JUANIS 6:33 - Tanou Moonsoi Timugon

³³ Sabap ra ruti' ondo' taakin ri Aki Kapuuno' sotopot no Io ondo' timinuun intor ra suruga' am manaak ra kaayagan motopot ra ulun ru tana' ti.”

JUANIS 6:33 ပူးပေါင်းရင်းမြစ်များ

JUANIS 13:3

Nakapandai i Jisus ra ngaangai' kuasa' pinataak noyo ri Ama' Riso. Nakapandai Io niayuk ra minatong Io intor ri Aki Kapuuno' am sumaguli' poyo Riso.

JUANIS 16:28

Aku ti intor ri Ama' am nakaratong noyo ra tana' ti, kaa' raino iruanin Ku tana' ti am sumaguli' Aku Riso.”

JUANIS 17:8

Pinasaboi Ku noyo risilo nangilaan Muli Raki' am inapu nilo. Nakapandai ilo no ra totopot Aku minatong intor Rirun am mangintopot ilo poyo ra Okou no nanusub Raki'.

JUANIS 3:13

Kolondo' sangulun pana nakaaloi ra suruga', suai Anak ru Ulun ayuk, ondo' timinuun intor ra suruga'.

JUANIS 6:32

Indagu i Jisus risilo, “Balain takamin toojo: Sala' ka i Musa ondo' nangani' ramuyun ra ruti' intor ra suruga'; kaa' i Ama' Kuno ondo' mangani' ramuyun ra ruti' motopot intor ra suruga'.

JUANIS 6:38

Sabap ra Aku ti timinuun intor ra suruga' sala' ka mambaal ra kasagaan Kuno galama', kaa' mambaal ra kasagaan ru Io ondo' nanusub Raki'.

JUANIS 6:41

Ginio ra pasabutok ayuk boo ulun ru Jaudi ri Jisus sabap ra minindagu Io ra, “Aku noyo ruti' ondo' timinuun intor ra suruga'.”

JUANIS 6:48

Aku noyo ruti' ondo' mampakaayag.

JUANIS 6:50

Kaa' ruti' ondo' timinuun intor ra suruga' sala' ka koson raginio, osoi ayuk mangakan ra ruti' ti kalo matoi.

JUANIS 6:58

Gitio noyo ruti' ondo' timinuun intor ra suruga'; Io ti sala' ka koson ra ruti' ondo' inakan ru kinamatuaan mini, ondo' minatoi niayuk. Kaa' ulun ondo' mangakan ra ruti' ti maayag ra mantilayun.”

JUANIS 8:42

Kon ri Jisus risilo, “Amon ru totopot i Aki Kapuuno' no Ama' min, tagamin min Aku, sabap ra minatong Aku intor ri Aki Kapuuno' am raino soroi Aku. Kalo minatong Aku maya' ra kasagaan Kuno galama', kaa' sinusub No Aku.

1 TIMOTIUS 1:15

Motopot ragu ragitio koson maapu am maintopot toojo ra, “I Jisus Kristus minatong ra tana' ti minongoi pamayag ra ulun makatula.” Am aku ti noyo maayo kaga' tula intor ra ngaangai' ulun.