JUANIS 6:64 - Tanou Moonsoi Timugon

⁶⁴ Kaa' mokoondo' niayuk kukula' ngaulun intor ramuyun ondo' kalo mangintopot.” (Natutunan noyo ri Jisus intor ra talimpuun i, osoi kalo mangintopot Riso am osoi mampataak Riso ra pantula' Nano.)

JUANIS 6:64 ပူးပေါင်းရင်းမြစ်များ

MATIUS 10:4

i Simon ulun Patriot no, am i Judas Iskariot ondo' nampataak ri Jisus ra pantula' Nano.

JUANIS 10:26

Kaa' kalo niayuk mangintopot kau sabap ra akau sala' ka domba Kuno.

JUANIS 18:4

Nakapandai i Jisus ra ngaangai' ondo' masauk Riso no. Ginio ra inggaari' No ilo am pangkuot, “Osoi uyumon min?”

JUANIS 5:42

Kaa' koson ramuyun, nakaulig Aku ra kalo motogom kau ri Aki Kapuuno' ralalom ru guang min.

JUANIS 6:36

Nambala' Aku noyo ramuyun, ra nakakito kano Raki', kaa' kalo niayuk mangintopot kau Raki'.

JUANIS 6:60

Korongog nilo ragu ri Jisus ni, masuang intor ra maamaya' Nano minindagu, “Mapagon toojo pangilaan ti. Osoi tumaan mangkirongog raginio?”

JUANIS 6:61

Kapandayi' ri Jisus ra pasabutok maamaya' Nano ra nangilaan Nali, pangkuot Io risilo, “Mampakalawo kia ra guang min nangilaan Kuni?

JUANIS 6:66

Intor raginii, masuang maamaya' Nano timinuliar am kalo boo maya' ilo Riso.

JUANIS 8:23

Indagu i Jisus, “Akau intor ra gana' ti, kaa' Aku intor ra rasawat. Akau ulun ayuk ru tana' ti, kaa' Aku sala' ka intor ra tana' ti.

JUANIS 8:55

Akau kalo makaulig Riso, kaa' Aku makaulig Riso. Amon ru mindagu Aku ra kalo makaulig Riso, maabau-abau Aku koson ramuyun. Kaa' makaulig Aku niayuk Riso am gumagaya' Aku ra ragu Nano.

RINALATAN 15:18

Ginio noyo ragu ru Tuhan, ondo' pinabala' No intor ra galing i.’ ”

ROMA 8:29

Ilo ondo' pinili' noyo ri Aki Kapuuno', inaru' niayuk intor ra talimpuun i masauk koson ra Anak Nano, i Jisus Kristus, am koson raginio Anak Nano masauk ra katuaan ru masuang pabukat.

2 TIMOTIUS 2:19

Kaa' ondo' binaal ri Aki Kapuuno' no ra guang ru ulun Nano kalo maalap kauyog. Am minindagu Io noyo, “Tuhan makaulig ra osoi ulun Nano,” am poyo ra, “Osoi ayuk mangiou ra io ulun ru Tuhan, musiti' io tumalikur intor ra kasalaan nano.”

IBRANI 4:13

Kolondo' atan-atan inangun ri Aki Kapuuno' makasibuni intor Riso, sabap ra ngaangai' maukab am makito Nano. Am ri Aki Kapuuno' niayuk musiti' takau mangakun ra ngaangai' ondo' binaal takau.