JUANIS 7:19 - Tanou Moonsoi Timugon

¹⁹ Sala' ka kia i Musa nangani' ramuyun ra Ukum no? Kaa' kolondo' sangulun pana intor ramuyun no gumagaya' toojo ra Ukum no. Kua gogot kau mamatoi Raki'?”

JUANIS 7:19 ပူးပေါင်းရင်းမြစ်များ

MATIUS 12:14

Kaa' ulun ru Parisi i nangiruan ra intok raginio, am maguyum ra panguyatan koson mamatoi ri Jisus.

MATIUS 21:38

Kaa' paat ra ulun-ulun naniwa' i nakakito ra anak ru tatangan ra umo ti, pagindagu ilo ngaangai', ‘Io gitio anak ru tatangan ra umo ti. Ibok, potoyo' takau io, maa' raginio makaalap takau ra tungkuson nano!’

MARKUS 11:18

Tingganai imam Jaudi am mangingila' ra Ukum ri Musa nokorongog ra ragu Nani. Ginio ra tumalimpuun ilo maguyum ra ralan mamatoi ri Jisus. Malaa' ilo Riso sabap ra ulun masuang no mabunduk guang mangkirongog ra pangilaan Nali.

MARKUS 3:4

Tauli pangkuot Io risilo, “Ati kia rondo' maaru' baalon takau ra orou Sabat, mambaal ra moonsoi kapoam malaat, mangampin ra painawo ru ulun, kapoam mamatoi ra ulun?” Kaa' ilo no nongkoror ayuk.

MARKUS 3:6

Ingkual boo ulun ru Parisi am ongoi ilo simpung ra ulun ru Irodis mangatang koson mamatoi Riso.

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

JUANIS 10:39

Nangkinam ilo poyo pamparakop ri Jisus, kaa' kalo naalap nilo.

JUANIS 11:53

Intor orou ragili niayuk tingganai ru ulun ru Jaudi nampapakat mamatoi ri Jisus.

JUANIS 5:16

Ginio boo ra timinalimpuun ilo mantipagon ri Jisus, sabap ra namabas Io ra ulun paat ra orou Sabat.

JUANIS 5:18

Ragu raginio nangkinibit ra tingganai ru ulun ru Jaudi gumogot poyo mamatoi Riso. Sabap ra sala' ka minanggal Io ayuk ra Ukum ri Musa ra orou Sabat, kaa' minindagu Io poyo ra i Aki Kapuuno' noyo Ama' Nano; arati' no Io galama' mogondo' ri Aki Kapuuno'.

JUANIS 5:45

Pai' kau pangkara' ra Aku manguu' ramuyun ra saang ru Ama' Kuno. I nabi Musa ondo' manguu' ramuyun, io no ondo' lalansanin min.

JUANIS 7:1

Kopongo ragili, ongoi i Jisus ra ati ayuk intok ra libung ru Galilia. Marara' Io mongoi ra Judia sabap ra tingganai ru Jaudi ra giu' i gumogot mamatoi Riso.

JUANIS 7:25

Mokoondo' kukula' ngaulun mamagun Jirusalim mindagu ra, “Sala' ka kia Io ti ondo' uyumon ru tingganai takano ra potoyon?

RINALATAN 7:38

I Musa ti noyo ondo' nangkinibit ra bansa' ru Israil timinimung giu' ra tana' kaagisan. Ginio ra soroi io ra giu' i nabaya' ra kinamatuaan takali am malaikat ondo' makimansunur ri Musa giu' ra Gunung Sinai. Io no ondo' inanian ri Aki Kapuuno' ra tanou ondo' manaak ra kaayagan koson posoboyon ritakau.

GALATIA 3:19

Amon ru ginio poyo, atan pakuan ru Ukum ri Musa no? Io pinaruang koson mampakito ra kaanggalan takati. Ukum ri Musa ti mokoonong polos ayuk ra ratangan ru sangulun papag ri Abragam, io no ondo' napataakan ra nabantuan raginio. Ukum ti pinasaboi ru malaikat-malaikat ru Tuhan mumbaya' ra sangulun papabilinan.

GALATIA 6:13

Kaa' ulun ondo' manginsugut ra kaulayan ru sunat no pana kalo magagaya' nilo ngaangai' Ukum ri Musa. Kabalu' pana raginio, masaga' ilo niayuk sunatin kau, maa' raginio lumimbau ilo ra ginagaya' min kaulayan raginio.

SAGULION 1:17

Pai' pagimbaso' paat ra okou mamatas; pangakim noyo ra moonong ulun am mamakai ra ralan ra nogondo', kalo ilain osoi ulun no. Pai' kalaa' ra osoi pana, sabap kapatasan ondo' binaal mino kapatasan intor ri Aki Kapuuno'. Amon ru mokoondo' baal ondo' mapagon kaga' ramuyun, pataako' raki' baal raginio; aku mambaal ra kapatasan ra baal raginio.’

SAGULION 33:4

Gumagaya' takau ra Ukum ondo' tinaakan ri Musa ritakau; ginio noyo rapu' ru bansa' ondo' mologo kaga'.