JUANIS 7:14 - Tanou Moonsoi Timugon

¹⁴ Naintanga' noyo pangiantakan i, subol boo i Jisus ra Baloi Tuhan am timinalimpuun mangila'.

JUANIS 7:14 ပူးပေါင်းရင်းမြစ်များ

MALIAKI 3:1

Tumaam Tuhan Ondo' Maayo Kaga' Kuasa', “Atarin Ku ulun sinusub Kuno koson manampos ra ralan Kuno. Pulusat ru Tuhan ondo' uyumon min, matong ra Baloi ru Tuhan. Ulun sinusub Kuno ondo' inaanin min matong am mampatanou ra nabantuan Kuno.”

UNTABAN 29:17

Paat ra orou ra karuo no, pataako' noyo mopor am ruo ngainan sapi' gawayan mamulok, ruo ngainan domba gawayan am mopor am apat ngainan anak domba gawayan ondo' umur no sambilor. Ngaangai' no kalo najamaran.

UNTABAN 29:20

Paat ra orou ra katalu, pataako' noyo mopor am rondo' ngainan sapi' gawayan mamulok, ruo ngainan domba gawayan am mopor am apat ngainan anak domba gawayan ondo' umur no sambilor. Ngaangai' no kalo najamaran.

MATIUS 21:12

Subol i Jisus ra Baloi Tuhan am pagiruo' no ngaangai' mantalan am mambali ondo' soroi ra giu'. Tuntuaro' no mija' ru magagalig ra ruit am niayuk pantuturungan ru mantatalan ra susuit asang.

MATIUS 26:55

I Jisus pana indagu boo ra ulun masuang no, “Ulun malaat Aku kia saboi matong kau magibit ra ilang am lalamba' koson mamparakop Raki'? Moonong orou soroi Aku mangila' ra Baloi Tuhan am kalo rinakop min Aku!

LUKAS 19:47

Moonong orou nangila' i Jisus giu' ra Baloi Tuhan. Kaa' tingganai imam Jaudi, mangingila' ra Ukum ri Musa am tingganai ru ulun ru Jaudi mirot toojo mamatoi Riso.

JUANIS 18:20

Taam Io, “Nambala' Aku noyo toojo ra saang ru ulun masuang. Nangila' Aku ra baloi sambayangan am giu' ra Baloi Tuhan, ondo' masalok titimungan ru ulun ru Jaudi. Kalo nansibuni Aku ra Aku minindagu.

JUANIS 5:14

Kalo nabuoi ragili, tinuum io ri Jisus giu' ra Baloi Tuhan am ragui' no ulun i, “Napali' kou noyo raino. Pai' noyo boo inganganai' tula mutu, maa' raginio kalo matiu' kou ra baal makalalaa' poyo.”

JUANIS 7:2

Mamaar noyo ra Pangiantakan Mangkalukub ra Raun.

JUANIS 7:28

Tatanga' i Jisus nangila' giu' ra Baloi Tuhan, pangkuot Io ra mosongou toojo, “Motopot kia ra nakaulig kau Raki' am nakapandai kau ra intor Kuli? Kalo minatong Aku ra kuasa' Kutu galama', kaa' sinusub Aku ru Io ondo' maintopot, am Io no kalo mauligan min.

JUANIS 7:37

Paat ra orou kaampusan ru pangiantakan i, ioginio orou maatang toojo, bigor i Jisus am indagu ra mosongou, “Osoi ayuk paason, polosoo' io no matong Raki' am manginum.

JUANIS 8:2

Nokorondom ra suabon i, subol Io ra Baloi Tuhan am ulun masuang minatong Riso. Ginio ra panturung Io am tumalimpuun mangila' risilo.

JUANIS 8:20

Ngaangai' ti rinagu ri Jisus paat ra Io nangila' giu' ra Baloi Tuhan, maar ra kaban papataakan no. Kaa' kolondo' sangulun pana namparakop Riso, sabap ra kalo poyo nasuku' orou Nano.