JUANIS 6:30 - Tanou Moonsoi Timugon

³⁰ Ginio ra pangkuot ilo Riso, “Atan kaimuagan baalon Muno, maa' raginio makapangintopot akai Rirun? Ati kia rondo' baalon Muno?

JUANIS 6:30 ပူးပေါင်းရင်းမြစ်များ

1 RAJA'-RAJA' 13:3

Rinayus poyo ru nabi no ragu nano, “Mapuut altar ti, am kaau ondo' soroi ra rasawat no malayak. Ginio noyo inono' no ra minindagu Tuhan no ra pinabala' galing raki'.”

1 RAJA'-RAJA' 13:5

Namulali' altar no napuut am kaau no nalayak ra tana', koson ra rinagu ru nabi no ralalom inggalan ru Tuhan.

KAINGKUALAN 4:8

Indagu Tuhan, “Amon ru kalo masaga' ilo mangintopot rirun, kapoam kalo mampalio ra mopongo makakito ra kaimuagan ondo' kasaa', kaimuagan ra kainduo mampalio ilo.

KAINGKUALAN 7:9

“Amon ru makitaak raja' no ramuyun mambaal ra kaimuagan koson ra inono', susubo' i Arun mangalap ra jujuga' nano am patirin ra saang ru raja'. Makulau jujuga' no sumauk ra kukuo.”

JISAYA 5:19

Mindagu kau, “Ilai' takau atan baalon ru Tuhan. Polosoon Io mataki' mambaal ra atan rinagu Nano. Polosoon noyo i Aki Kapuuno' ru Israil, i Aki kapuuno' ondo' matulai mapaugar ra inatang Nano.”

MARKUS 15:32

Amon ru raja' Io ru ulun ru Israil, Mamamayag ondo' sinusub ri Aki Kapuuno' i, moonsoi tumuun Io intor ra salip, maa' raginio makakito am mangintopot takau Riso!” Ulun ondo' sinalip nababaya' ri Jisus i pana nangiis Riso.

MARKUS 8:11

Ratong ulun-ulun ru Parisi am makimantaam ilo ri Jisus. Koson mangkinam Riso, kitaakon nilo i Jisus mambaal rondo' kaimuagan koson mapainono' ra Io sinusub ri Aki Kapuuno'.

JUANIS 10:38

Kaa' amon ru baalon Ku, am kalo mangintopot kau ra ragu Kutu, pangintopot kano Raki' ra binaal Kuli. Bagu no makapandai am makarati' kau ra i Ama' masimpung Raki', am Aku pana masimpung ri Ama'.”

JUANIS 12:37

Kabalu' pana nambaal Io masuang kaimuagan ra saang nilai, kalo nangintopot ilo Riso,

JUANIS 2:18

Tingganai ru ulun ru Jaudi no minanggal Riso, konilai, “Atan kia kaimuagan saukon Muno koson mampainono' ra makakuasa' Kou mambaal ragitio?”

JUANIS 6:14

Kakito ayuk ru ulun masuang no kaimuagan sinauk ri Jisus i, konilo, “Totopot Io ti noyo nabi ondo' matong ra tana' ti!”

JUANIS 6:2

Masuang ulun saguguluyur minaya' Riso, sabap ra nakakito ilo ra kaimuagan binaal Nano paat ra Io namabas ra ulun marualan.

JUANIS 6:36

Nambala' Aku noyo ramuyun, ra nakakito kano Raki', kaa' kalo niayuk mangintopot kau Raki'.

RINALATAN 4:30

Paintalango' noyo kuasa' Muno koson ra ulun marualan mababas. Gama' ru kaimuagan am tatandu' ra bokon masauk ralalom ru kuasa' ri Jisus, Ulipon Muno ra matulai.”

1 KORINTUS 1:22

Ulun Jaudi kumakikito ra kaimuagan koson inono' nilo, am ulun ru Junani mangkara' ayuk ra kapintaran ru tana' ti.

IBRANI 2:4

Am i Aki Kapuuno' nampaikang poyo ra kaintutunan ru ulun-ulun pinaaya' ra nansalinut tatandu', kaimuagan am baal makakuasa' am mansail poyo pantayaran ra taak ru Ambiluo ri Aki Kapuuno' maya' ra kasagaan Nano galama'.