JUANIS 6:45 - Tanou Moonsoi Timugon

⁴⁵ Tinulisan noyo ra Kitab ru Nabi-Nabi, ‘Ngaangai' ulun ilaan ri Aki Kapuuno'.’ Moonong ulun ondo' mangkirongog ri Ama' am migigila' intor Riso matong Raki'.

JUANIS 6:45 ပူးပေါင်းရင်းမြစ်များ

JISAYA 2:3

am mindagu ilo, “Ongoi takano ra bulur ru Tuhan, ra baloi ri Aki Kapuuno' ru Israil. Mangila' Io ritakau ra atan kasagaan Nano; am maya' takau ra ralan ondo' pinili' Nano, sabap pangilaan ru Tuhan intor ra Jirusalim; intor ra Sion Io mindagu ra ulun Nano.”

JISAYA 54:13

“Ngaangai' ulun muno masauk ra maamaya' Raki', lumangkaya' ilo.

MIKA 4:2

am konilo, “Ibok no magaloi takau ra bulur ru Tuhan, mongoi ra Baloi ru Tuhan, i Aki Kapuuno' ru Israil. Mangila' Io ra kasagaan Nano ondo' musiti' baalon takau; maya' takau ra ralan ondo' pinili' Nano, sabap ra pangilaan ru Tuhan i minatong intor ra Jirusalim; intor ra Sion minindagu Io ra ngaangai' ulun Nano.”

MATIUS 11:27

“Pinataakan ri Ama' ngaangai' Raki'. I Ama' ayuk sangulun nakaulig ra Anak, am Anak ayuk sangulun makaulig ra Ama' am poyo ulun ondo' kasagaan ru Anak ayuk makaulig ri Ama'.

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MARKUS 1:2

Tanou ti koson ra tinulisan ru nabi Jisaya, kon ragino, “Kon ri Aki Kapuuno', ‘Gitio noyo ulun sinusub Kutu. Ulun sinusub kutu, magulu io Rirun, maa' raginio mambaal io ra ralan Muno.’

LUKAS 1:70

Sumugut ra nabi-nabi ondo' pinili' Nano ra galing i, nangani' Tuhan ra bantu' Nano

LUKAS 18:31

Piawo' ri Jisus mopor am ruo ngaulun maamaya' Nano am indagu Io risilo, “Rongogo'! Raino mongoi takau ra Jirusalim, sabap ra giu' masauk ngaangai' ondo' tinulisan noyo ru nabi-nabi intor ra Anak ru Ulun.

JUANIS 10:27

Domba-domba Kuno mangkirongog ra bolos Kuno; makaulig Aku risilo am maya' ilo Raki'.

JUANIS 6:37

Moonong ulun ondo' taakin ri Ama' Raki', makaratong Raki'. Kalo inggalarin Ku osoi ayuk pana ondo' matong Raki'.

JUANIS 6:65

Indagu Io poyo, “Ginio sabap ra nambala' Aku ramuyun ra kolondo' sangulun pana makaratong Raki' amon ru kalo iowon ru Ama' Kuno.”

RINALATAN 13:40

Ginio ra ilalai' min koson kalo masauk ramuyun atan ondo' rinagu ru nabi-nabi,

RINALATAN 7:42

Ginio ra iruani' ilo ri Aki Kapuuno' am polosoo' No ilo sumamba ra butitin. Koson noyo ondo' tinulisan ra Kitab ru Nabi, ‘Alii boo ramuyun, ulun ru Israil! Pai' ru sinimbalui min ginio am pataakon Raki', kabalu' pana apat ngoopor ngambilor buoi min giu' ra tana' kaagisan.

IPISUS 1:17

Makiasi' aku ri Aki Kapuuno', Ama' ra kolondo' pogondo', ioginio Ama' ru Tuhan takau i Jisus Kristus, maa' raginio mangani' ramuyun ra Ambiluo Nano. Io no mampasauk ramuyun mapintar am niayuk paintalangon No ramuyun osoi Io koson totopot kau makaulig Riso.

PILIPI 3:15

Ginio ra itakau ondo' maikang pangintapatan, moonsoi makapangkaraan takau koson raginio. Kaa' amon ru sala' poyo pamaguangan min, makaalap kau niayuk ra papaintalangan ri Aki Kapuuno' ra ginuang min raginio.

1 TISALONIKA 4:9

Kalo pana boo mamatik akai ramuyun ra ati kulaan motogom ra pabukat min ra Kristian, sabap ra akau galama' naila' noyo ri Aki Kapuuno' koson motogom ra rondo' am bokon.

IBRANI 10:16

“Gitio noyo nabantuan ondo' baalon Kuno risilo paat ra orou matong no, ragu ru Tuhan: ‘Pakaraan Ku ukum Kuno risilo am tulisin Ku poyo ra guang nilono.’ ”

1 JUANIS 2:27

Kaa' akau galama', inanian noyo ri Jisus Kristus ra Ambiluo Nali. Am buoi ru Ambiluo no soroi ramuyun, kalo pana ilaan kau ru ulun. Ambiluo no mangila' ramuyun ra atan-atan ayuk am pangilaan Nano motopot, sala' ka magabau. Ginio boo ra akau musiti' gumagaya' ra pangilaan ru Ambiluo no, am maayag kau sumimpung ri Jisus Kristus.