JUANIS 6:9 - Tanou Moonsoi Timugon

⁹ “Giti mokoondo' sangulun lalaing ungkuyon ondo' makaruti' barli limo ngampila' am makapapait ruo ngaunor. Kaa' atan onong ru ginio ra susuang ru ulun ti?”

JUANIS 6:9 ပူးပေါင်းရင်းမြစ်များ

LUKAS 9:13

Kaa' taam i Jisus, “Akau ayuk pana mampaakan risilo.” Indagu maamaya' Nano, “Kaa' limo ngampila' ruti' am ruo ngaunor papait ayuk soroi ramon. Mongoi akai kia bali ra akanon koson pataakin risilo ti?”

MARKUS 6:38

Kaa' indagu Io risilo, “Kula' ngampila' ruti' soroi ramuyun? Kinami' ilai'!” Kopongo nagilong indagu ilo, “Limo ngampila' ruti' am ruo ngaunor papait.”

MATIUS 14:17

Indagu maamaya'-maamaya' Nano, “Mokoondo' akai limo ngampila' ruti' am ruo ngaunor papait ayuk!”

MAZMUR 78:19

Manggal ilo ri Aki Kapuuno' ralalom ragu, “Mapaakan nua' i Aki Kapuuno' no ritakau giu' ra tana' kaagisan?

MATIUS 16:9

Lakat kau ayuk poyo kia kalo nakarati'? Kalo kia nakara' min ra ati kulaan Aku namimilang ra limo ngampila' ruti' ondo' pinataakan Kuli ra limo ngaribu ngaulun ungkuyon i? Kula' ngambakul suwo ondo' linulur mini?

MARKUS 8:19

paat ra Aku namimilang ra limo ngampila' ruti' i, paakanin ra limo ngaribu ngaulun? Kula' ngambakul suwo ru akanon linulur mini?” Taam ilo, “Mopor am ruo ngambakul.”

2 KORINTUS 8:9

Makapandai kano toojo ra kataawan ru Tuhan takau i Jisus Kristus. Kabalu' pana langkaya' Io, kaa' koson ra kaatangan min, siminauk Io ra musikin, maa' raginio mansail ra kinamusikin nano lumangkaya' kau ra pagilangan ri Aki Kapuuno'.

MAZMUR 147:14

Magalung Io ra kaansayan ru pagun muno am basugon kou ra gandum ra moonsoi kaga'.

MAZMUR 81:16

Kukumin Ku ulun masisang Raki'; am ukumin ilo ra sabuoi-buoi no.

SAGULION 8:8

tana' ondo' manangampos ra gandum am barli, kawa' ru anggur, kawa' ru ara, kawa' ru dalima', kawa' ru jaitun am ruu' ru maningot.

PINAINTALANG 6:6

Korongog ku koson ra bolos ru ulun miningkual intor ra tatanga' ru kaapat ilo ondo' maayag no, kono, “Kumboo' noyo gandum nilo, suku' sakilo gandum kapoam talu ngakilo gandum barli talanon ra gaji' ru kandoi songorou – mologo kaga'. Kaa' pai' noyo jamari' umau jaitun am wain no!”

JUANIS 11:32

Pakasuku' io ra intok ri Jisus am kakito no, igulatur io ra saang Nali am indagu, “Tuhan, amon ru nokosoroi Kou ragiti, maaru' ungkuyon mai kalo matoi.”

JUANIS 11:21

Indagu i Marta, “Tuhan, amon ru nokosoroi kou ra giti, maaru' ungkuyon mai kalo matoi.

JUANIS 6:7

Taam i Pilipus, “Ruti' ra mokologo ruo ngaatus ruit pirok pana kalo makaukop ra kinasuang ru ulun no, kabalu' pana sanganu ayuk maalap ru moonong ulun.”

YEHEZKIEL 27:17

Jiuda am Israil nambali ra kuliamos muno am binayaran ra gandum, ruu' maningot, umau jaitun am apa' pampagamis ra akanon.

MAZMUR 78:41

Masalok ilo mangkinam ri Aki Kapuuno', am mapakaruol ra guang ru Io Ondo' Matulai Kaga', i Aki Kapuuno' ru ulun ru Israil.

2 RAJA'-RAJA' 7:1

Indagu i Ilisa, “Rongogo' noyo ragu ru Tuhan! Susuab no olo'-olo' paat ragitio, giu' ra Samaria ulun makabali ra 3 ngakilogram gandum ondo' moonsoi kaga' kapoam 6 ngakilogram barli ra logo sampila' ruit pirok.”

1 RAJA'-RAJA' 4:28

Moonong pagawai ru libung niayuk mangula' ra barli am rami akanon ru kuda kurain am kuda mamunduk ra kurita' kuda, ati ayuk kapakuan ra akanon ru bibiag no.

SAGULION 32:14

Sapi' am kambing nilo nanangampos ra masuang gatas; mokoondo' ilo ra domba, kambing am sapi' ondo' moonsoi kaga', am niayuk gandum, am niayuk wain ondo' moonsoi kaga'.

JUANIS 6:11

Alapo' ri Jisus ruti' i, am paringkuanang Io ri Aki Kapuuno' am tatayaro' No ra ulun masuang ondo' nantuturung i. Papait i pana binaal No koson raginii, am ngaangai' ulun i nangakan saboi nangaasug ilo.

JUANIS 21:9

Pakaasak ilo intor ra parau, nakito nilo baa ru apui am papait tinunuan am mokoondo' niayuk ruti' ra giu' i.

JUANIS 21:10

Indagu i Jisus risilo, “Ibito' ra giti kukula' ngaunor papait ra kakarakop mini.”

JUANIS 21:13

Inggaar boo i Jisus risilo, pangalap ra ruti' am pataaki' risilo. Kinooi No niayuk papait i.