JUANIS 6:53 - Tanou Moonsoi Timugon

⁵³ Indagu i Jisus risilo, “Balain takamin toojo: Amon ru kalo mangakan kau ra inan ru Anak ru Ulun am manginum ra raraa' Nano, kalo totopot maayag kau.

JUANIS 6:53 ပူးပေါင်းရင်းမြစ်များ

MATIUS 18:3

Indagu boo i Jisus, “Karaa' min! Amon ru kalo kumulau am sumauk kau koson ra lalaing ti, kalo masauk kau ra ulun ri Aki Kapuuno'.

MATIUS 5:18

Karaa' min! Buoi ru limbowon am tana' ti lakat ayuk poyo soroi kolondo' rondo' pana ralalom ru Ukum ri Musa ti pusoon amon ru ngaangai' no kalo poyo nasauk.

MATIUS 8:20

Taam i Jisus, “Munin mokoondo' ra luang no galama' am susuit mokoondo' ra bunsut no galama', kaa' Anak ru Ulun kolondo' intok luyaan am tangusan.”

LUKAS 13:3

Kalo! Balain takamin, amon ru kalo tumalikur kau intor ra tula mino, akau ngaangai' matoi koson risilo am pasubolon ra naraka.

LUKAS 13:5

Kalo! Balain takamin, amon ru kalo tumalikur kau intor ra tula mino, akau pana matoi koson risilo am pasubolon ra naraka.”

JUANIS 13:8

Indagu i Pitrus Riso, “Kalo Tuhan, kalo noyo pabaguin ku kalayam kutu Rirun!” Kaa' kon ri Jisus, “Amon ru kalo baguin tokou, kalo boo karaan kou ra maamaya' Kuno.”

JUANIS 15:4

Rondon kano Raki' am Aku pana rumondon ramuyun. Pango kalo noyo makapangkawa' amon ru kalo soroi ra puun no. Mogondo' niayuk ramuyun, kalo makapangkawa' kau amon ru kalo rumondon Raki'.

JUANIS 3:3

Taam i Jisus, “Balain tokou toojo: Kolondo' sangulun pana masauk ra ulun ri Aki Kapuuno' amon ru kalo anakon io saguli'.”

JUANIS 3:36

Maa' raginio osoi ayuk mangintopot ra Anak no mokoowot ra kaayagan motopot am mantilayun. Kaa' osoi ayuk kalo gumagaya' Riso no, kalo mokoowot ra kaayagan no, kaa' mantilayun i Aki Kapuuno' masisang riso.

JUANIS 3:5

Taam i Jisus, “Balain tokou toojo: Kolondo' sangulun pana masauk ra ulun ri Aki Kapuuno' amon ru kalo anakon ulun no intor ra timug am Ambiluo ri Aki Kapuuno'.

JUANIS 6:47

Balain takamin toojo: Osoi ayuk mangintopot, mokoowot io ra kaayagan motopot am mantilayun.

JUANIS 6:51

Aku noyo ruti' mampakaayag ondo' timinuun intor ra suruga'. Osoi ayuk mangakan ra ruti' ragitio, maayag io ra mantilayun. Ruti' ra pataakin Kuno, io no inan Kutu, maa' raginio ulun ru tana' ti mokoowot ra kaayagan.”

JUANIS 6:55

Sabap ra inan Kutu noyo akanon ra motopot, am raraa' Kutu pana inumon ra motopot.

JUANIS 6:62

Ati poyo kulaan ru makakito kau ra Anak ru Ulun rumuli' ra intor Nali?

1 JUANIS 5:12

Osoi ayuk mokoondo' ra Anak, mokoondo' io poyo ra kaayagan ragitio. Kaa' osoi ayuk kolondo' ra Anak, kolondo' io poyo ra kaayagan ragitio.

PINAINTALANG 2:17

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! “Osoi mangala ra kuasa' ru kalaatan, aniin Ku io ra ruti' ondo' nakasibuni no – ondo' sabiton ra manna. Mangani' Aku niayuk riso ra rondo' batu mapulak ondo' tinulisan ra inggalan nakabagu ondo' kalo mauligan ru ulun bokon kaa' ulun mangapu no ayuk.”

PINAINTALANG 2:7

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! Osoi ayuk mangala ra kuasa' ru kalaatan paakanon Ku io ra kawa' intor ra puun ru mampakaayag ondo' tumuu' ra Pirdaus.”