapandai ondo' raguon Muno motopot, am paat ra Okou uwin, maala ngaangai' ondo' manguu' Rirun.”

2 KORINTUS 1:18

Sabap ri Aki Kapuuno' ondo' malansanan toojo, ragu kuno ramuyun kalo makulau ra “Iou” am “Kalo”.

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.

TITUS 1:2

Pangilaan raginio noyo puun ru kalansanan takau ra mokoowot takau ra kaayagan mantilayun ondo' binantu' ri Aki Kapuuno' ra kalo poyo tana' ti biningkal. Kalo noyo magabau i Aki Kapuuno'.

IBRANI 6:18

Sabap ri Aki Kapuuno' kalo mapandai magabau, bantu' am ibot Nano kalo maalap kakulau. Intor raginio itakau ondo' nakialung Riso, maikang kalansanan takau ra bantu' Nano suguton No.

1 JUANIS 5:10

Ginio ra osoi ayuk mangintopot ra Anak ri Aki Kapuuno', nakaapu io noyo ra kaintutunan ragitio ralalom ru guang nano. Kaa' osoi ayuk kalo mangintopot ri Aki Kapuuno', manguu' io ri Aki Kapuuno' magabau, sabap ra kalo nangintopot io ra atan ondo' rinagu ri Aki Kapuuno' intor ra Anak Nano, i Jisus Kristus.

1 SAMUIL 2:12

Anak-anak ri Ili malaat kaga'. Kalo mampalio ilo ra Tuhan.