JUANIS 6:71 - Tanou Moonsoi Timugon

⁷¹ I Judas kon Nati, anak ri Simon Iskariot. Sabap ra kabalu' pana io sangulun intor ra mopor am ruo ngaulun maamaya' ri Jisus, kaa' mampataak io ri Jisus ra pantula' Nano ra tauli no.

JUANIS 6:71 ပူးပေါင်းရင်းမြစ်များ

MAZMUR 41:9

Mindagu ilo, “Malanjag maruol nano am kalo boo makasukal intor ra kaalangan no.”

MATIUS 10:2

Gitio noyo inggalan ru mopor am ruo ngaulun rasul Nano: Kasaa'; i Simon (ondo' poyo sabiton ri Pitrus) am pinongkotob nano i Andrias; i Jakubus am pinongkotob nano i Juanis, ilo ti anak ri Jibidius;

MATIUS 10:4

i Simon ulun Patriot no, am i Judas Iskariot ondo' nampataak ri Jisus ra pantula' Nano.

MARKUS 14:10

Ugar boo i Judas Iskariot, sangulun intor ra mopor am ruo ngaulun maamaya' ri Jisus no, tumuum ra tingganai imam Jaudi sabap ra guang nano mampataak ri Jisus risilo.

JUANIS 12:4

Kaa' i Judas Iskariot, sangulun intor ra maamaya' ri Jisus, ondo' mampataak Riso ra pantula' Nano ra maagu no, minindagu ra,

JUANIS 13:2

Nagagakan i Jisus am maamaya' Nano, am Tingganai ru riwato no minindagu ra guang ri Judas, anak ri Simon Iskariot, koson mampataak ri Jisus ra pantula' Nano.

JUANIS 13:26

Taam i Jisus, “Ondo' aniin Ku ra ruti' ra patunjakon ti, io no ginio.” Alapo' boo ri Jisus sangkinis ruti', tunjaki' No am taaki' No ri Judas, anak ri Simon Iskariot.

JUANIS 2:2

I Jisus am maamaya' Nano piniau niayuk minongoi ra bunsag i.

JUANIS 20:24

Sangulun intor ra mopor am ruo ngaulun maamaya' ri Jisus, i Tomas (sabiton niayuk “I Nagapir”), kalo nababaya' ra maamaya' ra bokon paat ri Jisus minintalang.

JUANIS 6:64

Kaa' mokoondo' niayuk kukula' ngaulun intor ramuyun ondo' kalo mangintopot.” (Natutunan noyo ri Jisus intor ra talimpuun i, osoi kalo mangintopot Riso am osoi mampataak Riso ra pantula' Nano.)

JUANIS 6:70

Indagu boo i Jisus risilo, “Kabalu' pana Aku noyo nampili' ramuyun mopor am ruo ngaulun ringai', kaa' sangulun intor ramuyun no riwato.”

RINALATAN 2:23

Sumugut ra nangaruan ri Aki Kapuuno', nakapandai Io noyo intor poyo ra galing i koson i Jisus ti pataakon ramuyun. Pinatoi min Io ra nangkinibit kau ra ulun makatula no nanalip Riso.

JUDAS 1:4

Sabap ra mokoondo' kukula' ngaulun mangapuka' suminok ayuk simpung ritakau. Ilo ti ulun malaat ondo' manumbalik ra togom tinaakan ri Aki Kapuuno', koson sumimbat ilo pambaal ra atan ayuk pansasawaan. Ilo ti kalo mangapu ri Jisus Kristus, ondo' Io ayuk rondo'-rondo' Nanguasa' am Tuhan takau. Intor ra galing i ukum pataakin risilo inala' noyo ru Buuk Kitab.